KELUARAN 39:7 - Allah Wene Fano Wene Hupla Inane

⁷ A'nogo hilingfuluk he, Tuhan nen wene melalogo Musaba yagatikhe mene higithogo re, it afuni inunggulenu 12 nen andi inendawimo ebetikhi logouwageluk he, helep omanogo inomoloba hele efod pugetarek mene a'nogoba to'mot fesukwa.

KELUARAN 39:7 ပူးပေါင်းရင်းမြစ်များ

NEHEMIA 2:20

A'nogo yaganisasukwama, an nen he, mel yagaisasigi: ”Allah pogoroba lego mondok welagarek mene nen yabu andi eil hondologo katokhogo wusuageluk hilingninobagagin werego. Nit ninebe At Allah amingmingengge mene welago yi nen he, nit arat wusuogeluk ero fakhogoin aro. A'nogo meneat he, o Yerusalem yi hit eise fuk, hit mene legaro. Andi nen he, afuni nen o Yerusalem yi faget abok ikhi logolik, hit hinenu ikhi logogun mondok lego,” iluk yagaisasigi.

KELUARAN 28:29

At Harun Allah awi wurik hore'ma a'nogo kwigiluk he, aren afuni inunggulenu Israel mene inenu amik sebelek mene a'nogoba hesesengge waganek mene a'nogo laberaluk kwikhi logogin. Andiba re, An Tuhan nen it nagainafuri andi eberisugu mondok logogin.

KELUARAN 28:7

Esanggoma re efod andi omolo fena-fena puget fugu mene faget hele pire mene eisel feino.

MARKUS 14:9

Nane eberogoat yagahisak. He yi oba eberek logouwageluk he, afuni nen wene fano wene a'nogo o yi awi ti awi yagaisilik nikhi logolik he: He andi nen yi'nogo hilingitikhe, iluk abok fano ikhi logogun,” iluk yagaisasikhe.

YOSUA 4:7

yi'nogo yagaisikhi logoino: O endamat, niren nineisena Allah nen Peti Wene Warogo wo'ninafikhe iluk hilingik a'nogo waluk wulibi wagunem, i Yordan yaga'lagaikhesik firok isikhemo, waluk wulibi wagagu mene o, iluk yagaisikhi logoino. Wene andi, it afuni nen hinedawimo ebethisikhi logou hak, helep andi nen, Allah nen ti'nogo hilingitikhe iluk hit afuni Israel mene hinendawimo ebethisikhi logogin o,” iluk yagaisasikhe.