KELUARAN 3:4 - Allah Wene Fano Wene Hupla Inane

⁴ A'nogo anggasikhesik, eilenggen hageluk lagunem, At nineisena Tuhan engga sebele'ma omanogo anggele'ma nen eilenggen hasikhesik he mel yagatikhe: ”Musa, Musa,” iluk yagatikhe. Yagatikhemo, at Musa nen he, ”Wu i, an nebe yi welagi,” iluk yagatikhe.

KELUARAN 3:4 ပူးပေါင်းရင်းမြစ်များ

KEJADIAN 22:1

Inenggi ekhe inom welagaukwasigen Allah nen Abraham obabut paligeluk, ”Abraham,” iluk woletikhemo at Abraham en he, ”Woi! Neisena. Nebe yi welagi,” iluk yagatikhemo,

KEJADIAN 22:11

A'nogo wasigeluk ugunem, malaikat Tuhan nen yonggo pelakfisa wagarek mene ekhe ane pogoroba nen mel yagatikhe: ”Abraham, Abraham,” iluk yagatikhemo, at Abraham en he, ”Woi? Neisena,” iluk isikhemo, aren he,

KEJADIAN 28:16

A'nogo yagatikhemo abi hasikhesik, at Yakub eluk agaikhesik he, mel isikhe: ”Neisena Tuhan ebe yoma werek higi,” an nonggot welagi mene yogondagen nelu aga yi,” iluk isikhe.

KEJADIAN 46:2

Noletikhesik, nogo ugunem Allah nen he, abikanggo oba mel yagatikhe: ”Yakub, Yakub,” iluk yagatikhemo aren he, ”Wu! welagi, neisena,” iluk yagatikhe.

MAZMUR 62:11

Hit hinenggi omameba afuni sebelinarek logolik inangge helikhi lagep mene andomaba hinendawinggen eberek lagou fuk, nen afuni inangge telikhi lagep mene andomaba hinendawinggen tibet fuluk logou fugat. Nen, hit hinangge yi mene ti mene hinenggi werek agunem oba nen ogore, hit hinendawinggen andiba tibet fuluk logou fugaro.

KELUARAN 19:3

It o a'nogo wutukwasik werek kwelek, at Musa Allah emberek ambi asuogeluk tom andiba lagasikhe. Lagasikhemo At Tuhan ebe tom andiba nen Musa oba afuni Israel Yakub en tagongge mene andi yagaisa pi wesuageluk mel yagatikhe:

KELUARAN 3:2

Andoma malaikat Tuhan nen yonggo pelakfisa wagarek mene omanogo ekhe engga sebelek anggele'ma nen endu amuilogen wialhi logolik elokhoma menlasigiluk wagaikhe. Wagaikhesik, engga sebele'ma omanogo endu amuilogen wialhi lagaikhe meneat he, engga ebe endu nen ninggi'lek were'ma, at Musa eilenggen yethasikhe.

KELUARAN 33:12

O inenggi ekhe sambul he, at Musa nen Tuhan oba mel yagatikhe: ”Neisena, haren he, an nen afuni yi woginarek o haren wo'nisageluk wene wa'nisasigin oba woginarek loageluk yaganeten. A'nogo meneat he, ap andi nen lebethoageluk ayonggo fembik lakfei wagi, iluk yaganeten lek andi. Neisena, haren he, An faget Hat hebe nelu, noba liok ili'lago, iluk yaganetigin andi.

KELUARAN 4:5

A'nogo hilinglagaikhemo, At Tuhan nen he, Musa mel yagatikhe: ”Afuni Israel mene nen he, ninombawi Abraham inom, Ishak inom, Yakub inom, ineisena Tuhan Allah a'nogo eberogoat Musa elokhoma menlagama higi, iluk anggoageluk it inelokhoma a'nogoat hilingisi lano o,” iluk yagatikhe.

IMAMAT 1:1

At Tuhan Awi sabu tenda mene salogo werek oba omanogo nen, it afuni Israel mene nen wene melalek fik-foukhogo hilingfuluk hilingiti logogun mene faget iluk Musa woletikhesik wene melalek oba fikhi logolik yi'nogo yagatikhe: ”Ap misik ekhe nen Tuhan faget warogo nolhu mene fei waga logolik halok he, aren domba inom sapi inom kambing inom waluk wogosi waga logogin fano.

KISAH PARA RASUL 10:13

Were'ma re, Allah ane ka nen heat yagati logolik he, ”Petrus. Hebe menlasimbik he, andoma warogo nan o,” iluk yagatikhe.

KISAH PARA RASUL 10:3

A'nogo ugu mondok logolik he, enggi ekhe sambul, o mo hea i lagu kwelek jam 3 hak, abikanggo mel hasikhe. Malaikat Allah nen yonggo pelakfisa wagarek mene omanogo ekhe pi wagaikhesik at oba kwisikhesik he, ”Kornelius,” iluk yagatikhe.

KISAH PARA RASUL 9:4

Fei wagunem he, at Saulus a'nogo kweangma talorogo weing lagaikhe. Weing lagunem he, at ekhe ane koma nen heat yagati logolik he, ”Saulus. Saulus. Anat yi enggin ti enggin hilingnabigeluk mu'narek nihki lagen andi nenahalok,” iluk yagatikhe.

ULANGAN 33:16

At Yusuf ebe, at ogogwi, agoromi, inanggele'ma nen inoe kain logouwageluk menfesigin andi nen, hagainafuri inanggweang oba nen he, yi mene ti mene yago mene fano mondok mene nek oba heilarogo wogisigik, Hat hebe e sebelek mene anggele'ma endu amulok hangge wialhi logolik hane yaganetigin a'nogo hobabut fano nen fanotfigik, ikhi logoino o, neisena.

1 SAMUEL 3:10

Wagaikhesik were'ma, At nineisena Tuhan wagaikhesik, andoma mendek logolik, Samuel woletikheat: ”Samuel, Samuel,” iluk woletikhemo, at Samuel en he, ”Neisena. Hamingmingegge nesanggo holek welagi o, yaganom,” iluk yagatikhe.

1 SAMUEL 3:4

Tuhan nen Samuel woletikhemo, at Samuel en onggo yagati logolik he, ”Woi, neisena!” isikhe.

1 SAMUEL 3:6

A'nogo nogo i wagaikhemo, Tuhan nen, Samuel hobuk woletikhe meneat he, Samuel Allah inom ambi agu aple onggot andi nen he ebe furogo, ”Neisena Tuhan nen wolnafe,” iluk futfigi'lek wongetfesikhe. Andi nen he, at Samuel eluk agaikhesik, ap Eli hobuk ha lagaikhesik he, mel yagatikhe: ”Wolnafen andi nen wagi o, neisena,” iluk yagatikhemo, at Eli nen he, ”Namlogo e. An hat wolhafi lego. Hambotkwe nogo i lan o,” iluk yagatikhe.

1 SAMUEL 3:8

A'nogo nogo i wagaikhemo, At Tuhan nen enggi pireba Samuel woletikhesik, hobuk ekhe henaganek engge woletikheat. Andi nen he, eluk agaikhesik ap Eli ha lagaikhesik, mel yagatikhe: ”An wolnafen andi nen wagi o, neisena,” iluk yagatikhemo, andi sambul Eli endawimo nen he, ”Yenggerek andi re Tuhan nen woleri'lago higi,” iluk futfesikhe.