KELUARAN 6:13 - Allah Wene Fano Wene Hupla Inane

¹³ Musa inom, Harun inom, inombawi taginabik wagaukwa menere yi: Yakub amlogo manggusa menere Ruben, aren againafuri ap enggaminogo welagaukwa mene inenu re yi: Henokh, Palu, Hezron, Karmi inom. It andem he afuni inunggulenu Ruben mene inambu-inombalak welagaukwa.

KELUARAN 6:13 ပူးပေါင်းရင်းမြစ်များ

2 TIMOTIUS 4:1

At Kristus Yesus ebe hobuk kweangma weinamhogoat wesimbik he, afuni ninebe nineluk welago mene inom, wa'lagaukwa mene inom, mondogat wene ninoba figik, kotik, igin. Fikhi logombik, yi afuni ti afuni mondogat awe a'ma fisambik at ebe kain logogin andi nen, an nen, nineisena Allah inom, Yesus inom, emberek ineilhanem, haren ebe wene afuni yagaisikhi logoinogeluk komorogo yagahesik. Afuni fano wene yagaisugunem holugun werek kwelek inom, inabit werek kwelek inom, holuageluk wene andi ninghogo yagaisikhi logoino. Hendawinggen puk agi'lek yagaisikhi logolik he, weak hilingitunem hane fakhogo yagaisigik, komorinafik, inendawinggen ago warogo yagaisigik, ikhi logoino.

1 TIMOTIUS 6:13

Allah nen afuni ninebe inom, yi mene ti mene inom, mondogat ninelugetninaferek mene a'nogo eilhanemat, Kristus Yesus afuni nen ap Pontius Pilatus oba waluk lagaukwama, ane eberogoat fakhogo yagatikhe a'nogo eilhanemat, wene yi komorogo yagahesigin.

1 TIMOTIUS 5:21

Wene yagaheti mene andi, haren he afuni ekhe helokhoma fisigik, ekhe hambotma fisigik, igi'lek higithogo yagaisikhi logoino, iluk Allah inom, Kristus Yesus inom, ineilhanemat, malaikat Allah nen wenaginafikhesik yonggo pelakfisa wagarek mene inom, ineilhanemat yagaheti andi.

1 TIMOTIUS 1:18

Timotius namlogo e. An wene yi komorogo yagahesik. It ekhe nen wene attagat hat honggwarek faget ikhi logolik he, ”At yi'nogo hilingiti logogin,” iluk, isukwa hak, fano wene yi faget, weim inomamerogo yafarek hak, homamerogo yagaisikhi logoino o.

MAZMUR 91:11

At Allah nen he, hat hebe komakwe lagain halok setharek logouwagaluk agoromi malaikat mene inayonggo fuluk hoba lakfisa waga logogin.

ULANGAN 31:14

A'nogo yagaisasikhemo, hobuk At nineisena Tuhan nen wene Musa yi'nogo yagatikhe: ”Hat henggi ekhe inom heluk logogin lego. Ma re, An nen at Yosua nen hilingiti logogin mene yanggulesigen he, at ebe wolesimbik, An nawi su mene wuri'mo waluk we'no o,” iluk yagatikhe. A'nogo yagatikhemo, Musa nen Yosua woletikhesik waluk, o Tuhan awi sabu wuri'mo omanogo lagaikhe.

BILANGAN 27:23

enggi unggul oba sebelfesikhesik, ”Yosua an nobali'mo menfigi o,” iluk Tuhan nen yagatikhe hagat higithogo hilingitikhe.

2 TIMOTIUS 2:4

It ap kaindek andi, inogogwi kaindek inendawimo inagaiyek asuageluk weim yafi logolik, yi mene ti mene oloba mene oba ebeti'legat yafarek andi.

1 TIMOTIUS 6:17

Yi mene ti mene mondogat lek asigin meneat he, it ap kaindek inenuwerek mene andi inendawimo nen fogerakhikhi logolik, ”Nagarek kweangma mene yoma mondok hokhorogo yi nen nebe fano logogin,” iluk, anggikhi logoinogo. Athe, at Allah nen yi mene ti mene mondogat ninendawimo agaiyekhogo helikhi logouwageluk hokhorogo wo'nisikherek a'nogo nenat fanotninabigin iluk futfikhi logouwagen komorinafi logoino.

MATIUS 4:6

mel yagatikhe: ”At Allah nen: Hat heisok helep oba temukhogo waranogo iluk, an nagoromi malaikat pogoroba yonggo pelakfisa wagirek mene omanogo nen inenggi talek oba wokhabuagen yagaisagain o, iluk isikhemo lisu palek werek andi, hat eberogoat Allah amlogo halok, pok harogo maroma pin,” iluk yagatikhe.

BILANGAN 27:19

A'nogo menfikhi logolik he, at ebe ap imam Eleazar inom, afuni Israel mene mondogat inom, ineilhanem menfuluk he, Yosua yi an nobali'mo menfigi o, iluk yagaisano.

KELUARAN 6:12

Tuhan nen it Musa Harun emberek inayonggo fikhi logolik, ”Hiren mel yagaisa lano: Niren hit afuni Israel mene o Mesir yoma nen wokhinarek wulibuageluk ninayonggo fikhemo wago, iluk yagaisigik, nen, raja Firaun a'nogo yagati logolik, niren afuni Israel mene woginarek wulibuageluk ninayonggo fikhemo wago o, iluk yagatik, i lano o,” iluk lakfisasikhe.

KELUARAN 6:14

Simeon againafuri abengge inebe falfaligen welagaukwa, inenu re: Yemuel, Yamin, Ohad, Yakhin, Zohar inom. Nen, ap he Kanaan mene andi nen he Saul tatikhe. It andem he afuni inunggulenu Simeon oba nen inambu-inomba mene welagaukwa.

KELUARAN 6:26

At raja Mesir mene nen afuni Israel mene lologo wulak fisoageluk it inebe pire andemen raja were'ma kwi lagaukwa.