KELUARAN 5:2 - Allah Wene Fano Wene Hupla Inane

² A'nogo yagatukwama, aren he, ”Tuhan andi sa nogo?” iluk heinok wogisasikhesik he, ”An nen he, at andi nen fano ikhe, iluk afuni Israel mene loageluk nenahalok At ane holfuluk lani igin? Tuhan andi ebe nonggotma re, afuni Israel mene andi, lani, iluk yagaisagain lego,” iluk yagaisasikhe.

KELUARAN 5:2 ပူးပေါင်းရင်းမြစ်များ

2 RAJA-RAJA 18:35

Afuni inunggulenu lombok an nen inoasigiluk ugunem, ekhe it inandugwi kembu faget, nineisena ebe yi aro, iluk ikhi lagaukwa mene andi nen telinafikhe mene ekhe werek nogo? Nen Tuhan nen afuni Yerusalem mene elok telinabuhak nogo? Mondok elo'lego, iluk ikhe,” iluk yagaisasikhe.

2 TAWARIKH 32:14

It sani nen a'nogo ekhe hilingitukwa mene werek nogo? Hit hinanggembu dewa andi nen telhinabigin he elo'lek!

2 TAWARIKH 32:15

Raja Asyur mene enggi omame mene a'ma nen he it inunggulenu amu mene inanggembu dewa nen ekhe lologo wulakfisasikhe mene ekhe werek lek. Enggere hirogo hinanggembu dewa andi nen lologo wilak hinabigin he elo'legat. Hit hineisena raja andi nen lalhinafik, kembuet hinafik, hilinghinabuageluk hilingiti logou fuk, Aren ili'lago mene andomaba eberogo anggaluk hilingiti logou fuk!” iluk wene warogo lakfesikhe.

2 TAWARIKH 32:19

Iren he afuni Yerusalem mene nen Allah apne wanharek mene a'nogo re it afuni inunggulenu amukwe nen inanggembu dewa ap inenggi nen hilingfuluk apne wanharek mene hak hilingik iluk ikhi lagaukwa.

NEHEMIA 9:10

Inane a'nogo hesanggo holhi lagagindik, hat hagainafuri yi enggin ti enggin hilinginafi lagaukwa mene andi helu andi nen he, afuni Mesir mene inoe raja ebe inom, agoromi inom, afuni aren ferinarek welagaikhe mene inom, elalinat weagarinafi lagagin andi. A'nogo hilinginafigin andi nen, henu o yi awi ti awi lagu mondok huli yogondak huli nen laguat werek andi.

AYUB 15:25

A'nogo nek it afuni Allah ane oak sagalogo fuluk hilingiri'lagwi mene inom, it afuni inailo legengge At Omame Mondok Hokho mene a'nogo ane holhik legengge hilingitarek mene inom, andoma re ambisangma a'nogo nek hogoin werego.

AYUB 15:26

At a'nogo re awonok oba Allah inom walhogoin iluk kwi laluk he, aren andok peiengge perisai a'nogo legeisogo re iget figi'lek tolulurogo kwi lagarek.

AYUB 21:15

Iren wenggelhikhi logolik he, ”Niren nenaluk Allah faget hilingisugun nogo, niren At oba samban ugun andi re we alomarogo hak.

MAZMUR 10:4

It ap weak hilingitarek mene nen he Tuhan faget inafe wonget fisaluk inobakhe nigik hilingirik lagaikharek, a'nogo hilingitarek andi re iren foget fakhikhi logolik Allah re ebe lego, iluk hilingitarek.

MAZMUR 12:4

Tuhan nineisena, iren ap inendawi wanuogeluk inawene tindel fano agarek mene andi inom, nen inambele hokho a'luk agarek inap andi inom Haren inambele to'mot fisan o, neisena.

MAZMUR 12:5

Iren ikhi logolik he, ”Nit ninamelinggen ninonggaregen halamo re higiro, yi wene ti wene we ninggi'nogo wene andoma mondogat he higit ikhi lagoma re amu mene nen ekhe kwe palninabu lek hago!” iluk agarek.

MAZMUR 14:1

Afuni inobabut kembu mene inendawimo nen he, ”At Allah ebe re werek lek,” iluk anggikhi logolik he, inobabut weak mene nek hilingitik, ina'meilo mene nek hilingitik, hilingitu logolik he. Fano mene ekhe hilingiterek mondok lek.

