KELUARAN 4:21 - Allah Wene Fano Wene Hupla Inane

²¹ Tuhan en he, Musa mel yagatikhe: ”Haren afuni futfugungge elalin mene hilingiti logoinogen iluk An nen nomame wokheti andi mondogat raja Firaun andi eilhanem hilingisi lano o. A'nogo hilingisi lagain meneat he, An nen at endawinggen haro mene hilingfagain andi nen, aren futfuluk afuni Israel mene lani iluk yagaisagain lego.

KELUARAN 4:21 ပူးပေါင်းရင်းမြစ်များ

KEJADIAN 6:3

A'nogo woginafukwama, At Tuhan Allah nen ikhi logolik, ”It afuni andi inebe ineluk mondok logogun andi re nabit. Inebe we elama mene hilingi'mo, wa'lasugun nen werek. Andi halok he yogondak huli nen he inebe ineluk uanhogo ekhe logogun lek, we umur 120 tahun huli nek logogun,” iluk isikhe.

1RAJA-RAJA 22:22

A'nogo ugunem, Tuhan nen heinok wokhikhi logolik he, ninggi'nogo hilingiti logoligen, endawimo kagaligin, iluk heinok wokhikhemo, munggwarengge a'nogo nen he, ap nabi-nabi Hat hane yagaisagarek mene andoma nen, ap Ahab wene ineranen wene yagasuagaluk an nebe nenat inendawimo kagali lagain o, iluk yagatemo, Aren he, fano mondok. Haren a'nogoat hilinginabimbik, ap Ahab endawimo kagalhunem ebe asiginmo re, lan o, iluk yagati laga o,” iluk yagatikhe.

MAZMUR 105:25

At Allah nen he, afuni Mesir mene nen Allah againafuri mene inabiret fisaluk, lalinafi logouwageluk inendawimo hilingfisasikhe.

KELUARAN 10:1

A'nogo hilinglagaikhemo hobuk at Tuhan nen Musa mel yagatikhe: ”Hat hebe raja Firaun oba lano o. An nen, at raja agoromi inom futfouwageluk, it ineilhanem elalin mene hilingiti logolik inendawinggen haro mene hilingisogo fisigimo o.

KELUARAN 10:20

A'nogo meneat he, At Tuhan nen at raja a'nogo endawinggen mondok haro mene hilingisogo fesikhemo re, afuni Israel mene loageluk yagaisigi'lek kamo isikhe.

KELUARAN 10:27

A'nogo yagatikhe mene re, At Tuhan nen raja endawinggen haro mene hilingisogo fesikhemo re, afuni Israel mene loageluk yagaisa abit mondok agaikhe.

KELUARAN 11:10

A'nogo yagatikhe hagat, Musa Harun emberegen afuni Mesir mene futfouwageluk, elalin mene andi at raja eilhanem hilingitukwaat meneat he, At Tuhan nen at raja endawinggen haroat hilingisogo fesikhemo re, afuni Israel mene at aiba Mesir andoma herakfuluk loageluk yagaisa abirat agaikhe.

KELUARAN 11:9

Wulibi lagaikhemo re, At Tuhan nen hobuk Musa mel yagatikhe: ”An nen it afuni Mesir mene futfouwageluk, elalin mene hokhorogo o Mesir yoma yi awi ti awi ekhe hilingisigin anggigi andi nen he, at raja nen he haren yagasigin mene andi hologo hilingiti'lek herakfisagain o,” iluk yagatikhe.

KELUARAN 14:17

An nen afuni Mesir mene inendawinggen helep hangge hilingisogo fisamo re, mukhinarek mondok wagunem An nomame raja Mesir mene ebe inom, agoromi inom, tentara esa logalek inom, inangge kuda inom, ap kereta waluk wesugun mene inom, inugisikhi logolik ekhe hilinginabigin werego.

KELUARAN 14:4

A'nogo anggikhe halok, An nen he, at endawinggen mondok helep hilingisogo foumo re, hit mukhinarek wesigin o. A'nogo meneat he, An nen at raja agoromi tentara mene inom An nomame inugisamo re, iren he, At Tuhan ebe Araro, iluk futfanimbik inelu asugun o,” iluk yagatikhemo, it afuni Israel mene nen he, at Tuhan yagaisasikhe higithogoat hilingitukwa.

KELUARAN 14:8

At nineisena Tuhan en raja endawinggen helep mondok hilingisogo fesikhemo nogo nen he, afuni Israel mene nineisena Tuhan nen woginarek o Mesir en wulibi wagaikhesik wagunem muginarek wagaikhe andi.

KELUARAN 3:19

A'nogo yagatikhesik, hobuk ekhe mel yagatikheat: ”At raja Firaun andi nen, fano. Lano o, iluk yagahisagain lek. We, An nen at nomamerogo yagasumo nek he, elok, lani, iluk igin a'naga An nelu aro.

KELUARAN 3:20

Ma re, An nomameba afuni Mesir mene yi enggin ti enggin inailo mene inoba lakfei wesigin o. A'nogo hilingitunem enek he, lani iluk yagahisagain o.

