KELUARAN 3:7 - Allah Wene Fano Wene Hupla Inane

⁷ A'nogo salhikhemo, At nineisena Tuhan nen he, mel yagatikhe: ”An nagainafuri afuni Mesir mene nen inamingmingengge higit ferinarek logolik, yi enggin ti enggin hilinginafunem telinabuageluk nayonggo fugu mondok welagaikharek andi, An arat neilenggen isigik, nesanggo holhik, igi o. It yi enggin ti enggin hili'lagwi andi An mondogat nelu o.

KELUARAN 3:7 ပူးပေါင်းရင်းမြစ်များ

KEJADIAN 16:11

Hat heak ha'ma ari, ebe ap takhagain o. Takhambik, hat le agunem heisena Enupogot esanggo holhe andi nen he, enu Ismael salino o.

KEJADIAN 18:21

Andi nen, wene inoba faga mene an nesanggo holhi andi eberogo ara? Le'ma a, iluk an a'lima lambik wene andi ero pilingisi lagaino,” iluk yagatikhe.

KEJADIAN 21:17

A'nogo isikhemo Allah nen Ismael ane esanggo holhikhesik, malaikat Allah nen yonggo pelakfisa wagarek mene ekhe pogoroba nen, he Hagar mel yagatikhe: ”He Hagar, hat hendawimo weak aga andi, ninggi'nogo nen. Heak ane Allah esanggo holhe andi nen he, hendawi fitun o.

KEJADIAN 29:32

A'nogo isikhemo, at Lea omalik a'ma agaikhesik, eak ap takhasikhe. A'nogo takhasikhesik mel isikhe: ”Neisena Tuhan an weak welagi mene eilenggen niikhesik neak wo'netemo takhigi andiba nagun endawi neagain o,” iluk isikhesik, eak andi enu Ruben salhikhe.

KEJADIAN 31:12

Yagatimo, at malaikat en ekhe yaganeti logolik, Kwelakhan! An nen hiikhi logolik at Laban nen hat hoba hilingiri'lago mene andoma mondogat fut hobagakhi lagi mo re, neranen hat hobaget kambing ai liabugun oba horok agunem he, esi lelfenggenek mene inom, hesesengge palek mene inom, enggen palek mene inom, hilingfugunem hiikhi lagen andi.

KEJADIAN 31:42

Allah neisena Ishak inom nomba Abraham inomen apne wanhi lagaukwa mene a'nogo nen an lebetniikhi logoilep le'ma nen he nami nen nangge legengge haiba lan iluk yaga ne'len. Oba nen at neisena Allah nen an nen yabu hilingiti lagi mene inom enggin-fenggin hikhi lagi mene inom fut nobagagunem a'luk he, o yogondak hubanggo Aren wenakhetesik he wene arat sikhiphogo ikhe,” iluk yagatikhe.

2 SAMUEL 22:28

Afuni inendawinggen sebelek mene re Haren telinafendego. Meneat he, afuni fogerakhagarek mene re, haren sebel fisegendego.

2 RAJA-RAJA 13:4

A'nogo oboget isasikhemo at Yoahas nen Tuhan oba samban isikhemo re, raja Siria mene nen afuni Israel mene inoba re mondok elokhe weakhogo hilingfisugunem, Tuhan eilenggen hasikhesik he Yoahas samban isikhe mene a'nogo Tuhan esanggo holikhe.

2 RAJA-RAJA 20:5

hambotkwe Hizkia afuni Tuhan againafuri inobaget raja werek mene andi ambit kwimbik he wene yi yaga'no isikhe, ”An heisena Tuhan Allah homba Daud en apne wanhi laga mene a'nogo nen he, haren samban egen mene andi nesanggo arat holhirik he, heil amusu pelafen mene andi ogo mondogat higi o. Andi nen he An nen hat hebe fanot hobagagin enggere, o agere An nawi wuri'mo omanogo lano o.

NEHEMIA 9:9

Haren nit ninombalak, afuni Mesir mene nen yi enggin ti enggin inoba fugunem inom, i laut Teberau yenggele'ma nen inoasuogoluk ugunem yagahetunem inom, inane hesanggo holhi lagagin andi.

MAZMUR 106:44

Oba nen he iren inane kwetu mene a'nogo At Tuhan nen esanggo holhi lagaikhe, it inebeba enggin-fenggin hikhi lagaukwa mene a'nogo Aren futfisikhi lagaikheat.

MAZMUR 12:6

Oba nen At Tuhan nen ikhi logolik, ”Afuni inenggi lek mene enggin-fenggin hilingfisigik, afuni weak-peakhogo welagaikharek mene inom wene palhik, hilingfisugunem, iren ninoba fanorogo nek logoilo ago, iluk anggagarek mene andi, yogondak An nen hilinginabigiluk arat waga lagi o,” ikhe.

MAZMUR 142:3

At elokhoma nen he neneik yabati lagi, an nen enggin-fenggin hikhi lagi mene omanogo mondogat At oba yagati lagi.

MAZMUR 145:19

Aren he it afuni At oba inailorogo welagaikharek mene inoba re, inendawimo agaiyek mene hilingfisigik, iren inane hombuk palhu mene esanggo holhik, inebe telogo fisigik, ikherek.

MAZMUR 22:24

Hit afuni At oba tipsek logolik hilingiti lagep mene yi sani, At enek fogerati logoni o! Hit afuni Yakub en tagongge mene mondogaren he Arenek esinet fikhi logoni o! Hit afuni Israel en tagongge mene hinebe mondogaren he ineindep awi yagaisogo At apne wanhi logoni o!

MAZMUR 34:4

Hit an ninom seberogo Tuhan enu legeisogo fouwok, ninebe mondogaren at enu hokhorasuogen we'ni.

