KELUARAN 32:14 - Allah Wene Fano Wene Hupla Inane

¹⁴ A'nogo yagatikhemo At Tuhan nen afuni andi unggum inoba fembik mondok-mondok inoasigiluk isikhe mene andi kamo isikhesik he, inoati'lek herakfisasikhe.

KELUARAN 32:14 ပူးပေါင်းရင်းမြစ်များ

YUNUS 3:10

A'nogo hilingitukwama, Tuhan eilenggen isasikhesik he, ”It andi inobabut weak hilingiti lagaikha mene herakfisaga higi,” iluk isikhesik he, attak wene inoba fembik inoasigin iluk isikhe mene a'nogo sugirogo herakfisasikhe.

YEREMIA 26:13

Halok he hit hinebe welagep aple inom, hinobabut hilingiti lagep aple inom, fanorogo hebelimbik he, At Tuhan nen hilingisigin iluk wenggelhe mene andi sugwi asuakhogo re, hiren hineisena Tuhan Allah ane hologo nek hilingiti logoni o.

MAZMUR 106:45

It andi inobaget he Aren wene warisasikhe mene a'nogoba eberisikhi lagaikhe, nen Aren endawi hundik mondok hokho mene hilinginaferek mene a'nogoba endawirinafi lagaikhe.

YEREMIA 18:8

inunggulenu a'nogo inaweak oba nen inendawinggen agam etu halok An nen hilingisigin iluk nendawimo menenei wenggelfugu mene a'nogo sebelu hagaro.

1 TAWARIKH 21:15

Andi nen he, Tuhan en malaikat ekhe o Yerusalem legatfisa loageluk lakfei wagaikhe. Oba nen he, at malaikat a'nogo hun Arauna awi Yebus agun a'nogo nen gandum enggen kigilhi lagaikheba aremnogo asi wagaikhe hak he Tuhan ane isikhe mene a'nogo hebekhogo yagati logolik he, Arat, inoatun o,” iluk yagatikhe.

2 SAMUEL 24:16

At pogoroba yonggo mene nen wa'lagu mene waluk wagaikhe mene a'nogo hun Arauna o Yebus agun a'nogo nen gandum enggen lolhuba aremnogo asi lagaikhesik were'ma, At Tuhan eilenggen hasikhe re malaikat pogoroba yonggo nikherek mene a'nogo nen he o Yerusalem a'nogo mondogat wolelenggenhogo feigiluk ugunem hasikhesik, At Tuhan nen, a'nogo inoasi lan, iluk wene katokhogo isikhe mene a'nogo hebekhogo re it afuni inunggulenu a'nogo mene unggum inoba feigiluk isikhe mene a'nogo herakfisasikhe. A'nogo herakfisasikhesik, Aren malaikat oba ikhi logolik he, ”Arat hilingiten! Palfein o!” iluk yagatikhe.

YUNUS 4:2

A'mage lagasikhesik, Allah ayonggo fikhi logolik he, mel yagatikhe: ”Tuhan neisena! O attagenat an naiba logolik aremnogo Haren a'nogo hilingisigin iluk an nen isigi lek nogo? Isigiat anggigi! Hat he hobabut inelagaik isigik, afuni hendawi hundik hilinginafik, hendawinggen sakhorek oba hilingitik, hobabut fetakhogo hilingiti'lek logolik afuni weak hilingitu mene inoasigin iluk inabok palherendigen he, hobuk hendawirinafi legen a'nogo nelu logolik he, an heise o Spanyol lagaluk lagagi anggigi.

YOEL 2:13

Hiren he, ”Nit weak hilingito iluk hinasu tilibesu fugo, oba nen he hinendawimo warano,” iluk yagaisasikhe. A'nogo yagaisasikhemo, an nen he, mel yagaisigi: ”Hineisena Tuhan Allah andi re obabut sakhorek logolik endawirinafik, a'mage weak-weak lagagi'lek welagik, wene weak mene inoba figi'lek weak hilingitarek mene sagalogo herakfisigik, ikherek andi nen he, hinendawimo waraluk, hinebe hinelokhe hebelogo At woge'luk logoni o.

