KELUARAN 3:8 - Allah Wene Fano Wene Hupla Inane

⁸ Andi nen, An nen it afuni Mesir mene nen ferinarek werek andi telogo woginarek o andoma nen o ekhe mondok hokho fanoma andoma lageluk pi wagi o. O andire, kweang mondok muli fanoma, yi mene ti mene nenggarek mene mondok hokhorogo were'ma yogondak afuni inunggulenu Kanaan mene inom, Het mene inom, Amori mene inom, Feris mene inom, Hewi mene inom, Yebus mene inom werek.

KELUARAN 3:8 ပူးပေါင်းရင်းမြစ်များ

KEJADIAN 11:5

A'nogo isukwasik, wutunem Tuhan nen o kota ket halhi lagaukwa mene a'nogo inom, nen o sep hun-hun uan-awan wurik lagakhi lagaukwa mene a'nogo inom, eilenggen hagaluk pi wesigeluk isikhe.

KEJADIAN 11:7

Halok, it-it ekhe nen ekhe inane inesanggo holhi'lek hilingisuagen, niren inane onggut munenfisa puogo,” iluk pi wagaukwa.

KEJADIAN 15:13

A'nogo ailo agaikhesik were'ma, Tuhan nen he, wene mel yagatikhe: ”Haren tagongge mene re, afuni ekhe inaiba laluk inebe andoma logolik, afuni inawiwerek mene andoma nen inamingmingengge hilinginabimbik he, 400 tahun yi enggin ti enggin hilinginafi logogun a'naga hendawimo eberek logoino o.

KEJADIAN 15:14

A'nogo meneat he, it afuni inawiwerek mene nen, haren tagongge mene inamingmingengge hilinginabimbik logogun mene andi, An nen wene inoba fagain o. Fugunem haren tagongge mene o andoma herakfisaluk wulibi waga logolik, it inawi werek mene inangge yi mene ti mene hokhorogo helaluk wulibi wesugun o.

KEJADIAN 18:21

Andi nen, wene inoba faga mene an nesanggo holhi andi eberogo ara? Le'ma a, iluk an a'lima lambik wene andi ero pilingisi lagaino,” iluk yagatikhe.

KEJADIAN 43:11

A'nogo yagatukwama it ineisena nen ikhi logolik, ”Yogo, a'nogo hilingik halok he, nit ninaiba yoma nen enggen ugu fano mene inom, hendali hak mene inom, e kami agap hak mene inom, kin amusu inom, yi mene ti mene amben fano mene inom, e sawe enggen inom, e amu mene enggen inom, hun gubernur andi faget onggo wogosubagaigen hinasu karung oba kwalhigik waluk lani o.

KEJADIAN 46:4

An nenat hat o Mesir wokharek lamo, Yusuf hemberek logolik, hebe arat wa'lagunem, at enggi nen heil ambulagap sombol hobagagin o. Nen, hobuk haren tagongge mene inambotkwe o yoma woginarek wesigin aro,” iluk yagatikhe.

KEJADIAN 50:24

A'nogo logolik, ogogwi agoromi omanogo mel yagaisasikhe: ”An nebe horogat wa'lasigin hak welagi o. A'nogo meneat he, at Allah nen eberogoat hit fethinarek logolik, hit hinebe o yoma nen wokhinarek wilibimbik he, o Abraham inom, Ishak inom, Yakub inom, wokhisagain, iluk hombuk palogo wene warisasikheba andoma wokhinarek lagain o,” iluk yagaisasikhe.

1 TAWARIKH 1:15

Hewi inap inom, Arki inap inom, Sini inap inom,

NEHEMIA 9:8

A'nogo salogo fesiginmo, at ebe hat hoba lombokhogo logolik, hane hologo mondok hilingitunem hasigin andi. A'nogo hasigindik, haren at wene eberogoat mene wareti logolik he, o afuni Kanaan mene inaiba inom, Het mene inaiba inom, Amori mene inaiba inom, Feris mene inaiba inom, Yebus mene inaiba inom, Girgasi mene inaiba inom, mondogat andi, haren tagomangge mene inebe mondogat eise asimbik logouwagaluk wokhesigin o, iluk wene waretigin andi. Hat hebe inoba lombokhogo logolik, higithogo nek hilingitendek andi nen he, hat wokhesigin, iluk wene waretigin mene andi, ebe mondogat arat wogotigin andi, neisena.

MAZMUR 12:5

Iren ikhi logolik he, ”Nit ninamelinggen ninonggaregen halamo re higiro, yi wene ti wene we ninggi'nogo wene andoma mondogat he higit ikhi lagoma re amu mene nen ekhe kwe palninabu lek hago!” iluk agarek.

MAZMUR 12:6

Oba nen At Tuhan nen ikhi logolik, ”Afuni inenggi lek mene enggin-fenggin hilingfisigik, afuni weak-peakhogo welagaikharek mene inom wene palhik, hilingfisugunem, iren ninoba fanorogo nek logoilo ago, iluk anggagarek mene andi, yogondak An nen hilinginabigiluk arat waga lagi o,” ikhe.

