KELUARAN 3:5 - Allah Wene Fano Wene Hupla Inane

⁵ A'nogo yagatikhemo, At Tuhan nen he, ”Hat hebe An nonggwarek nanggweang oba mendek welagen andi nen, hebe horokhogo ya wagi'lek, andem logolik heisok sandal ugu welagen mene ari nonggologo arem fein o.

KELUARAN 3:5 ပူးပေါင်းရင်းမြစ်များ

KELUARAN 19:12

It andi inebe wesimbik tom oba horokhogo lagai wesinogo iluk, inendawi wenggelogo tom oba huli yiling-waling warogo silo feino. Sa nen huli warek mene afane waga halok he, ebe mondok wasuogeluk unggum oba feino.

KELUARAN 19:21

Lagasikhemo, Tuhan nen Musaba mel yagatikhe: ”Hebe pimbik he, afuni andi inebe mondogat An ineilenggen neowogeluk huli warek mene afane lagai wesinogo. It inesanggo holhi'lek lagai wesugun halok, inebe ekhe hokhorogoat wa'lasugun.

KELUARAN 4:28

Hai a'nogo watikhemo, at Musa nen he, Tuhan nen o Mesir ambotkwe loageluk ayonggo fikhi logolik yagatikhe mene omanogo mondogat tindelogo yagatik, afuni futfoageluk elalin mene hilingisuageluk yagatikhe mene omanogo mondogat yagatik, isikhe.

PENGKHOTBAH 5:1

Hinane oan igi'lek logolik hinendawimo fanorogo wenggel halugen ugunogo. Nen, Allah ba weak-weak wene warogo yagasu fuk. At ebe pogoroba werek, nen hit he kweangma logolik enggere fetakhogo nek u fuk, oba nen hinane uogeluk he hambuget halugen ugunogo.

YEREMIA 30:21

Raja hit fethinarek logogin mene re hit hinunggulenu mene logogin. An nen at ebe nambit wesuageluk woletunem he selekhogo An noba horokhogo waga logogin. Ap sa nen ekhe amu endawinggen wenggel fuluk ambong serogo An nelokhoma asi wesu hak anggegep? Hit he An nagainafuri mene asugun. Nen An he hit hineisena Allah asigin, iluk An Tuhan nen nane mondogat igi o,” ikhe.

IMAMAT 10:3

Wa'lagaukwama at Musa nen Harun yagati logolik, ”Tuhan nen Afuni An nobaget hilingiti logogun mene halok he, An Nebe horek welagi mene a'nogo legeisogo nobagakhi logolik fogetnafi logogun, nen An nebe nanggiluk welagi mene a'nogo afuni An nagainafuri inunggulenu mene inoba inugisikhi logogin, iluk, Tuhan nen ikhe,” iluk Harun yagatikheba nen he, at ane igi'lek wamborek welagaikhe.

KISAH PARA RASUL 7:33

Ailo agaikhemo, nineisena Tuhan Allah a'nogo nen he, ekhe mel yagatikhe: Kweang hat hebe mendek welagenma arem, an nonggwarek nanggweang o. Halok, heisok sepatu yelik mene aroma nonggologo fein o.

ULANGAN 23:14

At hineisena Tuhan Allah nen hit hinebe hinawi sabu wuri'mo omanogo awe a'ma fethinarek were'ma, it hinaselei mene inelokhoma hit hinebe hinalonget hinobagakhi logogin. Andi nen he hit hinawi sabu wurikwe andoma mondogat fanorogo pugunhogo logoino. Nen a'nogo logogun lek halok he hit hinanggele'ma andoma obabut weak mene ekhe were'ma, At hineisena Tuhan Allah hit hinebe herak hinobagaluk laga logoinogo o,” iluk yagaisasikhe.

YOSUA 5:15

A'nogo yagatikhemo, Tuhan agot panglima, tentara mene inoe a'nogo nen he, ”Kweang hat hebe mendek welagen oba arem he, Allah onggwarek anggweang andi nen he, hat heisok sepatu yelik mene ari nonggologo fein o,” iluk yagatikhemo, at Yosua eisok sepatu yelik welagaikhe mene a'nogo nonggologo fesikhe.

2 PETRUS 1:18

ane pogoroba nen pelakfei wagunem, nit Yesus ninom tom Allah onggwarek andom unggul andiba logolik ninesanggo tomok holhugu o.