Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




KELUARAN 3:6 - Allah Wene Fano Wene Hupla Inane

6 Hat hombalak Abraham inom, Ishak inom, Yakub inom, ineisena Allah Anaro,” iluk yagatikhe. A'nogo yagatikhemo, at Musa eilenggen Allah yetha ailo agaikhemo, elokhe salhikhe.

အခန်းကိုကြည့်ပါ။ ကော်ပီ




KELUARAN 3:6
42 ပူးပေါင်းရင်းမြစ်များ  

A'nogo wa'lagaikhemo were'ma, nineisena Tuhan nen Abram mel yagatikhe: ”Hat he, haiba inom, hoe hagot inom, heisena aiba inom, herakfisaluk he, o An nen yagahesigin oba andoma lano o.


Andoma wagaikhesik were'ma Tuhan ebe Abram elokhoma menlagaikhesik he, mel yagatikhe: ”An nen afuni haren tagongge mene wogisagain he, o ebe yoma o,” iluk yagatikhemo, at Abram en Tuhan elokhoma menlagaikhe mene a'nogo faget, yi mene ti mene warogo noleti logogun oba obalik halogo fesikhe.


A'nogo yagatikhemo, at Abram eindep awi yagaisogo Allah fogeratikhemo, at Allah nen he, mel yagatikhe:


Asi wagaikhemo, Abraham amingmingengge a'nogo nen samban yi'nogo isikhe: ”An noe Abraham eisena Tuhan Allah, neisena. Hat at ebe hendawirogo welagendek a'nogo nen, hobuk hendawi asimbik, an herarik wagi a'nogo, tip uageluk kino yagaheti o.


Wagaikhesik hup a'nogo sambul nineisena Tuhan at elokhoma weinam asi wagaikhesik yagati logolik, ”An nen attak namingmingengge Abraham oba wene abok wene warogo yagatigimo hat he hailo asu fuk. Heisena Abraham eisena Allah Nebe An. An nenat fetharek welagik, fanot hobagagik, hat herembul oba mene ta'lasuageluk hokhorogo wokhetik hilinghafi logogin,” iluk yagatikhe.


Abi a'nogo hugunem, Tuhan Allah kwe pela a'nogo era'lu menlagaikhesik mel yagatikhe: ”Abraham inom, Ishak inom, ineisena Tuhan Allah fogetnafarek mene a'nogo re, An aro. An nen kweang hat hebe wengik welagen oba yoma hat hebe inom, haren tagongge mene inom, wokhisagain o.


A'nogo isikhesik, ailo mondok agaikhesik he, mel isikhe: ”Ya re, Allah aiba, kwe pogoroba nen piagik, lagagik, agarek mene ambe palek were'ma higi, nailo e,” iluk fogeratikhe.


Allah neisena Ishak inom nomba Abraham inomen apne wanhi lagaukwa mene a'nogo nen an lebetniikhi logoilep le'ma nen he nami nen nangge legengge haiba lan iluk yaga ne'len. Oba nen at neisena Allah nen an nen yabu hilingiti lagi mene inom enggin-fenggin hikhi lagi mene inom fut nobagagunem a'luk he, o yogondak hubanggo Aren wenakhetesik he wene arat sikhiphogo ikhe,” iluk yagatikhe.


A'nogo hilingitikhesik, samban yi'nogo isikhe: ”Allah nomba Abraham en inom. neisena Ishak en inom fogethafarek mene neisena. Nane hesanggo holino. Haren an naiba nogogwi nagaila'lak inoba nambotkwe loageluk yaganeten andi re, harenat yi mene ti mene fanotnobagaigiluk wene wa'netigin andi, neisena.


