KELUARAN 31:2 - Allah Wene Fano Wene Hupla Inane

² ”An nen hun Bezaleel hun Huri amlogo, hun Hur omba unggulenu Yehuda mene a'nogo yanggulhigi,

KELUARAN 31:2 ပူးပေါင်းရင်းမြစ်များ

KELUARAN 36:1

Hun Bezaleel inom, Aholiab inom, it fena yabu o wutu aple inelu mene Tuhan en hebelek mene wogisigik, yi mene ti mene hilingitu aple faget ineluet fisigik, isikhe mene omanogo re, O Tuhan Awi Sabu a'nogo faget wusugun mene faget mondogat inelu agaikhe. Iren he Tuhan en yi'nogo ti'nogo hilingisugun iluk wene melalogo yagaisikhe higithogo nek hilingisugun,” iluk yagaisasikhe.

KELUARAN 35:30

Hobuk a'nogo hilingi'luk at Musa nen afuni Israel mene inoba ikhi logolik he, ”Tuhan nen he ap Bezaleel hun Uri amlogo Hur omba unggulenu Yehuda mene a'nogo wenagaisogo fesikhesik he,

YOHANES 3:27

A'nogo yagatukwama aren he, mel yagaisasikhe: ”Ap yi sani. Nagoromi. Ap ekhe Allah nen yagati'le'ma, at onggwarek endawimo nen kagalogo higit hilingisu elo'lego.

KELUARAN 37:1

At Bezaleel en Peti Wene Warek a'nogo e akasia oba wutukwa. Wuti logolik he uankwe re 110 sentimeter, horok fikhit inom liabek mene inom he 66 sentimeter oba wutukwa.

KELUARAN 33:17

A'nogo yagatikhemo, Tuhan nen Musa mel yagatikhe: ”Hat hebe An nelu logolik, hebe noba liok ili'logo andi nen, haren kino yaganeten mene andi An arat nesanggo holhirik a'nogo hilingisigin o,” iluk yagatikhe.

KELUARAN 33:12

O inenggi ekhe sambul he, at Musa nen Tuhan oba mel yagatikhe: ”Neisena, haren he, an nen afuni yi woginarek o haren wo'nisageluk wene wa'nisasigin oba woginarek loageluk yaganeten. A'nogo meneat he, ap andi nen lebethoageluk ayonggo fembik lakfei wagi, iluk yaganeten lek andi. Neisena, haren he, An faget Hat hebe nelu, noba liok ili'lago, iluk yaganetigin andi.

KELUARAN 17:10

A'nogo yagatikhemo, at Yosua Musa nen, ”Yi'nogo hilingi'no,” iluk yagatikhe hagat hilingitikhesik, at Musa inom, Harun inom, Hut inom, tom oba logouwogeluk huli punu ebeba lagagu kwelek, at Yosua afuni Amelek mene inom weim yabuogeluk lagaikhe.

KELUARAN 38:22

At Bezaleel, hun Uri amlogo, Hur omba unggulenu Yehuda mene a'nogo nen he Tuhan nen yi aple ti aple lenggalinafikhe mene omanogo mondogat hilingitukwa.

2 TAWARIKH 1:5

Wam warogo nolhu mene obuluk (mezbah) at Besaleel, hun Uri amlogo, hun Hur omba a'nogo nen no perunggu ba wutikhe mene a'nogo ogore o Gibeon Tuhan Awi sabu sale'ma elokhoma omanogo welagaikheat. A'nogo were'ma re at raja Salomo a'nogo inom, it afuni holharek mene mondogat inom he, andoma wene kabogetukwasik samban ikhi lagaukwa.

KELUARAN 38:23

At lebethikhi lagaikhe mene re, Aholiab hun Ahisamakh amlogo unggulenu Dan agun andi re, hesesengge wanhu aple inom, nen kain lenan eil sakhorek mene inom, yo eil hal-hali warek mene inom, ungu mene inom, mep mene inom, enggi nen itik, yi'nogo isugun iluk ilirengge walhigik, ugu mene welagaikhe.