KELUARAN 6:8 - Allah Wene Fano Wene Hupla Inane

⁸ A'nogo yagaisasikhemo at Tuhan en, ”Yi'nogo yagaisano,” iluk Musa yagatikhe mene a'nogo mondogat, it afuni Israel mene yagaisa lagaikhe. A'nogo yagaisasikhe meneat he, it afuni Mesir mene nen inamingmingengge hak ferinarek logolik, wiik-weakhogo hilinginafunem, it inendawimo nen he, ”Fano asigin lek mene ili'logo,” iluk Musa nen wene a'nogo yagaisugunem holhi'lek herakfisasukwa.

KELUARAN 6:8 ပူးပေါင်းရင်းမြစ်များ

KEJADIAN 14:22

A'nogo yagatikhemo, at Abram en he, mel yagatikhe: ”Neisena Allah Enupogot esin mene logolik, pogot kweang elalhikhe mene andi oak, iluk hombuk palogo igiri'mo.

KEJADIAN 15:18

A'nogo waga logolik aremnogoat, Tuhan nen Abram wene mel waretikhe: ”An nen haren tagongge mene inoba kweang yi mondogat wogisagain o. Wogisagain andi re, o Mesir huli welagaikharek oba nen pikhit i Efrat huli,

KEJADIAN 26:3

An nen wene abok wene warogo heisena Abraham yagatigi mene a'nogo higithogo hilingiti logolik, hebe fetharek welagik, fanot hobagagik, ikhi logogin. Nen o kweang yoma hat inom haren tagongge mene inom wokhisagain.

KEJADIAN 28:13

Abi a'nogo hugunem, Tuhan Allah kwe pela a'nogo era'lu menlagaikhesik mel yagatikhe: ”Abraham inom, Ishak inom, ineisena Tuhan Allah fogetnafarek mene a'nogo re, An aro. An nen kweang hat hebe wengik welagen oba yoma hat hebe inom, haren tagongge mene inom, wokhisagain o.

KEJADIAN 35:12

O kweang An nen it Abraham inom, Ishak inom wogisasigiba andoma hat inom haren tagomangge mene inom wokhisagain o,” iluk yagatikhe

NEHEMIA 9:15

Nen, it inamburu endebatma, nele were'ma, haren inamburu pogoroba nen pelagisa waga lagagin andi. Nen, it i mondok nele were'ma, haren, helep mondok haro mondok mene elema nen i elesi wulibisogo wogisasigin andi. Nen, haren he, An nen o andoma hit eise asubagaigen wokhisagain o, iluk honggwarek henu hombuk palogo yagaisasigin oba, yoma kwi wesuagaluk yagaisasigin andi.

KELUARAN 13:5

At Tuhan nen afuni inunggulenu o Kanaan mene inom, Het mene inom, Amori mene inom, Hewi mene inom, Yebus mene inom, inaiba andoma wokhisagain iluk hinombawi inoba hombuk palogo wene warisasukwama andoma o kweang mondok muli fano yi mene ti mene mondok weregenek hilingi'mo wokhinarek o andoma hinobagai lagain enggere, hit mondogat lambik halok he, tahun ekhe wagunem tugi Abib andiba hiren wene yi faget kabogeti logogun.

KELUARAN 32:13

Hat hamingmingengge Abraham inom, Ishak inom, Yakub inom, wene hombuk palogo warisikhi logolik he, hiren tagomangge mene hesagal pogoroba hokhorogo andi hangge hilinglasugun. Nen, o wokhisagain iluk abok yagahisigimo andoma mondogat hiren tagomangge mene eise asimbik mondok-mondok logogun, iluk wene warisasigin andi hendawimo ebesin o,” iluk yagatikhe.

KELUARAN 6:2

Anatma re, An Allah Nebe Nomame Hokho yi mene ti mene hilingisu hagenek logolik, Abraham inom, Ishak inom, Yakub inom, inelokhoma menlaga lagagi meneat he, An Nenu, Tuhan iluk furogo yagaisikhi lagi lego.

KELUARAN 6:4

Wene a'nogo warisasigi andi nen he, it afuni Israel mene afuni Mesir mene nen inamingmingengge hangge ferinarek were'ma, iren he, eige nabire, iluk ugunem inane nesanggo holhirik he, An nen it wene warisasigi mene andi nendawimo ebeti.

KELUARAN 6:6

An nen hit nagainafuri hilinghinabimbik he, An Tuhan hineisena Allah logogin o. Logolik, afuni Mesir mene nen inamingmingengge hak fethinarek were'ma wokhinarek wulibi wagunem hiren he, An Tuhan, hineisena Allah iluk hobuk futnobagagun o.

