KELUARAN 3:18 - Allah Wene Fano Wene Hupla Inane

¹⁸ A'nogo yagaisamo, it nagainafuri nen hat hane inesanggo holugun o. Holugunmo re, hat afuni Israel mene inogogwi hinom at raja Firaun a'nogo oba lambik he, yi'nogo yaga'no: Nit afuni Ibrani mene nineisena Enupogot Allah ninelokhoma menlaga. Ma re, o leimo afuni le'ma kwe we inenggi henagan laga lagaikharesik arat kwi lagaikharek oba andoma lambik nineisena Tuhan Allah faget yi mene ti mene warogo nolesi louwogeluk haren, lani, iluk yaganisanogeluk wago o, iluk yagasi lano,” iluk yagatikhe.

KELUARAN 3:18 ပူးပေါင်းရင်းမြစ်များ

KEJADIAN 12:1

A'nogo wa'lagaikhemo were'ma, nineisena Tuhan nen Abram mel yagatikhe: ”Hat he, haiba inom, hoe hagot inom, heisena aiba inom, herakfisaluk he, o An nen yagahesigin oba andoma lano o.

KEJADIAN 14:13

A'nogo hilingitukwama, at ap ekhe weim heise wagaikhe mene nen wene hilinglagaikhe mene andi Abram Ibrani mene a'nogo, ebe e Allah agayo ap enu Mamre unggulenu Amori mene anggweangma Allah fogerati logogun oba andoma were'ma, pilingisogo yagasi wagaikhe. At Mamre ebe inom, agaila'lak Eskol, Aner emberek inom, andi Abram agaila'lak inom fano mene.

KEJADIAN 15:1

A'nogo hilingitukwasik oba nen, At Tuhan nen Abram elokhoma weinam asi wagaikhesik ane yagati logoik: ”Abram, hailo agun o. Hoasuogeluk ugu halok An nen fetharek logolik, onggo hokho mene wokhesigin o,” iluk yagatikhe.

KEJADIAN 17:1

At Abram ebe umur 99 tahun oba, Tuhan elokhoma menlagaikhesik he, mel yagatikhe: ”An Allah nen yi mene ti mene elok hilingisigin enek a'nogo An aro. An nane hologo hilingiti logolik, nendawimo namolo anggigirek mene andiat hilingitu mondok logoino o.

KEJADIAN 48:3

A'nogo were'ma, at Yusuf a'nogo oba kwisikhemo, mel yagatikhe: ”Allah yi mene ti mene hilingisu hak enek mene a'nogo nen o Kanaan kota enu Lus andoma nelokhoma menlagaikhesik afuni nen nauk inoba loegettagarek andi hak arat fanotnobagasikhemo welagi o.

2 TAWARIKH 30:12

At raja inom it agoromi pegawai inom he wene melalogo wulafikhe mene a'nogo, higithogo hilingisuageluk he At Allah nen he it afuni Yehuda meneba welagaukwa mene omanogo inendawinggen misik asuageluk hilingfisasikhe.

MAZMUR 110:3

Hat hebe Handom horek oba andoma homamerogo wagunem he, o hubet lilengge welagarek hak, hat hagoromi ap alage mene inendawinggen nenat yabugun iluk, esa hokhorogo logalugun.

KELUARAN 10:3

A'nogo yagatikhemo, at Musa Harun emberek raja oba lagaukwasik he, mel yagatukwa: ”It afuni Ibrani mene ineisena Tuhan Allah nen he, mel ikhe: Hat An nawe a'ma soma iluk werek aple habit andi huli ki huli nen logogin nogo? Haren An nagainafuri foge'nabi loageluk lakfisano o.

KELUARAN 17:5

A'nogo yagatikhemo, at nineisena Tuhan nen Musa mel yagatikhe: ”Haren it afuni Israel mene inogogwi ekhe woginarek he, it Israel mene ekhe hobugetfisaluk he, attagat laga logoino o. A'nogo laga logolik he, harige tomuk o Mesir en i Nil waten mene a'nogo henggim waluk lano o.

KELUARAN 19:1

Afuni Israel mene o Mesir herakfisaluk wulibi wagaukwasik oba nen, tugi pirenek meneba waga lagaukwasigen, o Rafidim andoma herakfuluk wagaukwasik he, tugi ekhe tanggal 1 ba re, o leimo tom Sinaiba wagaukwasik o sabu tenda mene tom a'ma andoma wutukwa.

KELUARAN 25:22

O ariginik oba andoma An hat ninom ambi a'luk peti amboloba kerub pire fena-fena were'ma andoma nen it afuni Israel mene inobaget An nen hat wene melalek yi'nogo hilingi'no ti'nogo hilingi'no iluk wokhesigin,” iluk yagatikhe.