A'nogo hilingisogo fesukwasik he, o mondok hu'mokokwe, wam, yi mene ti mene Allah faget noletarek oba arat asi wagaikhemo re, at Elia Allah ane yagaisikhi lagaikhe mene a'nogo ebe wam, Allah faget nolesigin mene a'nogo oba horokhogo higilha wagaikhesik he, samban mel isikhe: ”Neisena Allah Henupogot mene, Abraham en, Ishak en, Yakub en, fogethafi lagaukwa mene neisena. It afuni yoma nen he, nit afuni Israel mene nineisena Allah ebe eberogoat werek, iluk futfigik, nen, Elia andi Allah amingmingengge mene At Allah nenat yagatemo yoma mondogat hilingite, iluk inelu agik, uageluk,


Ane a'nogo isikhemo at Elia esanggo holhikhesik he, elokhe sogoi su meneba yanggulogo oumo a'nogo ambeba menlasi wulibi wagaikhe. A'nogo wulibi wagaikhe hak he, ane ekhe mel yagatikhe, ”Elia. Hat yoma ninggi'nogo hilingiti lagen,” iluk yagatunem esanggo holhikhe.


Haren nit ninombalak, afuni Mesir mene nen yi enggin ti enggin inoba fugunem inom, i laut Teberau yenggele'ma nen inoasuogoluk ugunem yagahetunem inom, inane hesanggo holhi lagagin andi.


iluk yagati logolik he ekhe sambul ekhe sambul he wene melalek werek mene higithogo hilingisuageluk mimingiti lagaukwa, oba nen he iren ugu mene a'nogo holhi'legengge hilingiti lagaikhe. Aren ikhi logolik he, ”An he ap Yahudi mene welagimo re, an nen ap meneba a'ma sebe uluk apne wanu lek hak.” iluk ikhi lagaikhe. A'nogo ikhi lagaikhemo re, aren ugu mene a'nogo re it fena omanogo nen he hun Haman nen Mordekhai ba ninggi'nogo hilingfagain iluk he at Haman yagasi laga lagaukwa.


Yakub eisena Tuhan homame mondok hokho mene a'nogo nen, Hat Honggwarek henu hombuk palogo, yagahetikhe mene andi, honggorasimbik herak fugun o.


Tuhan nineisena homame hokho mene a'nogoba, An elele wo'nafen o, Harenat an telnafen. An neisena Allah harat ma, an harat fogethabigin, An nombalagen Allah fogethati lagaukwa hak, An nen hat henu esinet habigin.


An nebe it inunggulenu Israel mene inanggele'ma logolik he it Ineisena Allah Anat logogin.


Afuni Israel mene inogogwi mondogat andogorinabi lan o. Lambik he, hit hinombalak Abraham inom, Ishak inom, Yakub inom, ineisena Allah a'nogo An arat nelokhoma menlaga o. Menlagasik yi'nogo yaganete: An hit afuni Israel mene it afuni Mesir mene nen hilinginabi'lagwi andi, An arat neilenggen isa pi wagi yi o.


An nebe afuni nen ineilenggen nealuk, ineluk logogun lek andi nen he, nelokhe inuk heagain lego.


A'nogo hilinglagaikhemo, At Tuhan nen he, Musa mel yagatikhe: ”Afuni Israel mene nen he, ninombawi Abraham inom, Ishak inom, Yakub inom, ineisena Tuhan Allah a'nogo eberogoat Musa elokhoma menlagama higi, iluk anggoageluk it inelokhoma a'nogoat hilingisi lano o,” iluk yagatikhe.


An nen it inendawinggen An ineisena Tuhan welagirek mene a'nogo noba eberek logolik hilingiti logouwageluk wogisagain o. Andiba re it inendawinggen abirenggeba An noba sugulogo wesumo re it inebe An nagainafuri asumo, An he it ineisena Allah asigin o.


An nen nagainafuri Israel mene ninom wene ket mene wasugun mene andi ebere yi: An Nawene melalek a'nogo it inendawinggenma figik, inendawimo lisu palfisigik, igin o. An nebe re it ineisena Allah asigin, nen it he An nagainafuri asugun.


It he An nagainafuri mene asumo, An he it ineisena Allah asigin.


