KELUARAN 32:12 - Allah Wene Fano Wene Hupla Inane

¹² Haren a'nogo inoasigin halok, afuni Mesir mene nen ikhi logolik, Allah nen afuni Israel mene a'nogo re, o tom oba a'lima nen inebe warogo mondogat legetfisageluk woginarek wulifesik lagama higi, iluk ugun o. Halok a'nogo hilingitun, andi nen neisena. Hat ha'mage lagaluk afuni andi weagetfisagun.

KELUARAN 32:12 ပူးပေါင်းရင်းမြစ်များ

KEJADIAN 6:6

A'nogo isasikhesik, mel isikhe: ”Afuni andi nambigen elalogo kweangma fisigi e,” iluk endawimo mondok weak agaikhe.

1RAJA-RAJA 8:51

It he, Hat honggwarek hagainafuri o Mesir en enggin-fenggin inoba fugunem woginarek wulibi wagagin mene o, neisena.

EZRA 10:14

Enggere nit ninogogwi kaindek-kaindek enek he wene yi palhu re o Yerusalem yoma logouwak. Nen, nit he ninawi kota lombok ninagagwi enda'ma mene woginarek welago mene re linggene enogo fogoin higithogo, nit ninogogwi melalninabi'lagwi mene ninom, ninawi kota welago lombogen ap hakim wene katukhogo pali'lagwi mene omanogo inom seberogo wesugun enggere senggerogo yaganisani. A'nogo hilingisugun halok he At Allah nen nit ninoba wene ekhe fagain mondok lek,” iluk isukwa.

MAZMUR 106:45

It andi inobaget he Aren wene warisasikhe mene a'nogoba eberisikhi lagaikhe, nen Aren endawi hundik mondok hokho mene hilinginaferek mene a'nogoba endawirinafi lagaikhe.

MAZMUR 74:18

Tuhan neisena, it haselei mene nen Hat henu sebelogo fili'lagwi mene andi wenggelhan o, it afuni inunggulenu inap Hat inonggot mene nen Henu weagerogo fili'lagwi andi.

MAZMUR 78:38

Oba nen he, At Allah nen, At againafuri endawi hundik hilinginafi logolik, it inaweak onggorabethogo fisasikhe, nen it inebe mondogat leget fisasikhe lek. At a'mage hobugalep lagagu kwelek oba nen he hambuget hikhi lagaikhe, At anini lagaikherek mene a'nogo it inoba fikhi lagaikhe legat.

MAZMUR 85:3

It hagainafuri inaweak hilingita mene andoma re Haren mondogat honggoraphogo fisegen, iren kwanirogo hilingirik laga lagaukwa mene omanogo re Haren mondogat leget fisegen.

MAZMUR 90:13

Tuhan neisena. Ha'mage het-pet ili'lago mene andi re ki huliba nen legasigin nogo? Ha'mage siok imbik he, hambotkwe nit hamingmingengge mene yi hendawit ninafi logoin o, neisena.

KELUARAN 32:14

A'nogo yagatikhemo At Tuhan nen afuni andi unggum inoba fembik mondok-mondok inoasigiluk isikhe mene andi kamo isikhesik he, inoati'lek herakfisasikhe.

KELUARAN 33:13

An hat faget hilingiti logolik, hendawimo hamolo mene nek hilingitu mondok logoigen he, haren yi'nogo hilingisigin iluk anggegen mene andi yaganom o, neisena. Haren he, afuni yi, an nagainafuri logouwageluk, wenagaisogo fisasigin a'nogo hendawimo ebesin o, neisena,” iluk yagatikhe.

YESAYA 64:7

Haren he, ”It weak hilingiri'lagwi andiba inebe lek akhoak he,” iluk ninagaiserogo helokhe hinago welagen andiba re, nit ekhe nen henu hombuk palogo samban ogorek mondok legat. Nen, Haren lebetninabuageluk ninane ninghogo yagahetorek legaro.

YESAYA 64:8

A'nogo meneat he, nit nineisena Tuhan he, Hat hebe aro. Nit mondogat ninebe kweang tangge mene abiweak mene Hat henggi nen afe halogo pugunhogo elalninafigin mene welago o, neisena.

YEREMIA 28:16

Andiba re Tuhan ebe nen ikhi logolik, hat he o kweangma yoma nen Tuhan nen mondogat leget hobagagin o. Haren he it inunggulenu ari nen Tuhan ane sagalogo hilingisuageluk yagaisasiginmo re tahun yibaat hebe wa'lasigin o,” iluk ikhe yagati.

YEHEZKIEL 20:14

Oba nen he An nen nonggwarek nenu nalong palogo re, it ap inunggulenu lombogen An nen ap Israel mene o Mesir en woginarek wulibi wagunem neasukwa mene omanogo nen sebelogo nobagainogo iluk a'nogo hilingitigi lek.

YEHEZKIEL 20:22

Oba nen it inunggulenu ekhe mene ekhe mene mondogaren An nen unggulenu Israel mene o Mesir en woginarek wulibi wagunem neasukwama re, Nenu weagerogo feinogoluk hilingitigi lek.