YEHEZKIEL 20:15

Andi nen o lei ilingage nek hilingik kwe andoma laga logolik, unggulenu Israel mene inoba na'mage fikhi logolik he, it ari re kweang mondok heiselek oba, yi mene ti mene inom mondok hokhorogo werek oba, nen o kweangma nen he o andoma nek he kweang mondok ibi ebere'ma it inobaget fouget figiba andoma re woginarek kwigin lego isigi.

YEHEZKIEL 20:23

Ilingage nek pirimse'ma leimo andoma nen An nen hombuk palhi logolik, it andi re it inunggulenu amu mene werekwe andoma telfol isogoin iluk hombuk palhigi.

YEHEZKIEL 20:28

An nen it woginarek kweang mondogat wene warisasigiba omanogo wagagi. Mo re, iren punu-punu uan mene inom, e hokho mene wilibikwe inom hilik laga logolik omanogo fogerati logolik, obaget warogo erokwe andoma nolhi lagaukwa. Iren An nanini kwelaknafi lagaukwa andi re i anggur agai inom, kembu endawimo agaiyek hoageluk warogo noletungge inom, omanogo nolhi lagaukwa andiba na'mage lagasigi.

YEHEZKIEL 20:42

An nen ambi hit wokhinarek kweang Israel en mene, An nen it hinombawilak inoba wene warogo wogisasigi anggweangma andi hinobagai wesumo re, hiren An Tuhan a'nogo hinelu asugun.

YEHEZKIEL 36:7

An Tuhan Lego Mondok welagi mene a'nogo nen nane hombuk palhi lagi andi re, it inunggulenu andi mene nen hit hinabel fena-fena maserogo werek mene andoma ogo li'norinafi logogunat.

YEHEZKIEL 47:14

An nen nane hombuk palhi logolik kweang ari re hit hinombawi wogisagain o, iluk hombuk palhigi. A'nogo hilingitigi hilingi'mo re kweang andi wanimbik he hinagaila'lak hinom higithogo sumburano.

BILANGAN 10:29

Musa nen ombasi Hobab hun Rehuel amlogo o Midian mene a'nogoba ikhi logolik he, ”Nit he At Tuhan nen kweang hit wokhisagain iluk isikheba andoma logoino. Tuhan nen he it afuni Israel mene faget fano mene nek abok yagaisasikhe. Yagaisasikhemo re, niren hat hoba fanothobagagun enggere, ninom louwogo,” iluk yagatikhe.

BILANGAN 11:12

An nen it inebe na'ma agarik, taginafi nogo? Haren he, afuni omalik kwalogo woginarek nikharek andi hak, it andi an nen woginarek o inambu inombalak wogisagaluk wene warisasigin oba andomaat loagaluk, yaganeten andi nenahalok?

BILANGAN 23:19

Allah re, afuni nen, Nambigen igi e, igik, ineranen wene igik, agarek andi hak ikherek mondok lego. At Allah re, An nen yi'nogo hilingisigin, iluk abok yagaisaluk he, ebe tiphogoat hilingiterego. Nen, Aren ugunem ebe arat hilinglagarek enego.

ULANGAN 32:40

An Allah nali'-nalegat, neluk mondok welagirek mene, An nenggi liakfulugen, nonggwarek nenu hombuk palogo, ikhi lagi.

ULANGAN 4:31

Nit nineisena Tuhan Allah re, afuni mondok endawirinaferek mene o. Ma re, Aren hit kofologo herakhinobagagik, hinebe legethinafik, At onggwarek enat hinombalak wene warogo woginafikhe mene andi hinonggoragik, ugun mondok lego.

YOSUA 24:13

O An nen wokhisasigimo yoma hiren set kwil-kwalhogo nen helasigip lego. Nen, o kota-kota An nen wokhisasigiba andoma hit hinenggi nen ekhe wutigip legaro. A'nogo meneat he, o andoma hit logolik, anggur inom, e zaitun inom, awi hiren yati'lek meneat he, enggen palogo fano ninggi lagep andi, iluk ikhe,” iluk yagaissikhe.

WAHYU 10:6

Allah nen pogot ebe inom, oba welagarek mene inom, kweang ebe inom, oba welagarek mene inom, i laut yenggelek inom, elonggoma welagarek mene inom, mondogat elalhikhesik eluk mondok welagarek mene at enuba hombuk palhunem holhi: ”Allah nen hilingisigin andi yi sambul igik, ti sambul igik, aninurogo logogun lego.

1 SAMUEL 15:29

At Allah nit afuni Israel mene nineisena fogeratorek mene andi, nit afuni higit he lego, andi nen he eranen wene igik, yi'nogo hilingisigin ilugen, hobuk hunogoat mene igik, ikherek mondok lego,” iluk yagatikhemo,