KELUARAN 32:10 - Allah Wene Fano Wene Hupla Inane

¹⁰ An na'mage inoba figirik arat inoasigin andi nen he, haren hulit ninabigiluk ugun o. A'nogo meneat he, harenek he, herakhobagambik, haren tagomangge mene inunggulenu hokho asuageluk hilinghabigin o,” iluk yagatikhe.

KELUARAN 32:10 ပူးပေါင်းရင်းမြစ်များ

KEJADIAN 12:2

An nen he, haren tagomangge mene nen hokhorogo sik-pik imbik, it inunggulenu hokho asuageluk hilinghobagagin o. An nen, hat fanot hobagagik, henu werek hilinghafik ugunem, halisikhogo afuni ekhe hat fanorinafi logogin aro.

MAZMUR 106:23

Andiba re At Allah nen it inebe mondogat leget fisagain iluk hilingitunemen he, Musa At Allah nen wenatikhe mene a'nogo nen kwe palfesikhe. Musa ebe tulem menlagaikhesik it inili wanhikhe andiba re, Allah a'mage lagasikhe mene a'nogo lombuk isikhe.

KELUARAN 22:24

Inane holfuluk he, An nanini nen hit weim yabugun oba andoma hinebe pinggi hinoasumo, hit hinagagwi sogwe fisigik, hinagainafuri suarek mene agik, hilinglasugun.

KELUARAN 32:11

A'nogo yagatikhemo, at Musa nen eisena Tuhan Allah oba kino yi'nogo yagatikhe, ”Haren a'nogo hilinginabigin andi nenahalok? Hat homame mondok hokho andiba it telinafendik, o Mesir en woginarek wulibi wagen a'nogo lek nogo?

KELUARAN 32:19

Yagatikhesik, o sabu tenda mene wuri'mo horokhogo wagaikhe re, sapi emas mene a'nogo were'ma re, afuni wuni lagik-wagik watunem eilenggen isasikhesik he, a'mage hokho mene lagasikhe. A'nogo isasikhesik, tom a'ma aremnogo nenat helep waluk pi wagaikhe mene a'nogo woukhogo hugisasikhemo re, sirik-serekhogo taik isikhe.

KELUARAN 33:3

Hit he, o kweang muli fanoma, yi mene ti mene mondok hokho-pokhorogo were'ma andoma logogun. A'nogo meneat he, afuni Israel mene aroma inendawinggen mondok helep andi nen he, ebekhalem laga logolik An nen legetfisigi hanogo iluk he, An nebe ninom logoin lego,” iluk yagatikhe.

YEREMIA 11:14

Andiba re, Yeremia ahwi. It inobaget samban igik, An noba leberisan iluk kino yaganetik, u fugo! It anggolorek logolik An noba lebetninabin iluk kino yaganetu halok, An nen inane holhi logogin lego.

YEREMIA 14:11

Tuhan ane an noba ikhi logolik, ”An nen ap andoma leberisoageluk An noba yaganetun o.

YEREMIA 15:1

Tuhan nen an noba ikhi logolik, ”Musa inom Samuel inom ya mendek logolik afuni yi faget hendawirinabin iluk kino yaganesumo mene ogore it inunggulenu yi mene ari An nen nendawirinabu lek hago. An he it kwelagisa re mondok nabit nabi'lagonggere, unggulenu ari mene re hela loakhogo yagaisan o!

YEREMIA 7:16

Tuhan nen ikhi logolik, ”Yeremia, haren afuni oma inobaget samban u fugo. It inobaget haren leberisigik, samban inobaget igik, u fuk. An he haren kino yaganesigin mene andi hane holigin lek enggere, an noba hane ning nanghogo yaganesu fuk.

YEHEZKIEL 20:13

Oba nen he o leimo ilinga pirimse'ma andoma nen ogore iren An nane sagalha. Iren An nawene melalek omanogo sagal figik, yi'nogo hilingi'no ti'nogo hilingi'no iluk An nen yagaisasigi mene omanogo hologo nek hilingitu mene re ineluk mondok logogun iluk yagaisasigi mene a'nogo sebelogo figik aga. Nen ekhere iren he inenggi Sabat mene a'nogo mondok emerogo faga. Andiba re o leimo ilingage pirimse'ma andoma nen he na'mage it inoba figirik inebe legetfisagain iluk wenggelogo fesigi.

BILANGAN 14:12

An nen, it inebe mondok legetfisageluk, ou ekhema nen ekhema higilogo lagik ikherek mene inoba lakfei wesigin o. A'nogo meneat he, harenek he, hunggulenu ekhe it hangge mene lek, we, hunggulenu mondok hokho homame werek mene hilingisogo hobagagin o,” iluk yagatikhe.

BILANGAN 16:21

”Ap were'ma oma nen hinebe higila'ni. O yogondak yaat An nen inebe leget fisageluk welagi,” isikhe.

BILANGAN 16:22

A'nogo isikheba nen, Musa Harun emberek inelokhe kweangma sagaumeti logolik mel isukwa, ”Allah nineisena, Haren enek ineluk welagaikharek mene andoma eluk logouwageluk wogisikhi lagen. Ap misigen weak hilingituba re Haren afuni mondogat inoba ha'mage fisa hak nogo?” isukwa.

ULANGAN 9:14

Ma re, it andi afuni nen inoba inonggoret fisambik logouwageluk, An nen it mondok legetfisagain anggikhi lagi andi nen he, haren An nendawinggen sebelhun o. It mondok legetfisambik, harenek he, it afuni Israel mene inunggulenu endebat inomame lek andi hangge lek. At he, haren tagongge mene inunggulenu hokho inomame hokho mene ineisena hilinghabigin o, iluk yaganetikhe andi.

ULANGAN 9:19

Nineisena Tuhan nen, endu amuilok ibilasigiluk hilingiterek andi hak, At a'mage hit hinoba het-pet isikhesik hinebe mondok legethinabigiluk hilingitikhe andi, an nailo mondok hokho agaikhe. A'nogo meneat he, an nen hobuk nineisena Tuhan yagatigimo re, nane esanggo holhikhe aro.

YAKOBUS 5:16

A'nogo hilingisigin andi nen, hit ekhe hinoba ou mene se asubagaigen he, weak hilingitep mene hit-hit fageti logolik samban ikhi logoino o. It afuni Allah endawimo amolo anggikherek mene higithogo hilingitarek mene nen samban eberogoat ninghogo ugun andi, omame hokho were'ma re, Allah nen hilinghinabigin werego.