KELUARAN 6:6 - Allah Wene Fano Wene Hupla Inane

⁶ An nen hit nagainafuri hilinghinabimbik he, An Tuhan hineisena Allah logogin o. Logolik, afuni Mesir mene nen inamingmingengge hak fethinarek were'ma wokhinarek wulibi wagunem hiren he, An Tuhan, hineisena Allah iluk hobuk futnobagagun o.

KELUARAN 6:6 ပူးပေါင်းရင်းမြစ်များ

2 RAJA-RAJA 17:36

Hiren he An Tuhan nomame hokho meneba o Mesir en wokhinarek wulibi wagagi mene a'nogo nalong anggaluk legeisogo nobagakhi logoni. Nen hiren An enek fogetnafi logolik wam he an nobaget enek warogo wo'neti logoni.

1 TAWARIKH 17:21

O kweangma yoma mondogat he afuni inunggulenu it Israel mene hak he ekhe werek lek. It Israel inap andi re, Hat hamu hagainafuri asuageluk aben sebelinarek were'ma nen fikhalogo wulak fisasigin. Haren it faget hokho aple hilingiten mene inom, alonghogo hilingiten mene inom, andomaba re Hat henu o kweangma yoma mondogat he lego werek. Haren he it hagainafuri o Mesir en fikhalogo wulaginabi wagagindik, it Hat againafuri weim yabi louwogeluk lagunem he afuni inunggulenu amu mene omanogo filikhogo ale'ma fisikhi lagagin.

NEHEMIA 1:10

TUHAN. Nit yi re, honggwarek hagainafuri mene o, Hat honggwarek hamingmingengge logouwagaluk homame hokho a'nogoba homamerogo telninafigin mene o, neisena.

MAZMUR 77:16

Hat homameba re, it Hagainafuri at Yakub ambisangmangge mene inom Yusuf ambisangmangge mene inom, omanogo fikhalogo wulakfisa wagagin.

MAZMUR 81:11

Hit hinebe o Mesir were'ma nen wokhinarek wulibi wagagi mene, hineisena Tuhan Allah nebe re, An aro. Hit hinamburu nele were'ma re, An nenat nunggu mene wokhisikhi lagagi.

MAZMUR 81:6

Aren it afuni Mesir mene inom weim yabigiluk laga logolik he, it afuni Israel mene faget Aren wene melalek ekhe menfesikhe. An nen he inane ekhe an ogo endep ekhe nonggot mene nesanggo holhigi,

MAZMUR 81:7

”Hat horoa'ma enggin sagalirek mene a'nogo An nen hambokhogo wokhiigi o, nen hat homoloba sungge harogo welagagin mene a'nogo waganogo figi aro.

KELUARAN 1:11

A'nogo yagaisasikhemo, afuni Mesir mene nen it Israel mene inoba enggin-fenggin fikhi logolik, yabu mondok hokhorogo hilingitunem ane ninghogo yagaisikhi logouwageluk menfisilik lagaukwa. Lagaukwama, o Mesir mene kota ekhe enu Pitom inom, Raamses inom, yi mene ti mene at raja Firaun faget fikhi logogun oba o hokhondek mene wutfisoageluk inane ning-nanghogo yagaisikhi lagaukwa.

KELUARAN 12:41

A'nogo welagaukwasik, 430 tahun arat kobokhogo re, At Tuhan nen againafuri Israel mene andi o Mesir arat herakfisaluk wulibi wagaukwa.

KELUARAN 12:51

Linggene andi sambul he, Tuhan nen it afuni Israel mene mondogat o Mesir en woginarek wulibi wagaikhe.

KELUARAN 13:14

Hobuk andoma, hit hinamlogomi nen heinok wokhinafi logolik, mondogat andoma re ninggi'nogo faget? Iluk heinok wokhinafu halok, onggo yi'nogo yagaisikhi logoin o, ’Tuhan omame hokho meneba nit o Mesir kweang oba andoma helewarek were'ma lologo wulakninabi wagaikhe mene faget hilingiti lago o.

