KELUARAN 32:1 - Allah Wene Fano Wene Hupla Inane

¹ Afuni Israel mene Musa ebe pi wagi'lek tom oba andoma aninurogoat weregen he, Harun oba andogosi wagaukwasik, mel yagatukwa: ”At Musa o Mesir en wo'ninarek wulibi wagasik waga mene a'nogo oba ninggi'nogo hilinglagama he, nit ninonggoro. Ma re, nit wo'ninarek loagen Allah higit tugwi kembu ekhe wu'nisan o,” iluk yagatukwa.

KELUARAN 32:1 ပူးပေါင်းရင်းမြစ်များ

KEJADIAN 19:14

A'nogo yagatukwama, at Lot a'nogo siakhogo at a'logomi inebe pire aremnogo ap wenago welagaukwa mene inoba lagaikhesik mel yagaisasikhe: ”Nineisena Tuhan nen afuni o kota yoma mene mondok legetfisagain andi nen he, weak-weak heise wilibuogeluk hisa wagi o,” iluk yagaisasikhe meneat he, Lot eranen ikherek mene a'nogo iluk anggasukwa.

KEJADIAN 21:26

A'nogo isikhemo at Abimelekh en Abraham yagati logolik he, ”Hilinglaga mene andi faget he, haren endep yaganeten le'ma re we an he, yogondak yiba nen nesanggo holhimo re, ebe sa nen hilingite iluk ogo re an nonggorat,” iluk yagatikhe.

KEJADIAN 39:8

A'nogo yagatikhe meneat he, at Yusuf a'nogo hilingisu abiren he, mel yagatikhe: ”Nagaisa e. Noe Potifar en angge yi mene ti mene aiba welagarek mene mondogat an halhi logouwageluk nenggiba fikhemo re, at endawinggen menenei ebeti'lek katokhogo werek andi nen he, haren a'nogo yaganetun o, nagaisa.

KEJADIAN 44:15

A'ma sebe isukwama at Yusuf en ikhi logolik, ”Hit he ninggi'nogo nen hilingitepma? Ap an hak mene re hiren hinagaisogo hilingitep oba nen, nelu asuageluk heinogengge nen hilingitirek a'nogo hinonggot nogo a?” iluk yagaisasikhe.

KEJADIAN 44:4

Lagaukwasik, it o kota a'nogo nen yatma asi lagi'le'ma, at Yusuf en hun at aiba halhi lagaikhe mene a'nogoba yagati logolik, ”Weak-weak ap a'nogo mugisa lano. Lambik yagaisikhi logolik, ”Hit fanot hinafu kwelek he, nenahalok weak mene inom wuret fegep?”

MAZMUR 106:19

Tom Sinai ba nen he, iren wam sapi eak emas oba alik waganogo wutukwasik, inenggi nen alik waganogo hilingitukwa mene a'nogo apne wanhi lagaukwa.

KELUARAN 13:21

At nineisena Tuhan ebere, it afuni Israel mene kwe wogisageluk, linggene re, ohena anggele'ma agik, nen, hubanggo re, endu anggele'ma agik, menlarik inelokhoma attagat menlarik waga lagaikhe. A'nogo wagunem nogo nen he, afuni Israel mene re hup hundik, lingge hundik, waga lagaukwa.

KELUARAN 14:11

A'nogo yagatukwasik, Musa mel yagatukwa: ”O Mesir afuni salinafarek oba re, legen o yoma wa'lasuageluk wo'ninarek wagen nogo a? Hat hilingiten oba re, yi hilinglasugun yi yethan.

KELUARAN 16:3

A'nogo inoba fesukwasik, mel yagaisasukwa: ”Nineisena Tuhan nit ninebe o Mesir a'lima nen ninoasuageluk herakninobagauwem o. Nit o Mesir logolik he, wam ninggik, sumburu roti mene ninggik, ninalabut ninghogo ninggi lagagu meneat he, o yoma yi mene ti mene le'ma nele nen ninebe mondogat wa'lasuageluk wo'ninarek wagep yoma ri!” iluk yagaisasukwa.