MAZMUR 34:6

Afuni weak hilingisogo fisagarek mene andi re, it At oba eberek logolik inagaiyekhogo logogun, It yi enggin ti enggin hili'lagwi mene andi re, inenggali agi'lek inoba heanerogo logogun.

MAZMUR 35:22

Oba nen he Tuhan neisena, andoma mondogat he Hat heilenggen niikhi lagen, Tuhan hane igi'legengge logou fugo, nen an welagiba nen yatma lagun aro, neisena.

MAZMUR 9:14

Tuhan neisena! it afuni an naselei mene nen noba ou pourogo nek hilingnabi'lagwi mene andoma heilenggen nean o, An hendawi nealuk wa'lagaikharek meneba andoma nen fagaisogo wulak nobagaime o.

KELUARAN 1:11

A'nogo yagaisasikhemo, afuni Mesir mene nen it Israel mene inoba enggin-fenggin fikhi logolik, yabu mondok hokhorogo hilingitunem ane ninghogo yagaisikhi logouwageluk menfisilik lagaukwa. Lagaukwama, o Mesir mene kota ekhe enu Pitom inom, Raamses inom, yi mene ti mene at raja Firaun faget fikhi logogun oba o hokhondek mene wutfisoageluk inane ning-nanghogo yagaisikhi lagaukwa.

KELUARAN 1:8

Hobuk at raja Firaun ekhe Yusuf onggot mene menfesukwama afuni Mesir mene awe a'ma ferinarek welagaikhe.

KELUARAN 22:23

Hiren hinanini it inoba fikhi logogun halok he, iren lebetninabin o, iluk inane kweti logogun mene andi An Tuhan nen nesanggo holhi logogin.

KELUARAN 33:13

An hat faget hilingiti logolik, hendawimo hamolo mene nek hilingitu mondok logoigen he, haren yi'nogo hilingisigin iluk anggegen mene andi yaganom o, neisena. Haren he, afuni yi, an nagainafuri logouwageluk, wenagaisogo fisasigin a'nogo hendawimo ebesin o, neisena,” iluk yagatikhe.

KELUARAN 5:10

At raja Firaun nen a'nogo yagaisasikhemo, afuni Israel mene yabu hilingitu kwelek, it kaindek Mesir mene ineyaga logouwageluk menfisasukwa mene inom, nen it afuni Israel mene inagoromi higit logolik, yi'nogo hilingisuok, ti'nogo hilingisuok, iluk ikhi logouwageluk menfisasukwa mene inom, inom wene a'nogo yagaisasikhemo, wulifukwasik he, afuni Israel mene mel yagaisasukwa: ”At kain nen he, hit helep fano ningsek logouwageluk engga puk engga mene inom werati lagep andi, engga afuni nen wogisugu kwelek hilingisugun mondok lego.

KELUARAN 5:6

O andi sambul he at raja Firaun nen, afuni Israel mene yabu hilingitu kwelek ineyaga logouwageluk inogogwi kaindek menfisasukwama welagaukwa mene inom, nen it afuni Israel mene inagoromi hangge logolik, Yi'nogo hilingisuok, ti'nogo hilingisuok, iluk ikhi logouwageluk menfisasukwa mene inom, wene mel yagaisasikhe:

YESAYA 63:9

it inoba enggin-fenggin hagarek mene a'nogo re At oba aga. Tuhan ebe nenat it inebe telinabi waga, nen inobali'mo iluk ap yonggo lakfisagarek andi hak lak fisa wagi'lek. At amu nenat it inelagaik isaluk endawi hundik hilinginafikhesik he fikhalogo fisasikhe. Attagen engge Aren hambogoisogo woginafik, agaumo felikhogo woginarek lagik ikhi laga.

BILANGAN 20:16

A'nogo hilingninafunem niren nineisena Tuhan en telninabuageluk ninane hokhorogo yagati lagagu. A'nogo yagatunem ninane esanggo holhikhesik he, agot malaikat mene ekhe ayonggo fesikhesik ninoba lakfei wagaikhemo re, aren o Mesir en wo'ninarek wulibi wagaikhemo waga lagagusik yogondak o kota Kades o ninoe hat were'ma huli-hulimo yoma welago o.

KISAH PARA RASUL 7:34

An nagainafuri afuni o Mesir mene nen yi enggin ti enggin hilinginafunem neilenggen isigik, inendawi ane ugunem nesanggo holhik, ikhi lagarik he, an nen telinabigeluk nebe pi wagi o. Halok, an nen hat yogondak o Mesir lakhobagaigen eme o, iluk yagatikhe.

IBRANI 4:15

Nit ninoe kain Allah eisewerek welagarek andi re, nit ninomame mondok lek welago andi re, at onggot lego. At nit ninobabut wanhikhesik were'ma, weak mene a'nogo nen, nit weak hilingisuageluk ninendawinggen kagalherek andi hak, at Yesus a'nogoat yi mene ti mene faget endawimo kagali waga lagaikhe meneat he, at weak ekhe hilingiti'lek logolik ninobabut elu welagarego.

1 SAMUEL 9:16

”An nagainafuri afuni Filistin mene nen ferinarek logolik weagerinafunem, an nen telinabuageluk le aga logolik kino yaganeti lagaikha mene andi, inane an arat nesanggo holhirik, o hobit huberat siakhogo o mo ya higirat ap ekhe unggulenu Benyamin mene hinom ambi asuagaluk hoba lakfei wesigin a'naga o. Andi nen he, hemberek ambi agep halok he, at andi nen an nagainafuri Israel mene telinabigin a'naga re, haren, inoe enupogot logouwagaluk amusu unggul oba kweisalogo menfeino o,” iluk yagatikhesik oba nen emberek a'nogo ambi agaukwa andi.