KELUARAN 32:5 - Allah Wene Fano Wene Hupla Inane

⁵ A'nogo isukwama, at Harun nenat yi mene ti mene Allah faget warogo endu noleti logogun oba obuluk ekhe tugwi kembu sapi mene andi era'lu wutikhesik he, mel yagaisasikhe: ”Ohealek Allah fogerasuogeluk he, pesta ekhe hilingisugun o,” iluk yagaisasikhe.

KELUARAN 32:5 ပူးပေါင်းရင်းမြစ်များ

1RAJA-RAJA 21:9

Surat palogo lakfesike andi, wene ebe yi'nogo isikhe: ”Afuni inebe mondogat sumburu mondok ninggi'lek logolik, inebe o misi'mo andogosuagen yagaisilik lano o. A'nogo andogot fuluk, ap Nabot a'nogo inelokhoma ap raja hu'lagaikharek oba hu'lasuagaluk yaga'no o.

2 RAJA-RAJA 10:20

A'nogo hilingitukwasik he Yehu nen wene melalek yi'nogo isikhe, ”Hiren he linggene ti sambul Baal apne wanhi logogun iluk tekhogo ini o,” iluk yagaisasikhe. A'nogo yagaisasikhe mo re afuni nen linggene andi sambul he,

2 RAJA-RAJA 16:11

A'nogo lakfesikhemo at Uria nen ilirengge walhogo lakfesikhe mene a'nogo kwelakhigik mezbah a'nogo mondok higithogo wutikhe. At Uria nen mezbah andi wutikhe andi re at raja ebe o Damsyik en oan wagi'lek werek kwelek mondogat wutikhe andi.

KELUARAN 10:9

Yagaisasikhemo, at Musa nen he, ”Noe, nit ninebe mondogat, alageet, inaluendeget, logoin o. Nit nineisena Tuhan Allah hokhoba fogerasi logoin andi nen he laga logolik, ninagainafuri mondogat inom, ninanggo sapi inom, domba inom, kambing inom, woginarek logoin o,” iluk yagatikhe.

KELUARAN 12:14

A'nogo hinoati'lek herakhinobagagin andi nen, hiren he, Nineisena Tuhan nen he o yi sambulat ninoati'lek herakninobagasikhe iluk, An noba ebetnafi logolik, ninggi logogun mene attak-attak erora'no. A'nogo naluk he, hobuk tahun ebe lombok oba, hiren Pesta Paskah andi hakhogoat ninggi logoino ikhe, iluk yagaisano,” iluk Musa Harun emberek inoba yagaisasikhe.

KELUARAN 17:15

A'nogo yagatikhemo, at Musa nen yi mene ti mene Allah faget warogo loleti logogun oba mezbah ekhe wutikhesik enu mel salhikhe: ”An namboksu bendera liabek he, Neisena Tuhan hebe aro,” iluk salhikhe.

KELUARAN 32:4

Wogosi wagaukwama, wanhikhesik he, weragaisogo lebelek agaikhemo obalik ekhe anggwe folele'ma kweisalogo kwelakfesikhemo re, tugwi kembu ebe sapi hangge hilingitikhe. A'nogo hilingitikhemo, it afuni Israel mene nen he, mel isukwa: ”Kwelakhani, nineisena allah o Mesir en nit wo'ninarek waga mene re, ebe yi o,” iluk isukwa.

KELUARAN 32:6

A'nogo yagaisasikhemo, it afuni Israel mene ohealek huberat siakhogo re, wam Allah faget warogo endu nolesugun mene inom, nen Allah inom lambuluogeluk waresugun mene inom, waluk wagaukwa. Wagaukwasik enggen amusu ninggik, sumburu ninggik, ikhi lagaukwasik he, inebe menlagaukwasik inendawimo hai en, we, lugulugwi higit palogo yugunat hilingiti lagaukwa.

HOSEA 8:11

Afuni Israel mene nen inaweak legabetukwe iluk mezbah hokhorogo wutu kwelek he, iren weak hilingitukwe iluk obalik omanogo ogore hokhorogoat hilinglarik lili'lago!

HOSEA 8:14

Afuni Israel mene nen inawi o istana sili pumbuk wurili'lagwiba nen iren ap ebe elalinafikhe agun a'nogo inonggot ari'lagwi. Afuni Yehuda mene nen inawi kota omamerogo wurilik lagali'lagwi, oba nen he An nen it inawi istana sili andoma inom, inawi kota andoma inom endu noageluk pelabi wesigin o,” iluk ikhe.

IMAMAT 23:2

”Hinendawimo eberek logolik, hari hokho mene, ekhe sambul-ekhe sambul, An fogetnabuogeluk hinenggi weat logolik hinebe andoget fuluk yi'nogo hilingirik laga logoino, iluk yagahesigin mene yi, afuni Israel mene yagaisano o.

IMAMAT 23:21

Yi mene ti mene An nobagakhi logogun sambul andi re, hinenggingge hokhorogo wanhi'lek, An nobaget hilingisuogeluk hinebe andogoti logoino o. A'nogo andogoti logouwageluk igi andi re, hiren tagomangge mene inebe, we, o koma it logogun kwe lombogen, andoma mondok higithogo hilingirik laga logouwago.

IMAMAT 23:37

An hineisena Tuhan nen he, hiren an nobagaget hilingiti logogun mene wenagaisogo figi mene andi yagaisikhi logoino o. A'nogo hilingiti logolik, An hineisena Tuhan fogetnabuogeluk hinebe andoget fuluk, An faget hilingitik, sumburu yi mene ti mene nobagagik, yi mene ti mene nolnetik, ekhe inenggi lakfigik wakfigik ulugen wo'netik, hinanggo ekhe wa'netik, anggur enggen amusu ekhe nobagagik ikhi logogun mene andi re, hinenggi ekhe sambul-ekhe sambul higithogo nek nobagakhi logoino o.

IMAMAT 23:4

Yi'nogo hilingiti logoino, iluk hari hokho mene wenagaisogo figi mene andiba An hineisena Tuhan faget hilingisugun oba arat asi wagu halok, hilingiti logogun mene wene palek higithogoat yagaisikhi logoino o,” iluk yagatikhe.

1 KORINTUS 5:8

Halok he, seni Paskah ninggi logolik, enggen roti fisuageluk elonggoma pelafarek mene pelafi'lek mene nenggarek hak, nit weak hilingitik, pailak fakfisigik, ikhi logogun lego. We, ninendawinggen misigat logolik, eberogoat mene nek hilingiti logouwogo.

1 SAMUEL 14:35

A'nogo senggelhukwama, at Saul en wam, yi mene ti mene nineisena Tuhan faget noleti logogun oba mezbah attak-attak wutikhe andi.