KELUARAN 5:1 - Allah Wene Fano Wene Hupla Inane

¹ Hobuk he, it Musa Harun emberek at raja Firaun o Mesir mene a'nogo oba lagaukwasik he, mel yagatukwa: ”Afuni Israel mene Ineisena Tuhan Allah nen he, ’An nagainafuri Israel mene o leimo afuni le'ma andoma lambik An fogetnabuageluk lakfisoagen yagasi lani’, iluk yaganisikhemo nen yagahesi wago o,” iluk yagatukwa.

KELUARAN 5:1 ပူးပေါင်းရင်းမြစ်များ

1RAJA-RAJA 21:20

A'nogo yagatikhemo, at Elia ebe at Ahab oba lagunem, at Ahab en eilenggen Elia yetha wagaikhesik he, mel yagatikhe: ”Hat an nemberek weak welagorek a'nogo yogondagen noba wagenma ambi aga lago ari a!” iluk yagatikhe. A'nogo yagatikhemo, at Elia nen he, ”Eberogoat egen o. Hat Allah eilhanem honggwaregen hebe weak hilingisogo fakhikhi logogiluk wenagaisogo fakhegendik hilingiti lagen yoma re!

MAZMUR 119:46

Haren wene yi'nogo hilingiti logoino ti'nogo hilingiti logoino iluk yaganisasigin mene andi re, an nen it raja-raja omanogo inoba fageti logogin, an he nenggali asigin lek.

KELUARAN 10:3

A'nogo yagatikhemo, at Musa Harun emberek raja oba lagaukwasik he, mel yagatukwa: ”It afuni Ibrani mene ineisena Tuhan Allah nen he, mel ikhe: Hat An nawe a'ma soma iluk werek aple habit andi huli ki huli nen logogin nogo? Haren An nagainafuri foge'nabi loageluk lakfisano o.

KELUARAN 10:4

Haren An igin mene nane hologo hilingiti'lek herakfisagain halok, ohealek An nen he, hat haiba o Mesir yi awi ti awi mondogat pulue lakfei wesigin o.

KELUARAN 10:9

Yagaisasikhemo, at Musa nen he, ”Noe, nit ninebe mondogat, alageet, inaluendeget, logoin o. Nit nineisena Tuhan Allah hokhoba fogerasi logoin andi nen he laga logolik, ninagainafuri mondogat inom, ninanggo sapi inom, domba inom, kambing inom, woginarek logoin o,” iluk yagatikhe.

KELUARAN 3:18

A'nogo yagaisamo, it nagainafuri nen hat hane inesanggo holugun o. Holugunmo re, hat afuni Israel mene inogogwi hinom at raja Firaun a'nogo oba lambik he, yi'nogo yaga'no: Nit afuni Ibrani mene nineisena Enupogot Allah ninelokhoma menlaga. Ma re, o leimo afuni le'ma kwe we inenggi henagan laga lagaikharesik arat kwi lagaikharek oba andoma lambik nineisena Tuhan Allah faget yi mene ti mene warogo nolesi louwogeluk haren, lani, iluk yaganisanogeluk wago o, iluk yagasi lano,” iluk yagatikhe.

KELUARAN 33:13

An hat faget hilingiti logolik, hendawimo hamolo mene nek hilingitu mondok logoigen he, haren yi'nogo hilingisigin iluk anggegen mene andi yaganom o, neisena. Haren he, afuni yi, an nagainafuri logouwageluk, wenagaisogo fisasigin a'nogo hendawimo ebesin o, neisena,” iluk yagatikhe.

KELUARAN 4:23

Andi nen he, an nagainafuri mene andi an fogetnabi loageluk lakfisan o, iluk yagahesuageluk igi meneat he, haren, I o. Lani, iluk ikhi lagen lek. Andi nen yogondak an nen hat hagainafuri manggusa mene nek mondogat inoasigin o, iluk ikhe yaga'no,” iluk yagatikhe.

KELUARAN 6:11

A'nogo yagatikhe meneat he, at Musa nen mel yagatikhe: ”Afuni Israel mene inonggwaregen he, an nane inesanggo holu mondok inabit andi. Andi nen he, at raja Firaun nen an nane holek logou mene hangge igirek lek mene yi nen yagasumo aren nane hologo hilingisigin anggegen a? Mondok elo'lego,” isikhe.

KELUARAN 6:27

Tuhan nen at Musa o Mesir en yagati logolik,

KELUARAN 7:16

Lambik were'ma, at raja ebe pi wagu halok mel yaga'no: Nit afuni Ibrani mene nineisena Tuhan Allah nen, haren At againafuri lakfisugunem o leimo afuni le'ma laluk At fogerati logouwageluk an nayonggo fesikhesik hoba laknobagai wagama yagaheti lagi meneat he, hat huli yogondagen nane hesanggo holu habit mondok welagen andi.