KELUARAN 13:16

Niren a'nogo ninetokhogo hilingiti lago andiba re, ninendawinggen wenggelogo ninenggiba inom, ninelhaba inom, pugetunem eberek welago a'nogo hak, niren a'nogo hilingiti logogun oba re, At Tuhan nen he omame hokho meneba o Mesir en woginarek wulibi wagaikhe iluk ebethikhi logogun.” iluk yagaisasikhe.

KELUARAN 13:3

Musa nen it inggulenu israel mene a'nogo inoba yagaisikhi logolik he, ”Linggene yi sambul Tuhan omame hokho meneba hit o Mesir mene nen enggin-fenggin hinoba fikhi logolik sebelhinarek were'ma omanogo nen lologo hinobagaikhemo wulibi wagep. Andi halok he, lingge andi sambul he, ebeti logolik logoino roti fitu meneba hilingik menere nafuk.

KELUARAN 15:13

Haren wene wa'nisasigin mene higithogo hilingiten andi nen, Nit telninafendik wo'ninarek waga lagen, Homame hokho a'nogoba fetninarek welagen, Hat honggwarek hanggweang hore'ma wo'ninarek lageluk waga lagen.

KELUARAN 16:6

A'nogo yagatikhemo, at Musa Harun emberegen afuni Israel mene inebe mondogat mel yagaisasukwa: ”O yogondak hu'mokwe yaat he, nit ninebe nineisena Tuhan o Mesir en wo'ninarek wulibi waga, iluk hinelu asugun o.

KELUARAN 18:1

At Yitro Musa eamal awi Midian mene ebe imam welagaikhe agun a'nogo esanggo holhugunemen he Tuhan nen it Israel mene o Mesir en woginarek wulibi waga logolik Allah nen at Musaba inom, it Israel mene inoba inom hilingfisikhe lagaikhe mene faget ugunem holhikhe.

KELUARAN 2:11

A'nogo salhikhemo, at Musa arat alue agaikhesik he, afuni at unggulenu mene yabu mondok enggin mene ning-nanghogo inoba fesukwama hilingitunem eilenggen isageluk lagaikhe. Lagaikhe hak he, ap Mesir mene nen ap Ibrani mene watunem eilenggen hasikhe.

KELUARAN 3:17

Neilenggen arat isigirik, afuni Mesir mene nen it yi enggin ti enggin hilinginabi'lagwi andi telogo woginarek o kweang muli fanoma yi mene ti mene nenggarek mene mondok hokhorogo were'ma afuni inunggul enu Kanaan mene inom, Het mene inom, Amori mene inom, Feris mene inom, Hewi mene inom, Yebus mene inom, welagaikharek oba andoma woginarek lageluk wene arat igi o, iluk ikhe, iluk yagaisano o.

KELUARAN 3:8

Andi nen, An nen it afuni Mesir mene nen ferinarek werek andi telogo woginarek o andoma nen o ekhe mondok hokho fanoma andoma lageluk pi wagi o. O andire, kweang mondok muli fanoma, yi mene ti mene nenggarek mene mondok hokhorogo were'ma yogondak afuni inunggulenu Kanaan mene inom, Het mene inom, Amori mene inom, Feris mene inom, Hewi mene inom, Yebus mene inom werek.

KELUARAN 32:11

A'nogo yagatikhemo, at Musa nen eisena Tuhan Allah oba kino yi'nogo yagatikhe, ”Haren a'nogo hilinginabigin andi nenahalok? Hat homame mondok hokho andiba it telinafendik, o Mesir en woginarek wulibi wagen a'nogo lek nogo?

KELUARAN 6:2

Anatma re, An Allah Nebe Nomame Hokho yi mene ti mene hilingisu hagenek logolik, Abraham inom, Ishak inom, Yakub inom, inelokhoma menlaga lagagi meneat he, An Nenu, Tuhan iluk furogo yagaisikhi lagi lego.

KELUARAN 6:29

A'nogo yagatikhe meneat he, at Musa nen Tuhan mel yagatikhe: ”Neisena, an nen wene yagaisa re, nane holek logou mene hangge igirek lek andi hat helu o. Andi nen he, at raja Firaun andi. an nane hologo hilingisigin anggegen a? Elo'lego,” iluk yagatikhe.