YEREMIA 26:19

Oba nen he raja Hizkia inom afuni Yehuda mene inomen he Mikha ebe watukwa lek. Athe Hizkia ailo agasik he Tuhan nen endawit nabuageluk kinotikhe. Andiba re Tuhan nen inoasigin iluk wenggelogo welaga mene a'nogo lisogo wanhe. Nen, yogondak he niren ninonggwarek ninoba weak hokho mene fakhouwogeluk hilingiti lago andire higira?” iluk aga.

ULANGAN 32:26

It afuni ekhe nen, inoba ebeti'lek, inonggoret fisambik logouwageluk, an nen it legetfisagain.

KELUARAN 33:13

An hat faget hilingiti logolik, hendawimo hamolo mene nek hilingitu mondok logoigen he, haren yi'nogo hilingisigin iluk anggegen mene andi yaganom o, neisena. Haren he, afuni yi, an nagainafuri logouwageluk, wenagaisogo fisasigin a'nogo hendawimo ebesin o, neisena,” iluk yagatikhe.

1 SAMUEL 15:11

”At Saul An hera'nobagaluk wulifesik, An nen, yi'nogo hilingi'no, iluk yagati mene nane hologo hilingiti'lek andi nen, afuni Israel mene inoe raja menfigi andi nambigen e, iluk anggigi o,” iluk yagatikhemo, at Samuel endawimo weak agaikhesik he, hundik-handik nineisena Tuhan oba limamit falogo yagatu mondok welagaikhe.

KEJADIAN 6:6

A'nogo isasikhesik, mel isikhe: ”Afuni andi nambigen elalogo kweangma fisigi e,” iluk endawimo mondok weak agaikhe.

BILANGAN 14:20

A'nogo yagatikhemo At Tuhan nen he mel yagatikhe: ”Fano. An haren kino yaganeten higithogoat it weak hilingita mene andi sagalogo legetfisagain o.

ULANGAN 10:10

At Musa nen a'nogo yagaisasikhesik ekhe mel yagaisasikhe: ”An nenggi attak 40 hari nen tom oba welagagi hagat welagi andi. A'nogo were'ma, At Tuhan nen hobuk an nane esanggo holhikhesik, hit hinebe legethinabigin lego, iluk attak isikhe hagat isikhe andi.

ULANGAN 32:36

Nineisena Enupogoren, againafuri telinabimbik, it afuni at amingmingengge mene, inomame legasimbik were'ma, it hilingisu elo'legen he, Aren eilenggen isambik endawirinabigin.

HAKIM–HAKIM 2:18

A'nogo hilingitunem, it inaselei mene nen wiik-weak hogo hilinginafunem iren he, ”Weak hilingninabi'lagwi yoma nabire,” iluk ugu were'ma, Tuhan nen endawirinapluk inane esanggo holfuluk he, inebe telinabuageluk inoe ekhe ayonggo fuluk inoba lakfisaluk leberisikhi lagaikhe. A'nogo leberisugunem, inogogwi andi inebe ineluk logolik oba re, it Israel mene inaselei mene nen inoasinogoluk telinafu welagaikhe.

MAZMUR 106:23

Andiba re At Allah nen it inebe mondogat leget fisagain iluk hilingitunemen he, Musa At Allah nen wenatikhe mene a'nogo nen kwe palfesikhe. Musa ebe tulem menlagaikhesik it inili wanhikhe andiba re, Allah a'mage lagasikhe mene a'nogo lombuk isikhe.

AMOS 7:3

A'nogo ayonggo figimo, Tuhan nen hilingisigin iluk endawimo anggasikhe mene a'nogo agam etesik he mel yaganete: ”Hat heilenggen hegen mene andi re ebe asigin lego,” iluk yaganete.

AMOS 7:6

A'nogo igimo, Tuhan endawimo ebete mene a'nogo agam etesik he mel yaganete: ”Hat heilenggen yethegen mene andi ogore, ebe asigin legaro,” iluk yaganete.