KELUARAN 20:23

Halok he hiren, emas mene ogo, perak mene ogo, An Tuhan nebe werek kwelek, amu mene hit hinonggwarek faget alik-alik hilingfuluk, apne wanhik, fogeratik, hilingisu fuk.

KELUARAN 24:12

Hobuk At Tuhan nen Musa mel yagatikhe: ”An noba tom oba lagaime o. Lagai wagunem yoma nen he, wene komothinafi mene mondogat helep ebe pireba lisu palhi mene yi afuni Israel mene yagaisanogen wokhesigin o,” iluk yagatikhe.

KELUARAN 24:18

Woletikhemo, Musa ebe ohena welagaikheba unggul oba higit lagasikhesik ohena elema kwi lagaikhe. Kwi lagaikhesik linggene hubanggo mondok andoma enggi 40 nen welagaikhe.

KELUARAN 32:11

A'nogo yagatikhemo, at Musa nen eisena Tuhan Allah oba kino yi'nogo yagatikhe, ”Haren a'nogo hilinginabigin andi nenahalok? Hat homame mondok hokho andiba it telinafendik, o Mesir en woginarek wulibi wagen a'nogo lek nogo?

KELUARAN 32:22

A'nogo yagatikhemo, at Harun nen he, ”An wena'netuno. Afuni yi inendawinggen mondok helep logolik weak mondok hilingitarek a'nogo, hat honggot nogo? It inobabut heluaro.

KELUARAN 32:23

Iren he mel yaganeta: ’At Musa o Mesir en wo'ninarek wulibi wagasik waga mene a'nogo ninggi'nogo hilinglagama he, nit ninonggoro. Ma re, nit wo'ninarek loagen Allah hangge tugwi kembu ekhe wu'nisan o,’ iluk yaganeta.

KELUARAN 32:7

A'nogo hilingiti lagaukwama, At nineisena Tuhan nen Musa mel yagatikhe: ”Afuni hat mene o Mesir en woginarek wulibi wagen mene omanogo nen weak mondok hilingita andi nen, hat hebe weak-weak pin o.

KELUARAN 33:3

Hit he, o kweang muli fanoma, yi mene ti mene mondok hokho-pokhorogo were'ma andoma logogun. A'nogo meneat he, afuni Israel mene aroma inendawinggen mondok helep andi nen he, ebekhalem laga logolik An nen legetfisigi hanogo iluk he, An nebe ninom logoin lego,” iluk yagatikhe.

YEHEZKIEL 20:8

Oba nen he iren An nane sagalhi logolik, An nane holu aple inabit anggikhi lagaukwa. Iren he tugwi kembu it inebe emetfisikherek mene ilirenggethigik werek mene omanogo hugisare inabit logolik Mesir mene inandugwi kembu omanogoba fogerasuogeluk ogo kamo ikhi lagaukwa legat. It inebe andoma welagaukwaba andem he An nen nanini it inoba fagain iluk mondogat fouget fesigi.

HOSEA 12:13

Yakub nit ninambu a'nogo re weak-weak o Mesopotamia lagaikhesik at agwe helagain mene faget he, ap andoma mene inamingmingengge agaikhesik logolik ap inanggo domba halhi lagaikhe.

MIKHA 6:4

An nen he, hit hinombawi afuni Mesir mene nen inamingmingengge higit ferinarek were'ma, telinafigisik, Musa inom, Harun inom, Miriam inomen woginarek wesuageluk inayonggo fisasigi.

BILANGAN 14:22

An nombak-bak mondok yararethigirek mene andiba, iren futfouwageluk, elalin mene o Mesir en hilingitunem ineilenggen higik, o leimo afuni le'ma nen hilingitunem ineilenggen higik, ili'lagwi meneat he, An nane hologo hilingisu mondok inabit logolik, iren he, omame werega? Lega, iluk nobabut paluogeluk lalnafu mondok werek andi nen, afuni it aroma mene ebe eluk ekhe inom hogo logombik, An nen o it inombalak wogisageluk wene warisasigiba andoma logoin mondok lego.