KELUARAN 3:19

A'nogo yagatikhesik, hobuk ekhe mel yagatikheat: ”At raja Firaun andi nen, fano. Lano o, iluk yagahisagain lek. We, An nen at nomamerogo yagasumo nek he, elok, lani, iluk igin a'naga An nelu aro.

KELUARAN 7:17

A'nogo hilingiti lagen andi nen, at Tuhan nen yi'nogo ikhe: An nen hobuk hilingisigin mene heilenggen hambik he, At ebe Tuhan higi, iluk futnobagain aro, iluk ikhe. Halok, an yogondak sige tomuk i agum oba fothugunem he, i eil mep mondok hilinglasigin o.

AMSAL 30:9

Nen an nenggi werek agi halok he, an nen ikhi logolik, an he, Hat ninom hundik logou re nabit igi hanogo. Nen an nenggi lek mene agi halok he, an nen afuni inangge hinasumo nen he Hat henu sebelogo figi hanogo o,” iluk isikhe.

YEREMIA 42:13

Oba nen he hit o Yehuda ba welagep mene oma nen he hineisena Tuhan Allah ba nen hinot amukwe kwani-kwani laga logolik, ”Nit he o kweang yiba logou re ninabiro. Nit he o Mesir Kweang oba andoma lambik logogun. Andoma nen he nit weim yafik, weim yabuogeluk trompet ane futhigik, nen sumburu ouwak weak higik, ikhi logogun lego iluk hinane u fugo. Hiren ambi hinonggwaregen ninghogo o Mesir laluk andoma logogun iluk hilingisugun halok he, At Tuhan Omame Mondok Hokho mene, Allah Israel mene ineisena a'nogo nen hit hinoba yagaisano ikhe mene re yi:

YEREMIA 48:26

Tuhan nen ikhi logolik, ”Moab he, An neilhanem legetfakhugu nen he, at ebere lugulugwi palik higit hilinglasuago. At ebe re, onggwaregen hebak wurik meneba limbil-lambelengge lagunem afuni nen endo yati logogun.

DANIEL 3:15

Eberogoat halok, yogondak pinggong omanogo anethugu kwelek an nen tugwi kembu wuti mene andi hineindep awi yagaisogo sagaum iluk fogerasugun a? Hinabira? Hinabit halok he, an nen hit hinebe endu amulok wabunak nunggunem hambokhogo kwelakhinobagaumo re kembu ningginik mene nen an nenggim engge andi elok telhinabu hak anggegep? Mondok elo'lego,” iluk yagaisasikhe.

YOHANES 16:3

Iren a'nogo hilinghinabugun andi re, an neisena nemberek ninebe inonggot andi nenat hilinghinabugun o.

ROMA 1:28

Iren he: ”Allah ebe ninelu logogun he, ninabiro,” iluk at ebe it inendawimo sebelfesukwama re, aren he: ”It inendawimo anggili'lagwi andi weago. Nabit. Iren he weak meneat he fano, iluk anggagarek andi, a'nogo inoba lombok anggikhi logolik hilingisu lek mene hilingirikhi logonik,” iluk inebe herakfisikherek.

HAKIM–HAKIM 2:10

Hobuk ap at Yosua inom higit welagaukwa mene mondogat inebe wa'larik lagaukwaat. A'nogo wa'lagaukwama, it hobuk ta'larik wagaukwa mene re, Tuhan nen it Israel mene faget hilingiti lagaikhe mene andi ineilenggen furogo higi'lek andi nen he Tuhan ebe inonggot welagaukwa.

1 SAMUEL 2:12

A'nogo hilingitu kwelek, ap Eli againafuri inobabut mondok weak logolik, Tuhan agaugwerati'lek hilingiti lagaukwa

1 SAMUEL 25:10

Oba nen he at Nabal en onggo yagaisikhi logolik, ”Daud a, Andi re sanogo? Hun Isai amlogo andi re sanogo? At faget he an endebat ekhe nesanggo holhi lagi lek mene! Horok yogondak welago arem oba re ap inamingmingengge werek mene hokhorogo inogogwi inoba nen wulifaresik yoma longgo i we'luk werek!