MAZMUR 34:8

It afuni Tuhan ebe inailorogo logolik ane hologo hilingitarek mene re, At agoromi malaikat en kwelaginarek werek, nen it andi weagerinabigiluk ugunem telinaferek.

MAZMUR 91:15

Aren ane hokhorogo An nayonggo fugu halok he, An nen at ane igin mene onggo yagasigin aro. At weak logolik, ninggi'nogo hilingisu he were'ma, An nen lebetikhi logogin o. An nen at ebe telimbik he, enu werek hilingisogo fagain o.

KELUARAN 12:41

A'nogo welagaukwasik, 430 tahun arat kobokhogo re, At Tuhan nen againafuri Israel mene andi o Mesir arat herakfisaluk wulibi wagaukwa.

KELUARAN 12:51

Linggene andi sambul he, Tuhan nen it afuni Israel mene mondogat o Mesir en woginarek wulibi wagaikhe.

KELUARAN 13:5

At Tuhan nen afuni inunggulenu o Kanaan mene inom, Het mene inom, Amori mene inom, Hewi mene inom, Yebus mene inom, inaiba andoma wokhisagain iluk hinombawi inoba hombuk palogo wene warisasukwama andoma o kweang mondok muli fano yi mene ti mene mondok weregenek hilingi'mo wokhinarek o andoma hinobagai lagain enggere, hit mondogat lambik halok he, tahun ekhe wagunem tugi Abib andiba hiren wene yi faget kabogeti logogun.

KELUARAN 3:17

Neilenggen arat isigirik, afuni Mesir mene nen it yi enggin ti enggin hilinginabi'lagwi andi telogo woginarek o kweang muli fanoma yi mene ti mene nenggarek mene mondok hokhorogo were'ma afuni inunggul enu Kanaan mene inom, Het mene inom, Amori mene inom, Feris mene inom, Hewi mene inom, Yebus mene inom, welagaikharek oba andoma woginarek lageluk wene arat igi o, iluk ikhe, iluk yagaisano o.

KELUARAN 34:11

Hit hilingiti logogun mene faget, yi'nogo hilingiti logoino, ti'nogo hilingiti logoino, iluk yogondak yagahisigi mene andi, hologo higithogo hilingiti logoino o. An nen hit lagunem he, afuni inunggulenu Amori mene inom, Kanaan mene inom, Het mene inom, Feris mene inom, Hewi mene inom, Yebus mene inom, mugusogo wulakfisagain o.

KELUARAN 5:23

An at raja Firaun oba wagarik, Hat Henu igirik wene yagasi wagi andi huli nen, aren afuni Israel mene yi enggin ti enggin hilinginafu mondok werek kwelegat he, Haren it telinafi'legat mondok kamo ikhi lagen andi, nenahalok,” iluk yagatikhe.

YESAYA 36:17

an nen hit hinanggweang he hiren mene omanogo inom higit meneba waganogo hinobagai lagain o. Andoma re anggur hit hinobaget itu mene inom, gandum yabumo nen hit hinobaget tepung weregeratunem hit elok ninggi logogun o.

YESAYA 64:1

Tuhan neisena, pogot heal hambik he hebe pime o, tom-tom andoma re Hat helokhoma nen erak kwerak isoageluk hilingfein.

YEREMIA 11:5

Iren wene andem higithogo hilingitu halok he An nen wene it inombawi inoba warisikhi logolik kweang yogondak it werek oba mondogat heisele'ma yi mene ti mene sik-pikhogo welagarek oba andoma it wogisagain o iluk isigi higithogoat wogisagain aro,” iluk ikhe. Andi isikhemo an nen onggo ikhi logolik, ”Tuhan neisena, andi re fano egen o,’ iluk yagati.

YEREMIA 2:7

An nen o mondok fano kweang muli fanoma yi mene ti mene yagaisogo ebe fano ninggik, yi mene ti mene fano mene ekhe heligik, ikhi logouwageluk woginarek wagagi meneat he, iren An nanggweang andomaba emetfigik, nanggweang oba weaget figik, ikhi lagaukwa andi.

YEREMIA 32:22

Kweang mondok fano heisele'ma yi re Haren it ninombawi inoba wene warisasigin higithogo wogisasigin.

YEHEZKIEL 20:6

O andi sambul he An nen hit wokhinarek lambik kweang hit wokhisagain oba andoma obaburugwi mondok heiselek kwe yi mene ti mene hokho pokhorogo were'ma andoma, nen o kweangma yoma nen he we kweang andi nek he mondok ibi ebema andoma hinobagai lagain o, iluk hombuk palogo yagaisasigi.

IMAMAT 20:24

An hineisena Tuhan Allah nen yi afuni ti afuni inunggulenu lombok werek oba nen, hit enek he An nagainafuri wenagaisogo hinobagagi mene a'nogo hilingi'mo, kweang ebe mondok heiselek logolik yi mene ti mene enggen hokhorogo were'ma andoma re hit wokhisagain iluk abok yagahisigimo re, hit hinonggwarek hinangge asuageluk wokhisagain.