A'nogo hilingisumo, iren An nawene melalek inom, yi'nogo ti'nogo hilingiti logoino iluk melalinafirek mene inom, omanogo futfuluk hilingiti logogun. It he An nagainafuri asugun nen An he it ineisena Allah asigin.


it inebe mo ero fikhiren inom, erumbul fikhiren inom woginarek wesumo re, it inebe nekhengge o Yerusalem logogun. It he An nagainafuri asumo re An he it ineisena Allah logogin. An nen he it inoba tiphogo hilingfisigik, higithogo ferinarek welagik ikhi logogin, ikhe ino,” iluk yaganete.


At Yesus agoromi inom lagasukwa mene omanogo inesanggo holhukwasik, inailo nen he, ineindep awi yagaisogo inelokhe kweangma sagaum isukwasik were'ma


Afuni wa'lasumo Allah nen inelugerinabigin, iluk wene Musa nen lisu palhikhe mene a'nogo enu salhi'lek welagep nogo? At Musa e panggi alok mene eroma lagaikhesi'mo, Allah nen mel yagatikhe: Abraham inom, Isak inom, Yakub inom, ineisena Allah Anaro, iluk yagatikhemo lisu palhikhe mene a'nogo enu salhi'lek welagep nogo? Enu salhi lagep aro.


It afuni wa'lagunem Allah nen inelugerinaferek andi faget he, at Musa nen, e panggi eroma Allah ebe eilenggen hasikhe wene andiba mel isikhe: Abraham inom, Ishak inom, Yakub inom, ineisena Allah re misigaro, iluk lisu palogo fesikhe andi.


A'nogo hilinglasigeluk isikhemo, at Simon a'nogo Yesus eilhanem eindep awi yagaisogo soma isikhesik he, ”Noe e! An weak hilingitirek mene yi re, yoma nobagaluk lan o,” iluk yagatikhe.


Hat hombalak Abraham inom, Ishak inom, Yakub inom, ineisena Allah anaro, iluk yagatikhemo, at Musa nen ebe eilenggen furogo ha la ailo agaikhe.


An nagainafuri afuni o Mesir mene nen yi enggin ti enggin hilinginafunem neilenggen isigik, inendawi ane ugunem nesanggo holhik, ikhi lagarik he, an nen telinabigeluk nebe pi wagi o. Halok, an nen hat yogondak o Mesir lakhobagaigen eme o, iluk yagatikhe.


Andi nen he, hit afuni Israel mene nerugwi nagaila'lak. Hinesanggo fanorogo holini o. Nineisena Tuhan Allah nen ninombalak yagaisikhi logolik, O kweang muli fanoma yi mene ti mene mondok hokhorogo were'ma andoma logolik hinunggulenu hokho asimbik fano mondok logogun iluk wene warisasikhe andi hak logobagaigen he, wene komotninafikhe wene yagahisikhi lagi yi, fanorogo hologo higithogo hilingiti logoino.


We, it ebeti lagaukwa andi re, inawi ebe fano mondok pogoroba mene faget inamolo anggikhi lagaukwa andi nen he, Allah nen it faget inawi arat tegelogo fisasikhemo andi nen he, aren, ”An it ineisena,” iluk, enggali legat ikherek andi.


Mondok inailo mene ineilenggen hasukwasik inane ninghogo a'nogo Musa yagatukwama re, aren he, mel yagaisasikhe: ”An ogo re, nailo nen noagelekwe abolok ikhe aro,” iluk yagaisasikhe.


A'nogo were'ma higirik he, nailo nen nelokhe sagaum warek mene higit at awe a'ma sagam esi lagunem he, at enggi ebekwe an noba fikhesik he, mel yaganete: ”Hailo lek ame. An nebe re, eroba nen pikhit erembul oba netok mondok logolik he,


A'nogo hilingitukwasik, at Manoah nen agwe mel yagatikhe: ”Nit Allah nineilenggen hogo andi nen, ninebe eberogoat wa'lasugun higi,” iluk yagatikhe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