MATIUS 24:43

Nen, ap awi eisewerek mene ekhe endawimo nen he, ”O yogondak hubanggo re, jam tiba an naiba yoma ap ekhe yogot wanigeluk kwi wesigin,” iluk, elu logoilepma re, at ebe aiba andi kagalek mondok were'ma, o pin talogo yogot wani kwilep lek, iluk, hineluat anggigi.

MATIUS 24:48

Meneat he, at amingmingengge mene andi, obabut weak halok he, endawimo nen, ”Noe a'nogo weak-weak weri'logo lek. Logombigen wesigin higi,” iluk,

KISAH PARA RASUL 17:29

Nit a'nogo at againafuri welago halok he, at ebe hangge nit afuni nen ninendawimo anggaluk, ninenggi nen tugwi kembu emas mene, perak mene, helep mene, hilingisogo wusugun lek higi, iluk futfogoin o.

KISAH PARA RASUL 19:26

Mene re, yogondak at Paulus andi hilingiri'logo mene, hineilenggen tomok higik, hinesanggo holhik, ikhi lagep. Aren he, afuni inenggi nen su kembu hilingitarek andi re, ebe walhasikhe mene lego, iluk yagaisugunem, afuni hokhorogoaren, wene andi eberogoat, iluk wanha andi, horok o kota Efesus yoma mene nek fuk. O propinsi Asia mondogat hangge wanhama aro.

KISAH PARA RASUL 7:40

Inendawinggen a'nogo lakfesukwasik logolik, at Harun mel yagatukwa: At Musa o Mesir nen wo'ninarek wulibi waga a'nogo, ninggi'nogo hilinglagama he. Nit ninonggot, andi nen, nit ninambotkwe wo'ninarek o Mesir loagen he, ”Allah ebe hangge obali'mo su kembu ekhe wu'nisano, iluk yagatukwa.

ULANGAN 31:8

A'nogo sebeli kwigiluk kugunem he, At nineisena Tuhan ebe nen hat obokhogo herakhobagagi'lek fetharek mondok logolik, lebethiikhi logogin o. Andi nen he, haren, Nailo e, iluk hendawi fitun o,” iluk komotikhe.

ULANGAN 9:1

At Musa nen a'nogo yagaisasikhesik ekhe mel yagaisasikhe: ”Hit afuni Israel mene yi, nerugwi nagaila'lak. Hinesanggo fanorogo holini. O yogondak he, afuni inunggulenu hit hinom higit mondok lek. We, it inunggulenu hokhoat, nen, inomame mondok hokho mene inaiba sebeli kwimbik logouwogeluk i Yordan palogo wulibugun andi. It inaiba kota re, mondok hokhondek mene, leget helep oba mondok uan-awan pogoroba higit wurik werego.

ULANGAN 9:9

A'nogo hilinghinafikhe andi re, nineisena Tuhan nen wene warogo wo'ninafikhe wene a'nogo helep sabiaba lisu palogo fesikhe mene wanigiluk tom oba lagasigisik nenggi 40 nen sumburu inom, i inom mondok ninggi'lek andoma welagagi andi.

YOSUA 7:13

Yosua, hat yogondak he menlame! Menlasimbik afuni Israel mene andi inebe horogo fakhambik An were'ma wesuagen he fik-fouk esuageluk yagaisano. An nebe Afuni Israel mene ineisena Tuhan Allah a'nogo nen igi mene yi it yagaisano: ’Yago, hit afuni Israel mene yi! Yi mene ti mene hiren lilibukhogo legerasubagaigeluk An nen melalhinobagagi mene omanogo hit hinelu logoligenat he, fisogo welagep andi. Hit hinangge yi mene ti mene helegep mene andoma hugisigi'lek halok he, it hinaselei mene inelokhoma re, hambukhogo fangesu elo'lek logogun,’ iluk yagaisagain enggere, hobit iren fik-foukhogo hilingisuageluk komotfisano.

2 PETRUS 3:4

”Hinoe Enupogoren he, An hobuk wesigin, iluk wene wathisasikhe a'nogo ebe ki waga. Wagi'lek werek kwelek nineisenalak arat wa'lagaukwa meneat he, yi mene ti mene Allah nen omanggum walhasikhemo welagaikhe hagat etok mondok werek yi,” iluk inane asegen wokhisa wesugun o.