YEHEZKIEL 20:9

Oba nen he iren afuni unggulenu it were'ma andoma mene nen An nenu weagerogo feinogo iluk An nen a'nogo hilingitigi lek. Andi re it inunggulenu andoma ineilhanem An nen nane menfikhi logolik, An nen unggulenu Israel mene andi re o Mesir en woginarek wulibi lagain o, iluk nane menfesigi.

YOEL 2:17

Nen it ap Allah eisewerek logolik, At faget hilingiri'lagwi mene andoma re, mezbah honggolek, solombon elokhoma mene honggolek tulem andoma nen le asuak. A'nogo le aga logolik, mel uak: Allah henupogot mene, neisena. Hagainafuri hendawirinabin o. Hat honggwarek hangge mene andoma afuni nen weagerinafunem he, it inunggulenu amu mene nen inane asegen wogisikhi logolik, It ineisena Allah re ebe koma werek? iluk ikhi logoinogo,” iluk ayonggo fouwagaluk yagaisasigi.

AMOS 7:3

A'nogo ayonggo figimo, Tuhan nen hilingisigin iluk endawimo anggasikhe mene a'nogo agam etesik he mel yaganete: ”Hat heilenggen hegen mene andi re ebe asigin lego,” iluk yaganete.

AMOS 7:6

A'nogo igimo, Tuhan endawimo ebete mene a'nogo agam etesik he mel yaganete: ”Hat heilenggen yethegen mene andi ogore, ebe asigin legaro,” iluk yaganete.

YUNUS 3:9

A'nogo hilingitunem he, nineisena Allah a'mage ninoba fikhesik ninoasigiluk ninabok palhesik werek andi, herakfisambik endawit ninabigin a? Lega, sa elu,” iluk wene ero wulafukwa.

ZAKHARIA 8:14

Tuhan Omame Mondok Hokho mene a'nogo nen ikhi logolik, ”It inambu inombalagen An na'mage kwelafi lagaukwaba re An nen it inoba unggum mondok omamerogoat wogisikhi lagagi aro. An nen hilingisigin anggigirek mene a'nogo agam eti'legengge, hilingisigin anggigirek mene a'nogoat hilingiti lagagi.

BILANGAN 14:19

Ma re, Haren hokhorogo hendawirinafik, yi'nogo hilinghinabigin, iluk wene wa'nisasigin higithogoat hilingninafik egendek andi nen, yogondak it afuni Israel mene o Mesir en herakfisaluk wulibi wesuageluk weak hilingiti lagaukwa mene sagalogo legetfisikhi lagagin andi hak, yogondak it weak hilingita mene andi sagalogo legetfisanogen iluk yagaheti o, neisena,” iluk yagatikhe.

BILANGAN 16:21

”Ap were'ma oma nen hinebe higila'ni. O yogondak yaat An nen inebe leget fisageluk welagi,” isikhe.

ULANGAN 13:17

Yi mene ti mene mondok homan oba werek mene andi re, hit hinonggwarek faget iluk ogo ekhe fakhogoin mondok lego, abirengge mondok pin tagalogo fisamo, At Tuhan a'mage hit hinoba logogin mene a'nogo leget fikhi logolik hit hinoba endawi hundik hilinghinafik, endawi sakhorek oba hilinghinafik, Aren hit hinombawi inunggulenu hokhot fisikhi logolik fanot fisasikhe hakhogo, hirogo a'nogoat hilinghinabigin.

ULANGAN 32:36

Nineisena Enupogoren, againafuri telinabimbik, it afuni at amingmingengge mene, inomame legasimbik were'ma, it hilingisu elo'legen he, Aren eilenggen isambik endawirinabigin.

ULANGAN 9:28

Hat hagainafuri andi inebe mondok legetfisagain halok he, afuni o Mesir mene nen mel yagahesugun: At Allah nen he againafuri o it wogisageluk wene warisasikheba loageluk inebe woginarek laga a'nogo re, Aren woginarek la elo'lek agama re, inebe abiren o leimo afuni le'ma andoma nen inoasigiluk woginarek lagama higi, iluk yagahesugun o.

YOSUA 7:26

A'nogo hilingitukwasik obuluk oba aremnogo iren helep hokho-pokhorogo kabokhogo wurogo fesukwama re yogondak huli nen andoma werek. Andiba re obalik andem faget enu re, Enggin-fenggin Tonggoma iluk salhukwa. A'nogo hilingitukwama re Tuhan anini a'nogo lombuk isikhe.

YOSUA 7:9

Afuni Kanaan mene inom, afuni amu mene o kwe yoma werek mene inomen he wene hilinglaga mene andi faget inesanggo holugun. Nen iren he nit hukhogo kwelakninobagambik nit ninebe abirengge ninoasugun logou hak! A'nogo hilingirik lagunem Hat Halong Welagen mane a'nogo ninggi'nogo halong palogo fakhegen aplerek?” iluk yagatikhe.

1 SAMUEL 12:22

At nineisena Tuhan onggwaregen he, It An nonggwarek nagainafuri asuagaluk woginafi, iluk onggwarek enu hombuk palogo isikhemo re, hit herakhinobagagin mondok lego.