KELUARAN 4:1 - Allah Wene Fano Wene Hupla Inane

¹ A'nogo yagatikhemo, at Musa nen he, Tuhan mel yagatikhe: ”A'nogo egen meneat he, an nen wene a'nogo yagaisugunem, afuni Israel mene nen, eberogoat ili'lago, iluk futfou inabiren he, wene an nen yagaisagain mene andi herakfisugu halok ninggi'nogo hilingisu hak? Iren he, Tuhan hat helokhoma menlagi'lek meneat he, heranen ikhi lagen, iluk ugu halok, an nen nena u hak?” iluk yagatikhe.

KELUARAN 4:1 ပူးပေါင်းရင်းမြစ်များ

1RAJA-RAJA 13:3

A'nogo isikhesik at nabi a'nogo nen ane ekhe inom ikhi logolik he, ”Mezbah ari re talosigin o, nen wul amboloba werek mene re kweisaligin aro. Andiba re an nebe Tuhan nen laknobagai wagama iluk he enek asigin o,” iluk yagatikhe.

KELUARAN 2:14

A'nogo yagatikhemo, at ap a'nogo nen he: ”Hat nit ninoe fetninarek logolik, wene ninoba figik kotik, ikhi logouwageluk sa nen menhobagaikhemo. Ap Mesir mene waten a'nogo hak an noasigiluk ikhi lagen a?” iluk yagatikhe. A'nogo yagatikhemo, at Musa ailo mondok agaikhesik endawimo nen he: ”Egi, nailo e. An hilingiti a'nogo afuni inelu agama higi,” iluk endawimo ebetikhe.

KELUARAN 3:15

Ekhe re, yi yagaisanogen yagahesik: An he, hit hinombalak Abraham inom, Ishak inom, Yakub inom, ineisena Nenupogot Allah a'nogo nen hat hayonggo figirik it inoba lakhobagagi o. An nenu re, Tuhan Allah, iluk ugu mondok logogun mene a'nogo aro. An nenu andi re, afuni hobuk ta'larik laga logogun mene mondogaren ugu mondok logoguno.

KELUARAN 3:16

Afuni Israel mene inogogwi mondogat andogorinabi lan o. Lambik he, hit hinombalak Abraham inom, Ishak inom, Yakub inom, ineisena Allah a'nogo An arat nelokhoma menlaga o. Menlagasik yi'nogo yaganete: An hit afuni Israel mene it afuni Mesir mene nen hilinginabi'lagwi andi, An arat neilenggen isa pi wagi yi o.

KELUARAN 3:18

A'nogo yagaisamo, it nagainafuri nen hat hane inesanggo holugun o. Holugunmo re, hat afuni Israel mene inogogwi hinom at raja Firaun a'nogo oba lambik he, yi'nogo yaga'no: Nit afuni Ibrani mene nineisena Enupogot Allah ninelokhoma menlaga. Ma re, o leimo afuni le'ma kwe we inenggi henagan laga lagaikharesik arat kwi lagaikharek oba andoma lambik nineisena Tuhan Allah faget yi mene ti mene warogo nolesi louwogeluk haren, lani, iluk yaganisanogeluk wago o, iluk yagasi lano,” iluk yagatikhe.

KELUARAN 4:10

A'nogo yagatikhe meneat he, at Musa nen he, ”Eige, Neisena. An he, o attak huli nen yogondak huli nane higithogo igirek le'ma re, hobuk haren yaganesumo nen nane higithogo u elo'lego. An nane mondok ebet-ebet logolik abiweak hilingi'mo re nambe enggin o,” iluk yagatikhe.

KELUARAN 4:30

A'nogo andogerinafukwasik, Harun nen he, Tuhan nen wene Musa yagatikhe mene omanogo mondogat tindelogo yagaisasikhe, at Musa nen it futfoageluk elalin mene mondogat it ineilhanem hilingitikhe.

KELUARAN 4:31

A'nogo hilingitukwama, it ap omanogo nen, eberogoat, iluk futfesukwa. It Musa Harun emberegen, ”Tuhan nen hit afuni Israel mene eilenggen wokhinafik, yi enggin ti enggin hugunem eilenggen hisigik, ikhemo o,” iluk yagaisasukwama inesanggo holhukwasik he, ineindep awi yagaisogo Allah fogeratukwa.

KELUARAN 6:12

Tuhan nen it Musa Harun emberek inayonggo fikhi logolik, ”Hiren mel yagaisa lano: Niren hit afuni Israel mene o Mesir yoma nen wokhinarek wulibuageluk ninayonggo fikhemo wago, iluk yagaisigik, nen, raja Firaun a'nogo yagati logolik, niren afuni Israel mene woginarek wulibuageluk ninayonggo fikhemo wago o, iluk yagatik, i lano o,” iluk lakfisasikhe.

YEREMIA 1:6

A'nogo yaganetemo an nen onggo ikhi logolik, ”Tuhan Lego Mondok welagen mene neisena, an nebe souge oan welagimo re nane ugu aple ogore mondogat nonghongsek welagi o,” iluk yagati.

YEHEZKIEL 3:14

Tuhan omame a'nogo an noba nomamerogo kwelakfei wagama re, At Areagun nen an legeisogo wo'narek lagunem he nendawimo na'mage lagagik, nendawimo heiselhik, igi.

KISAH PARA RASUL 7:25

Wati logolik, endawimo nen he, ”It afuni an palek mene inendawimo nen he, Allah nenat ayonggo fikhemo, aren wo'ninarek wulibigin,” iluk futnobagagun, iluk anggasikhe meneat he, iren a'nogo futfigi'lek welagaukwa.

HAKIM–HAKIM 6:17

A'nogo yagatikhemo at Gideon nen ikhi logolik he, ”Tuhan neisena, haren an noba hendawimo wute halok he, wene andi Tuhan nen yaganete iluk, an fut fagain nen he enegengge ekhe hilingfein o.