KELUARAN 3:21 - Allah Wene Fano Wene Hupla Inane

²¹ An nen, afuni Mesir mene inendawimo fanot fisamo agaukhogo hilinghinabuageluk hilingisogo fisagain o. A'nogo hilingisogo fisamo, nagainafuri wesugun andi sambul hinenggimo legengge ekhe wesugun lego.

KELUARAN 3:21 ပူးပေါင်းရင်းမြစ်များ

KEJADIAN 15:14

A'nogo meneat he, it afuni inawiwerek mene nen, haren tagongge mene inamingmingengge hilinginabimbik logogun mene andi, An nen wene inoba fagain o. Fugunem haren tagongge mene o andoma herakfisaluk wulibi waga logolik, it inawi werek mene inangge yi mene ti mene hokhorogo helaluk wulibi wesugun o.

KEJADIAN 39:21

A'nogo meneat he, Allah nen Yusuf serogo logolik ebe endawi mondok hasikhesik, lebethugunem afuni inenggi hele warek mene ferinarek welagaukwa mene inoe andi nen Yusuf ebe oba liogeratikhesik endawirogo welagaikheat.

1RAJA-RAJA 8:50

Hagainafuri nen Hat hoba lombokhogo welagi'lek, hane sagalogo hilingisugun mene andi mondogat sagalogo herakfisaluk he, it inaselei mene nen inendawirinapluk fano hilinginafi logouwagaluk hilinginafi logoino o, neisena.

NEHEMIA 1:11

An nen ogo, hamlogomi fenakwe inebe mondogaren ogo, ninebe mondogen hat agaukhogo fogethafi logouwogeluk samban hayonggo fikhi lago mene andi, ninane hesanggo holin o, neisena. O yogondak he, an hamingmingengge nebe ninoe raja oba lagain enggere, aren endawit nabuageluk endawimo kagalin o, neisena,” iluk samban oba Allah ayonggo fikhi lagagi. Andem oba re, an nebe raja agai nunggu mene faget yi'nogo hilingisugun ti'nogo hilingisugun, iluk lenggalhu logolik, Allah ayonggo a'nogo fikhi lagagi andi.

MAZMUR 105:37

A'nogo hilingitikhesik fem hobuk he, it afuni Israel mene inebe woginarek wulibi waga logolik, it inangge emas inom, perak inom, helaluk wulibi wagaukwa. Andi nen, it inebe mondogat he inoba fano inomame weregat, tegelek mondok woginarek wulibi wagaikhe.

MAZMUR 106:46

It afuni amu mene it inebe hele warogo fisa lagu mene omanogo nen inendawi hundik hilinginafi logouwageluk Aren afuni andoma inoba hilingfisikhi lagaikhe.

KELUARAN 11:2

Andi nen he, afuni Israel mene hinom wene fanorogo ino o. Ikhi logolik, iren afuni Mesir mene ekhe o inom horokhogo welagaikharek mene inalilingge emas mene inom, perak mene inom, kino yagaisoageluk yagaisano o,” iluk yagatikhe.

KELUARAN 11:3

A'nogo yagatikhesik, At Tuhan nen he, afuni Mesir mene inangge it afuni Israel mene inendawirogo wogisoageluk hilinginafikhe. Nen at raja a'nogo agoromi pegawai nen inom, afuni Mesir mene ekhe mondogaren inom, Musa mondok agaugwerati lagaukwaat.

KELUARAN 12:35

A'nogo wanhi logolik, at Musa nen he, afuni Mesir mene yi'nogo kino yagaisano, iluk yagaisasikhe hagat, inalilingge emas mene inom, perak mene inom, su inom, wogisoageluk kino yagaisasukwa.

KELUARAN 12:36

A'nogo kino yagaisasukwama, at nineisena Tuhan nen afuni Mesir mene inangge it afuni Israel mene inendawirogo wogisoageluk hilingitikhemo, yi mene ti mene mondogat it afuni Israel mene nen, ”Nit ti mene wo'nisobagaigen,” iluk kino yagaisasukwa mene mondogat wogisasukwa. A'nogo hilingitukwa andiba nen, afuni Mesir mene inangge yi mene ti mene onggo hokho mene omanogo re, it afuni Israel mene nen felenghogo helaluk wulibi wagaukwa andi.

AMSAL 16:7

Hiren Tuhan endawimo agaiyek mene hilingiti logogun halok he, hinom weim palek mene andoma re hinagaila'lak aga logogun.

KISAH PARA RASUL 7:10

A'nogo telho were'ma, ap kain Firaun o Mesir mene inoe enupogot a'nogo nen he, ”Ap yi obabut fano. Endawinggen mondok kagalek,” iluk ebe oba liok isikhesik, mel yagatikhe: O Mesir yoma inom, an nawi inom, nagainafuri inom, haren ferinarek logolik, an mene yi mene ti mene yoma mondogat hat henggiba logoinok, iluk ebe gubernur logouwageluk menfesikhe.

ULANGAN 15:13

At hinamingmingengge lologo wulak fisogoin mene a'nogo we enggimo legengge loageluk obogisikhi logogun lek.