KELUARAN 6:7 - Allah Wene Fano Wene Hupla Inane7 An nen he, o Abraham inom, Ishak inom, Yakub inom, hit wokhisagain, iluk hombuk palogo wene warisasigiba andoma wokhinarek lagain o. Lambik o andoma, hit hinonggwarek faget eise mondok logobagaigeluk wokhisagain o. Hineisena Tuhan he, Anaro,” iluk yagaisasikhe. အခန်းကိုကြည့်ပါ။ |
KELUARAN 6:7
50 ပူးပေါင်းရင်းမြစ်များ
A'nogo hilingi'mo re, ap nabi misik ekhe at raja Ahab ambit wagaikhesik yagati logolik he, ”Tuhan nen ikhe mene yi'nogo: It ap Siria inap andi nen anggikhi logolik, An he we tom oba andoma nek werek, nen tonggoma yoma re lek, iluk anggili'lagwi mo re, it ap sikhe fisogo mene esa hokho-pokhorogo hilingik mene andoma inoba nen, An en hat homamet hobagagin o. Nen, hat inom, hat agoromi hane holi'lagwi mene inomen he, An nebe Tuhan welagi mene a'nogo iluk hinelu asugun o, iluk ikhe,” yagatikhe.
Musa nen it inggulenu israel mene a'nogo inoba yagaisikhi logolik he, ”Linggene yi sambul Tuhan omame hokho meneba hit o Mesir mene nen enggin-fenggin hinoba fikhi logolik sebelhinarek were'ma omanogo nen lologo hinobagaikhemo wulibi wagep. Andi halok he, lingge andi sambul he, ebeti logolik logoino roti fitu meneba hilingik menere nafuk.
A'nogo anggikhe halok, An nen he, at endawinggen mondok helep hilingisogo foumo re, hit mukhinarek wesigin o. A'nogo meneat he, An nen at raja agoromi tentara mene inom An nomame inugisamo re, iren he, At Tuhan ebe Araro, iluk futfanimbik inelu asugun o,” iluk yagatikhemo, it afuni Israel mene nen he, at Tuhan yagaisasikhe higithogoat hilingitukwa.
It raja-raja omanogo re hineisugwi higit asugun nen ratu-ratu omanogo re hinagaisawi higit asugun. Iren hat legeisogo hobagakhi logolik inendep awi yagaisogo foget habimbik hawe a'ma sebe ugun. Ariginugun andiba re haren An nebe Tuhan welagirek mene a'nogo helu asigin o, ap inendawinggen An noba tibet fuluk werek mene re inendawimo weak asuageluk ekhe hilingfisagain lego,” ikhe.
An nen it hit hinaselei mene andoma inoba mep en inafekwe lugu-lugwirogo hilingfisamo re it-it wat-wat logoin o. A'nogo hilingisugun andiba re yi afuni ti afuni mondogaren, An hineisena Tuhan logolik, telhinafirek mene, Allah Yakub agap telhigi mene, nomame mondok hokho mene a'nogo hinelu asugun o.” iluk ikhe.
A'nogo yaganetesik he, ekhe mel yaganeteat: ”Meneat he, hobuk An nen he, afuni Israel mene inebe ial i laut hokho yenggelek mene era'lukwe inenggi wenatik, iwak elema kwelagaisogo kilo walhigik, u mondok elo'lek andi hak, inebe mondok hokhorogo hilingisogo fisagain o. Yogondak An nen he, Hit An nagainafuri lego, iluk yagaisigirek aro. A'nogo meneat he, hobuk, hit An Allah neluk mondok welagirek mene nagainafuri o, iluk yagaisagain oba werego.
We minggilogo fena sepertiga nen enek he linerisogoin. Andi nen he, it andem enek he afuni nen perak endu oba ebe mene weinam asuageluk weratarek andi hakhogo enogo horinabigin o. Nen, it he emas ebe meneba nen weak mene iluk walhagarek a'nogo hakhogo it andi re An nen inobabut paligin. A'nogo hilingiti logolik iren samban An noba ugunem An nen onggo yagaisikhi logogin. Nen An nen it inoba re hit An nagainafuri o iluk yagaisagain, nen iren ogore An faget Nineisena Tuhan Allah re At aro, iluk fakhogo ugun o,” iluk isikhe.
O yogondak yibaat, nineisena Tuhan nen, Hit hinebe yi'nogo hilinghinabigin, iluk wene wathisasikhe hak, hinebe at onggwarek againafuri mene asuagaluk wokhinafe o. A'nogo wokhinafesik, yi'nogo yagahisili'lago: An nen, Yi'nogo hilingiti logoino, ti'nogo hilingiti logoino, iluk komo weneba yagahisigi mene andi, mondogat hilingiti logoino, iluk yagahisikhe.
Hit hinebe Tuhan Allah againafuri esin mene hilinglasubagaigeluk, yi afuni ti afuni kweangma welagaikharek mene mondogat inunggulenu lombok inanggele'ma nen kigilogo wenagaisogo hinobagasikhesik hinayonggo fesikhemo hinebe eise At Tuhan Allah onggwaregat andi nen he, mondogat a'nogo hilingirik lano o.
A'nogo higiri'mo nen, hobuk nesanggo holhi hak he, at Allah kain welagarek obuluk oba a'nogo nen, at ekhe ane hokhorogo ikhi logolik: ”Yethani! Allah afuni inom mondok logogin mene, awi a'li yethani! A'nogo logolik, it at againafuriat logogun, nen, at Allah it ineisena inendawinggen oba eberogoat himbirik logogun meneat logolik, inom mondok logogun o.
ကြော်ငြာတွေ