KELUARAN 7:13

A'nogo hilinglagaikhe meneat he, At Tuhan nen he: ”Hit a'nogo hilingisugun meneat he, at raja endawinggen mondok haro asimbik, hit hinane esanggo holhi'lek herakfisikhi logogin o,” iluk yagaisasikhe higithogoat hilinglagaikhe andi.

KELUARAN 7:3

A'nogo meneat he, An nen at raja endawinggen mondok haro mene hilingisogo fagain o. Hilingisogo fembik, An nen yi enggin ti enggin inailo mene hokhorogo afuni Mesir mene inoba fagain meneat he, at kain nen wene haren yagasigin mene andi esanggo hologo hilingiti'lek herakfisikhi logogin o.

KELUARAN 8:11

Aren he hat hebe inom, hagoromi inom, afuni mondogat inom, yagaise hinom mondok welagep mene andi hinoba nen legetfagain o. A'nogo legetfoumo, hinailokwe mondogat yagaise ekhe logogin mondok lego. We, i Nil ima nek logogin o,” iluk yagatikhe.

KELUARAN 8:15

Yagaise a'nogo wa'lagaikhemo, at raja eilenggen hasikhe meneat he, endawinggen mondok haro agaikhesik, At Tuhan nen isikhe higithogoat Musa Harun emberek ugunem inane hologo hilingiti'lek herakfisasikhe.

KELUARAN 8:32

A'nogo hilinglagaikhe meneat he, at raja endawinggen mondok haro agaikhesik afuni Israel mene, lani, iluk yagaisigi'lek kamo isikheat.

KELUARAN 9:12

A'nogo meneat he, At Tuhan nen isikhe hagat, aren at kain endawinggen mondok haro hilingisogo fesikhemo, aren he Musa Harun emberek inane esanggo hologo hilingiti'lek herakfisasikhe.

KELUARAN 9:35

At Tuhan nen, it a'nogo hilingisugun mene faget Musa yagatikhe hagat, aren afuni Israel mene loageluk yagaisa abirat agaikhe andi.

YESAYA 6:10

A'nogo yaganetesik ekhe ikhi logolik he, ”A'nogo hilingitunem it ineilenggen higik, inesanggo holhik, futfigik, uluk it inobabut hebella'luk he An noba inambotkwe wagunem, An nen it inebe fano hilinginafi hanogore, inendawinggen helep hak harot fisigik, inesanggo tagumet fisigik, ineilenggen humun fisigik ino o,” iluk yaganete.

YESAYA 63:17

Tuhan nineisena, nenahalok nit longgo uageluk herak ninobagakhi lagen? Haren nit ninendawinggen omamet fikhi lagen andiba, niren Hat hoba ninailothafi lago andi nenahalok nogo? Nit he Hat hamingmingengge mene o, Haren wenagaisogo fakhasiginmo nit he Hat honggwarek mene welagoma re, hambotkwe hendawitninabime o, neisena.

YOHANES 12:40

”At Allah nen he, it ineilenggen en furogo haluk, inendawimo ebetfuluk inobabut hebela'luk he, an nawe a'ma wagunem, an nen it fano hilinginafi hanogoluk, an nenat it ineilenggen mumet fisigik, endawimo puget fisigik isigi o,” iluk isikhemo, Yesaya nen lisu palogo fesikhemo werek andi.

ROMA 1:28

Iren he: ”Allah ebe ninelu logogun he, ninabiro,” iluk at ebe it inendawimo sebelfesukwama re, aren he: ”It inendawimo anggili'lagwi andi weago. Nabit. Iren he weak meneat he fano, iluk anggagarek andi, a'nogo inoba lombok anggikhi logolik hilingisu lek mene hilingirikhi logonik,” iluk inebe herakfisikherek.

ROMA 9:18

At Allah nen, ”At yi nendawi,” iluk endawimo anggikherek mene halogat, endawiratik, nen, ”At andi endawinggen omamet fagain,” iluk endawimo anggikherek mene halogat endawinggen omamet figik, ikherek andi.

ULANGAN 2:36

Nit nineisena Tuhan Allah nen lebetninafu kwelek o Arnon tongge fem wure'ma o Aroer huli nen o kota tongge andi elonggoma mene mondogat inom he, o Giliad huli o kota andoma mondogat eise asi kwisugumo re, o kota misik ekhe leget-pak leget helep oba omamerogo waganek mene welagaikhe mondok lek.

YOSUA 11:20

Tuhan nen he afuni andoma it Israel mene inom weim yabuageluk inendawinggen omamet fisasikhe. Andi re wene melalogo Musa yagatikhe mene higithogo it inebe inendawirinafi'legengge mondok leget fisoageluk hilingfisasikhe.

1 PETRUS 2:8

Nen, ekhe mel isikhe: ”Afuni helep andiba ineisok a'lip silukhogo waraluk, talorogo laga logoguno,” iluk isikhe. A'nogo talorogo laga logogun andi re, iren fano wene andi, ”Eberogoat,” iluk futfogoin lek andi nen, Allah nen anggasikhe hagat, warili'lagwi andi.