KELUARAN 7:2

An nen wene yi'nogo hilingi'no iluk yagaheti mene andi mondogat at Harun yaga'no o. At Harun nen he, raja Firaun yagati logolik, haren he, afuni Israel mene, o Mesir herakfisaluk wulibuageluk yagaisano, iluk yagasuageluk yaga'no o.

KELUARAN 8:1

At Tuhan nen he, Musa mel yagatikhe: ”Hat hebe at raja Firaun oba lambik he, Allah nen he, mel yagahete iluk yaga'no: An nagainafuri nen an fogetnabi loageluk he, lakfisano o.

KELUARAN 8:16

Tuhan nen Musa mel yagatikhe: ”At Harun nen arige tomuk a'nogoba kweang fothoagen yagaom o. A'nogo Fothugunem he, kweang age o Mesir yi awi ti awi mondogat saga ikhi logolik, kweang age andi hebekhogo kolum hokhorogo hilinglasigin o,” iluk yagatikhemo Harun yagatikhe.

KELUARAN 8:17

A'nogo yagatikhemo, at Harun nen he, arige tomuk a'nogoba kweang fothasikhemo, o Mesir andoma kweang age omanogo hebekhogo kolum agaikhesik folhaluk afuni inebene inom, wam ebene inom, mondok heim ikhi lagaikhe.

KELUARAN 8:20

Hobuk Tuhan nen he, Musa mel yagatikhe: ”Hat hebe hobit huberat siakhogo re, at raja Firaun ebe i Nil ima pi wagunem elokhoma lambik hemberek ambi asimbik he, an nane igi mene yi yaga'no o: An nagainafuri nen An foge'nabi loageluk lakfisano o.

KELUARAN 8:27

Andi nen he, Tuhan nen yaganisikhe hagat, o leimo afuni le'ma andoma ninenggi henagan laga logombigen nineisena Tuhan Allah faget nolesi logoin o,” iluk yagatikhe.

KELUARAN 9:1

A'nogo hilinglagaikhemo, hobuk At Tuhan nen he, Musa mel yagatikhe: ”Hebe at raja Firaun oba lambik he, afuni Ibrani mene inesena Tuhan nen he, mel ikhe ino: An nagainafuri nen An foge'nabi loageluk herakfisano o.

KELUARAN 9:2

Mene re, haren he, it logoin lek, nabit iluk fakfisagain halok,

YESAYA 25:6

Punu Sion oba andoma Tuhan Omame mondok Hokho mene a'nogo nen yi afuni ti afuni inunggulenu lombok o kweangma welagaikharek mene mondogat inobaget fougesigin. Aren he nunggungge enduk fano mene inom, anggur agai mondok fano mene inom fougesigin.

YEHEZKIEL 2:6

Oba nen he hat afuni wa'lagaikharek mene yi sa, It inobabut an nawe a'ma logou inabit andi nen he, it inebe inom, inane ugunem inom, hailo asu fugo. Hat hebe it andi inobabut he, pimen kwagisugunem aik weak andi hangge inom, panggi alok hokho andi hangge inom, ililim aik palinaferek mene andi hangge inom, inanggele'ma logogin andi nen he, hailo asu fugo.

MATIUS 10:18

A'nogo hilinghinabugun andi ero an nebe fagerat, ap inenupogot mene inom, kaindek mene inom, inoba wokhinarek lagunem, hiren it ap andi ineilhanem an hilingitunem hineilenggen niikhi lagep mene a'nogo fakhogo it yagaisigik, afuni endakwe mene yagaisigik, yagaisoageluk fano asuak hinanema wanugun a'naga o.

MATIUS 10:28

Afuni nen hinareagun inom hinoasugun elo'lek. We, hinebe nek hinoasugun andi nen he, hinailorogo logogubo. Meneat he, at Allah nek he, hinareagun inom, hinebe inom, elok mondok warogo endu ai'mo lakhinobagagin werek andi nen he, at Allah oba nek hinailorogo logoino.

KISAH PARA RASUL 4:29

Mene re, Nineisena. Nit ninoasuogeluk ili'lagwi andi heilenggen isan o. Nit hagoromi yoma wene haren isigin mene andi, ninailo lekhogo yagaisikhi logouwageluk homame wo'nisan o.

1 KORINTUS 5:8

Halok he, seni Paskah ninggi logolik, enggen roti fisuageluk elonggoma pelafarek mene pelafi'lek mene nenggarek hak, nit weak hilingitik, pailak fakfisigik, ikhi logogun lego. We, ninendawinggen misigat logolik, eberogoat mene nek hilingiti logouwogo.