KELUARAN 4:27 - Allah Wene Fano Wene Hupla Inane

²⁷ A'nogo arigin hikhesik, Tuhan nen he, Harun mel yagatikhe: ”Musa o leimo afuni le'ma werek a'naga oba lan o,” iluk yagatikhemo, at Harun wagaikhesik, agot Musa Allah onggwarek andom oba a'nogo were'ma wagaikhesik hai ambe saluk watikhe.

KELUARAN 4:27 ပူးပေါင်းရင်းမြစ်များ

KEJADIAN 29:11

Wogetikhesik, at Yakub endawinggen heisel hikhemo re, Rahel hai ambe saluk watikhesik, obaget le hokhorogo agaikhe.

1RAJA-RAJA 19:8

A'nogo yagatikhemo, at Elia eluk agaikhesik he, sumburu inom, i inom, nasikhemo omame agaikhesik, kwe la elok agaikhemo re, laga logolik kweba enggi 40 nen nogo iluk tom Sinai oba o attagat Allah ebe Israel mene inelokhoma menlagaikheba arat asi lagaikhe.

MAZMUR 105:26

A'nogo hilingfisasikhesik, Allah nen he amingmingengge Musa wenatikhesik, Harun emberek inayonggo fuluk, lakfisasikhe.

KELUARAN 18:5

At Yitro a'nogo Musa agwe inom amlogomi pire inom wagaukwasik he, o leimo tom wesa andom iluk tegelek welagaikhe mene era'lu horokhogo andoma at Musa o tenda ba salfesikhesik were'ma wagaukwa.

KELUARAN 18:7

at Musa wulifikhesik he, it inelokhoma eindep awi yagaisogo inelokhe saluk hai wat-wat agaukwa. Ariginhukwasik he, iren inebe hilingik aple heinok wok-wok agaukwasik he, tenda salek welagaikhe mene a'nogoba kwisukwa.

KELUARAN 19:3

It o a'nogo wutukwasik werek kwelek, at Musa Allah emberek ambi asuogeluk tom andiba lagasikhe. Lagasikhemo At Tuhan ebe tom andiba nen Musa oba afuni Israel Yakub en tagongge mene andi yagaisa pi wesuageluk mel yagatikhe:

KELUARAN 20:18

At nineisena Tuhan nen a'nogo yagaisasikhe andi re, tom a'nogoba eilabut pakhogo so'le hokhorogo lagagunem, ineilenggen higik, unggunggu pak igik, pinggong anethigik, ugunem ane inesanggo holhi logolik inailo nen inoak lei'leik inebe yatmaat hekhogo mendek welagaukwa.

KELUARAN 24:13

A'nogo yagatikhemo, Musa ebe inom, lebethikhi lagaikhe mene Yosua inom, emberegen tegelogo fesukwasik he, at Musa tom Allah ebe welagarek oba a'nogo lagasikhe.

KELUARAN 3:1

Andem sambul he, at Musa wam eamal Yitro Allah eisewerek o Median mene a'nogo anggo domba, kambing inom konhi lagaikhe. Konhi logolik, wam woginarek he, o leimo afuni le'ma abel yikwe wagaikhesik, Allah onggwarek andom Sinai oba wagaikhe.

KELUARAN 4:26

A'nogo hilingitikhe andi re, Tuhan nen he, ”Inagap inenggalimo mene a'nogo palinafi logoino,” iluk isikhe a'nogo higithogo hilingitikhe andi. A'nogo hilingitikhemo, At Tuhan en Musa ebe wati'lek herakfesikhe.

PENGKHOTBAH 4:9

Ap misik amunek werek andi re weak oba nen, ap inebe pire logogun andi nek he mondok fano. It yabu hilingitu mene re ambisangma fano asigin.

KISAH PARA RASUL 10:20

Halok, hat hebe siakhogo pimbik, it andi an nenat lakfisa wagimo wagaikha andi nen he, ninom logoin elo'lek iluk, hendawimo menenei ebeti'legat hinom lano o,” iluk yagatikhe.