KELUARAN 4:11 - Allah Wene Fano Wene Hupla Inane

¹¹ A'nogo yagatikhemo, at Tuhan nen ikhi logolik he, ”Sa nen afuni inambe hilingisogo fikherek nogo? Nen, sa nen inane unggut lugulugwit figik, inesanggo tagumet figik, ikherek nogo? Nen, sa nen ineilenggen puget figik, fenggen figik, ikherek nogo? An Hineisena Tuhan nen hilinginafirek lek nogo?

KELUARAN 4:11 ပူးပေါင်းရင်းမြစ်များ

KEJADIAN 11:7

Halok, it-it ekhe nen ekhe inane inesanggo holhi'lek hilingisuagen, niren inane onggut munenfisa puogo,” iluk pi wagaukwa.

KEJADIAN 18:14

An hineisena Tuhan nen elalin mene hilingisu re elo'lek nogo? Hilingisigin enego. Tugi 9 logombigen hobuk hinoba wesigin, iluk attagat yagahisigi andi hak, wesigin aro. Wagunem, Sara eak abengge takhagain o,” iluk yagatikhe.

MAZMUR 146:8

afuni ineilenggen mum mene ineilenggen yethoageluk fenggen fisigik, afuni pule pugu mene Aren omamerogo menfisigik, afuni higithogo hilingitarek mene Aren endawi hundik hilinginafik, ikherek.

MAZMUR 51:15

A'nogo hilingnabumo an nen he, it weak hilingiri'lagwi mene andi inafe hebelasimbik inambotkwe hoba wesuagaluk, wene haren yaganisasigin mene andi fakhogo yagaisagain o.

MAZMUR 94:9

At Allah nenat ninesanggo elalogo fesikhemo re, At esanggo holherek lek nogo a? Holheregaro. Arenat nineilenggen walhogo fikhemo re, At eil nisili'lago lega? Eilenggen nisikherek enego.

AMSAL 20:12

Inesanggo re holhu mene faget werek, nen ineilenggen he yethugu mene faget werek, andem ebe pirenet he Tuhan nenat elalhikhe.

YESAYA 42:7

Afuni ekhe ineilenggen mum mene fenggenogo fanorinafik, it ekhe inebe mummo hele warogo ferinarek were'ma fikhalogo telinafik, igin o.

YESAYA 6:7

Wagasik he endu ambisang a'nogo an nambeba taunget fikhesik yaganeti logolik mel ikhe, ”Kwelakhan, endu ambisang yi hat ambeba arat taunget hobagagi ari. Ma re yogondak he haren weak hilingiti lagen mene inom, kwanirogo hilingiti lagen mene inom omanogo re Tuhan nen arat leget hobagaikhe o,” iluk yaganete.

YEREMIA 1:6

A'nogo yaganetemo an nen onggo ikhi logolik, ”Tuhan Lego Mondok welagen mene neisena, an nebe souge oan welagimo re nane ugu aple ogore mondogat nonghongsek welagi o,” iluk yagati.

YEREMIA 1:9

A'nogo yaganetesik aremnogo re Tuhan enggi waganogo an nambeba fikhi logolik he yi'nogo ikhe, ”An nane ikhi lagi mene yi holimbik he hambeba nen yagaisano o.

YEHEZKIEL 33:22

Hubanggo aren oan yaganesi wagi'lek werek kwelek, Tuhan Areagun an noba asi wagunem higi. A'nogo higimo nen, ap andi wagasik an noba yaganeti logolik, an nane lek welagi mene a'nogo nane hurogo hilinglagama, nane u higit aga.

AMOS 3:6

Afuni o kota welagaikharek mene, Weim werek, iluk inendawinggen wenggelogo pinggong anethugunem ina'manggen lagi'lek logou hak nogo a? Nen, Tuhan nen enggin-fenggin lakfei wagi'lemaat afuni o kota welagaikharek mene andoma weak mene andi inoba asi wesu hak nogo a?

MATIUS 11:5

Ineilenggen mum mene fenggenogo fano agik, inawe wut warek mene kwe lagik, inoba henanggo hangge inailo mene were'ma higirinafunem fano agik, inesanggo tagum mene inesanggo huakhogo holhik, warek mene inelugerinafik, it ekhe inagarek lek mene fano wene yagaisigik, ugunem hineilenggen neegep a'nogo furogo yagasi lan o.

LUKAS 1:20

A'nogo wagarik wene yagaheti meneat he, eberogoat anggigi'lek andi nen, hilinglasigin higit oba hilinglasigin andi oan hilinglagi'lek werek kwelek he, halonggobak te'merogo hane igi'lek logombigen, hobuk wene andi mondogat hilinglagunemen, hane houwak igin o,” iluk yagatikhe.

LUKAS 1:64

Fogeratu kwelek aremnogoat, Zakharia a'nogo ane mondok houwak isikhesik he, ane ikhi logolik Allah hai wati lagaikhe.

YOHANES 10:21

A'nogo isukwa meneat he, it fena nen he, mel isukwa: ”Lego. Afuni munggwarengge obabut weak mene inendawimo kuluk he wene a'nogo agarek lego. Munggwarengge obabut weak mene nen ineilenggen mum mene elok fano higirinabu hak anggegep? Mondok elo'lego,” iluk isukwa.