KELUARAN 6:8

A'nogo yagaisasikhemo at Tuhan en, ”Yi'nogo yagaisano,” iluk Musa yagatikhe mene a'nogo mondogat, it afuni Israel mene yagaisa lagaikhe. A'nogo yagaisasikhe meneat he, it afuni Mesir mene nen inamingmingengge hak ferinarek logolik, wiik-weakhogo hilinginafunem, it inendawimo nen he, ”Fano asigin lek mene ili'logo,” iluk Musa nen wene a'nogo yagaisugunem holhi'lek herakfisasukwa.

KELUARAN 7:4

A'nogo hilingiti logogin andi nen, An nen afuni Mesir mene wene mondok enggin mene inoba fuluk weagerinabimbigen, hobuk Nagainafuri Israel mene andi inebe mondogat o Mesir en herakfisaluk woginarek wulibigin o.

KELUARAN 7:5

An nen, afuni Mesir mene wene inoba fembik weagerinafi logolik, afuni Israel mene o Mesir herakfuluk woginarek wulifunem, it afuni Mesir mene nen he, At Allah re, Tuhan higi iluk, inelu asigin o, iluk yagatikhe.

YESAYA 9:12

At Tuhan Omame Mondok Hokho mene a'nogo nen it Israel mene inoba unggum wogisikheba nen he, it inendawinggen warili'lagwi lek. Nen, iren inobabut agamhogo at oba weri'lagwi legat.

YESAYA 9:17

It inunggulenu andi mene nen weak hilingitunem he engga alok-alogengge mene lei ninggi logolik supuk tololang eterek andi higit hilingiri'lagwi. Endu amulok he o engga lei nilik laga logolik so'le mone'luk lagaikharek hak hilingiri'lago.

YEREMIA 21:5

A'nogo kaboget fembik An nebe ninomat hit ninom weim yabugun o. Nenggi pisat hambik nomamerogoat, naniniba, na'mage het-pethogo, hit ninom weim yabugun o.

YEREMIA 27:5

”An Nomame Hokho meneba inom, nen Nalong welagi mameba inom pogot kweang inom, afuni inom, ineluk werek engge andoma mondogat elalhigi mene andoma re ap ekhe An nelokhoma fano hilingiri'lago halok he at andiat wogosigin o.

YEREMIA 32:21

Hat Homame hokho mene a'nogoba hagainafuri o Mesir en woginarek wulibi wagagin. Hat henggi pisat haluk homame hokho meneba, hilingisu elo'lek mene, elalin mene wesa polanhogo hilingitunem he afuni haselei mene re inoak leiget fisikhi lagagin.

YEHEZKIEL 20:33

An Allah neluk welagi mene Tuhan Lego Mondok welagirek mene nenuba hilingi'mo re, hit hinendawinggen wenggelogo iluk An na'mage lagali'lago mene yagahisak, hit he An nen nobabut haferogo nane omameba yagahisugu were'ma re, An nomame welagirek mene a'nogo hiren ogo hogoin aro. Hit An nen ekhema-ekhema telfol hisagain kwe omanogo nen andogorogo wokhinabimbik hinobagai wesigin o.

KISAH PARA RASUL 13:17

Nit afuni Israel mene yoma nineisena Allah nen, ninombalak inebe wenaginafikhesik he, inayonggo fesikhe. Inayonggo fesikhemo, it o Mesir andoma inebe ap pogat were'ma re, aren inebe sik-pikhogo hokhorogo hilinginafikhe. A'nogo hilinginafikhesik he, at enggi omameba woginarek wulibi wagaikhe andi.

ULANGAN 11:2

Hit hinagainafuri re hilinglaga laga mene faget it inonggotsek oba nen he, hirenek he At Tuhan nen hilingiti lagaikhe aple omanogo hikhi lagagip mo re, andiba Tuhan ebe yi iluk hinelu mene a'nogo wenggel hikhi logoino. Hineisena Tuhan Allah anggiluk werek mene inom, omame hokho werek mene inom, along hokho werek mene inom faget he, hit hineilenggen tomok hikhi lagagip.