AMOS 2:10

An nen hit hinebe o Mesir en wokhinarek wulibi wagagisik, o leikwe afuni mondogat lekwe nen wokhinarek wagu kwelek 40 tahun hilinglagaikhe. A'nogo wokhinarek wagagisik, afuni Amori mene inaiba yoma hit eise asubagaigiluk wokhisasigi.

BILANGAN 13:18

Lambik he, o kweang andomaba ningginik logogin iluk hineil furatik, afuni o andoma welagaikharek mene inebe hokhorogo werega, athe endebengge werega, nen it inomame werega lega, iluk hineil wanino.

BILANGAN 13:19

Andi nen o kweang andoma re fano a, weaga, nen afuni o desa-desa welagaikharekwe andoma wogole'ma werega, athe o kota-kota andoma leget waganogo kwelabega iluk fanorogo hineil kogolino.

BILANGAN 13:27

A'nogo yagaisasukwasik, Musa mel yagatukwa: ”Nit he, o andoma mondogat nineil penogo tukhumet fogo mene re, kweang mondok muli fanoma yi mene ti mene enggen mondok hokhorogo itere'ma hogosik he, enggen endebat ekhe paliluk wago mene re, yoma o.

YOHANES 3:13

A'nogo yagatikhesik mel isikhe: ”Ap ekhe kweangma nen pogoroba mondok lagagi'lek. We an pogoroba nen abat ta'lasi pi wagagi andi aro.

ULANGAN 1:25

Ineil penfuluk it omanogo nekhengge inambotkwe wagaukwasik, nit ninambit waga logolik he, e enggen o andoma nen taganha mene waluk wagaukwasik he, o nineisena Tuhan Allah nen nit wo'nisagain oba andoma obabut hilingik aple faget mondogat muli fano mondok, nen enegengge re yi, iluk yaganisa wagaukwa anggigi.

ULANGAN 1:7

Halok, yogondak he, hinawi su mene meisalhigik waluk he, afuni inunggulenu Amori mene inaiba tom oba a'lima inom, o andoma era'lukwe yi awi ti awi mondogat inom, o Yordan tonggwe inom, tomkwe inom, sogoukwe inom, i ambutmo higit inom, Laut Tulem yenggelek esanggokwe inom, lano o. Lambik he, o Kanaan inom, o tom Libanon sebelik-sebelik pikhit i hokho mene Efrat huliba lano o.

ULANGAN 27:3

A'nogo watfuluk helep andem ebene re wene melalek yi ane misik-misik palfeino. Hit ambi o kweang At hineisena Tuhan Allah nen wokhisagain oba yi mene ti mene mondok werek enek were'ma, kweang muli mondok fanoma andoma kwi lambik halok he,

ULANGAN 28:11

O kweang hit wokhisageluk logolik it hinombawi inoba a'nogo wogisagain iluk abok yagaisasikheba omanogo nen hinagainafuri hokhorogo wokhisigik, hinanggo hokhorogo hilinghinobagagik hinanggweang oba nen enggen igisogo sik pililirogo wokhisigik hilinghinobagakhi logogin o.

ULANGAN 6:3

Andi nen he, hit afuni Israel mene nerugwi nagaila'lak. Hinesanggo fanorogo holini o. Nineisena Tuhan Allah nen ninombalak yagaisikhi logolik, O kweang muli fanoma yi mene ti mene mondok hokhorogo were'ma andoma logolik hinunggulenu hokho asimbik fano mondok logogun iluk wene warisasikhe andi hak logobagaigen he, wene komotninafikhe wene yagahisikhi lagi yi, fanorogo hologo higithogo hilingiti logoino.

ULANGAN 7:1

A'nogo yagaisasikhesik, ekhe mel yagaisasikhe: ”Nineisena Tuhan Allah nen o hit hobuk logogun oba andoma wokhinarek lambik, afuni inunggulenu hokho mene pugulogo wulakfisagain. Wulakfisambik logolik inunggulenu 7 nen hit hangge lek. We, it inunggulenu hokhoat, inomame hokho mene, mugusogo wulakfisagain o. It andi re, inunggulenu Het mene inom, Girgasi mene inom, Amori mene inom, Kanaan mene inom, Feris mene inom, Hewi mene inom, Yebus mene inom, mugusogo wulakfisagain o.

YOSUA 9:1

Wene Yosua inom afuni Israel mene inom inomame aga logolik raja-raja mabenet fisilik laga lagaukwa mene omanogo faget he inabok wialarik laga logolik, raja i Yordan fena o mo ubuk ikherek fikhit werek mene inom, tomkwe welagaikharek mene inom, tonggokwe o abel fena-fena welagaikharek mene inom andoma i Laut Tengah huli andoma nen he tom Libanon soganogo eil ambolkwe andoma huli, o andoma it raja Het mene, Amori mene, Kanaan mene, Feris mene, Hewi mene, Yebus mene andoma nen holhukwa.

YOSUA 9:7

A'nogo isukwama nen he, it Israel mene nen ikhi logolik he, ”Nenahalok hit ninom wene wasugun nogo? Hit hinaiba re we horok yoma welagep mene logou hak!” iluk isukwa.