ULANGAN 15:15

Hit ogore attak o Mesir afuni inamingmingengge were'ma nen At hineisena Tuhan Allah nen lologo wulak hinobagai wagaikhe a'nogo ebet hano. Andiba re an nen wene melalek yi hit hinoba yagahisikhi lagi.

ULANGAN 26:8

A'nogo nisasigindik, homame mondok hokho mene a'nogoba o Mesir en telogo wo'ninarek wulibi wagagin andi. A'nogo wulibi wagagindik, afuni futfouwagaluk elalin hilingsu lek mene hilingitik, enegengge inailo asu hak mene hilingitik, ninaselei mene inailo asuageluk hilingirik wagagin andi.

ULANGAN 4:23

Nineisena Tuhan Allah nen wene warogo wo'ninafikhe andi hinonggot agi'lek hinendawimo eberek mondok logolik, komothinafikhe wene andi hologo higithogo hilingiti logoino o. Nineisena Tuhan obabut he, endu inebe mondok felelenghogo ninggerek andi hangge logolik, afuni nen At ebe hangge ekhe alik hilingisogo fuluk fogerati logou abit mondok welagarek andi nen he, hiren tugwi kembu yi mene ti mene alik hilingisogo fakhaluk fogerati logouwogeluk ekhe wutubo.

ULANGAN 4:34

Nit nineisena Tuhan Allah nen ailo agi'lek hit hinebe afuni Mesir mene inanggele'ma fethinarek were'ma At onggwarek againafuri asuageluk wokhinafikhe andi hangge, afuni inunggulenu hunogoat mene ekhe ineisena nen a'nogo ekhe hilingitikhe nogo? Mondok lego. Nit nineisena Allah omameba re, afuni nit ninaselei mene andi yi enggin ti enggin inoba figik, weim yafi logolik inoatik, elalin mene hokhorogo hilingitik, inailo mene hokhorogo hilingitik, ugunem hineilenggen nen tomok hasigip andi.

ULANGAN 5:15

Hirogo attak o Mesir ap ina'ma sebelhinarek were'ma hineisena Tuhan Allah nomame hokho meneba fikhalogo hinobagasigi aple a'nogo wenggel hano. Andi halok he linggene Sabat mene andi re esin mene iluk legeisogo fikhi logoino.

ULANGAN 6:12

nineisena Tuhan hit hinebe afuni Mesir mene nen inamingmingengge higit fethinarek were'ma telogo wokhinarek wulibi wagaikhe mene a'nogo oba hinonggot asinogo iluk eberek mondok logoino.

ULANGAN 7:19

Nineisena Tuhan hit afuni Mesir mene nen fethinarek were'ma wokhinarek wulibi wesigiluk omame mondok hokho meneba hilingiti logolik, yi weak ti weak mondok weakhogo inoba figik, elalin mene hokhorogoat hilinginafik, isikhe andi hinendawimo ebe'ni o. It a'nogo hilinginafikhe andi hak, afuni hit hinaselei mene inunggulenu lombok inoba hinailo mondok welagep mene andi, a'nogoat hilinginabigin o.

ULANGAN 7:8

A'nogo meneat he, nineisena Tuhan hinebe mondok endawi nen, Yi'nogo hilinghinabigin, iluk ninombalak wene warisasikhe mene andi, ebe tiphogo hilinglasuageluk hinebe wenagaisogo hinobagaigeluk hinayonggo fesikhe o. Hinayonggo a'nogo fesikhe andi nen, hit hinebe afuni Mesir mene inoe kain enupogot Firaun amingmingengge higit logouwageluk fethinarek were'ma nineisena Tuhan omame mondok hokho andiba telhinafikhesik wokhinarek wulibi wagaikhe andi.

ULANGAN 9:29

Andi nen he, hat hendawimo ebesin o, neisena. It hagainafuri andi, hat hagainafuri hilinglasuageluk wenaginafigindik, homame mondok hokho andiba it o Mesir en woginarek waga lagen andi hendawimo ebesin o, neisena, iluk yagatigi andi,” iluk yagaisasikhe.