KELUARAN 3:12

A'nogo yagatikhemo, at Allah nen he: ”An nen lebethabigin o. Afuni nen he, Musa Allah nen eberogoat ayonggo fikhesik lakfei wagama, iluk enegat futhobagauwageluk, haren afuni Israel mene o Mesir en woginarek wagen halok he, tom yiba nen, An foge'nabugun o,” iluk yagatikhe.

KELUARAN 3:16

Afuni Israel mene inogogwi mondogat andogorinabi lan o. Lambik he, hit hinombalak Abraham inom, Ishak inom, Yakub inom, ineisena Allah a'nogo An arat nelokhoma menlaga o. Menlagasik yi'nogo yaganete: An hit afuni Israel mene it afuni Mesir mene nen hilinginabi'lagwi andi, An arat neilenggen isa pi wagi yi o.

KELUARAN 30:36

Amben engge andi mene fena re, sagik-sagokhogo hilingfeino. A'nogo hilingfuluk he, ebe waluk An Nawi sabumo andoma kwi laluk Peti Wene Warek were'ma andoma kweisali laga logoino. Amben-amben engge andi re, mondok wesarogo An nobaget enogo werek mene anggikhi logoino. Hit hinonggwarek mene faget he amben-amben engge andi hakhogo inom higithogo ekhe pugunera fuk.

KELUARAN 30:6

Wut fuluk he mezbah andi re ebe e Peti Wene Warek mene a'nogo elokhoma kain werek mene andi takwe fikhit obalik An nebe hat ninom ambi aga logogun oba andem hutfeino.

KELUARAN 4:1

A'nogo yagatikhemo, at Musa nen he, Tuhan mel yagatikhe: ”A'nogo egen meneat he, an nen wene a'nogo yagaisugunem, afuni Israel mene nen, eberogoat ili'lago, iluk futfou inabiren he, wene an nen yagaisagain mene andi herakfisugu halok ninggi'nogo hilingisu hak? Iren he, Tuhan hat helokhoma menlagi'lek meneat he, heranen ikhi lagen, iluk ugu halok, an nen nena u hak?” iluk yagatikhe.

KELUARAN 4:23

Andi nen he, an nagainafuri mene andi an fogetnabi loageluk lakfisan o, iluk yagahesuageluk igi meneat he, haren, I o. Lani, iluk ikhi lagen lek. Andi nen yogondak an nen hat hagainafuri manggusa mene nek mondogat inoasigin o, iluk ikhe yaga'no,” iluk yagatikhe.

KELUARAN 4:24

A'nogo yagatikhesigat he, at Musa a'nogo ebekhalem laga logolik ekhema o sabu su meneba salogo nogo ugunemen he, Tuhan wagaikhesik he, Musa ebe wasigiluk isikhe.

KELUARAN 4:31

A'nogo hilingitukwama, it ap omanogo nen, eberogoat, iluk futfesukwa. It Musa Harun emberegen, ”Tuhan nen hit afuni Israel mene eilenggen wokhinafik, yi enggin ti enggin hugunem eilenggen hisigik, ikhemo o,” iluk yagaisasukwama inesanggo holhukwasik he, ineindep awi yagaisogo Allah fogeratukwa.

KELUARAN 5:1

Hobuk he, it Musa Harun emberek at raja Firaun o Mesir mene a'nogo oba lagaukwasik he, mel yagatukwa: ”Afuni Israel mene Ineisena Tuhan Allah nen he, ’An nagainafuri Israel mene o leimo afuni le'ma andoma lambik An fogetnabuageluk lakfisoagen yagasi lani’, iluk yaganisikhemo nen yagahesi wago o,” iluk yagatukwa.

KELUARAN 5:3

A'nogo yagaisasikhemo, it Musa Harun emberegen mel yagatukwa: ”Allah afuni Ibrani mene nineisena nit ninelokhoma menlagama o. Halok nit o leimo afuni le'ma andoma kweba ninenggi hup henagan nogoluk lagaikharesik arat kwi lagaikhare'ma andoma lambik, Nineisena Tuhan obaget, warogo nolesi logoin enggere, lani, iluk yaganisan o. Niren a'nogo hilingiti'lek halok, Allah nen he, nit ninebe wa'lasuageluk ou ninoba figik, athe, weim yafi logolik ninoasuageluk selei mene inenggiba ninobagagik, igin o,” iluk yagatukwa.

KELUARAN 7:16

Lambik were'ma, at raja ebe pi wagu halok mel yaga'no: Nit afuni Ibrani mene nineisena Tuhan Allah nen, haren At againafuri lakfisugunem o leimo afuni le'ma laluk At fogerati logouwageluk an nayonggo fesikhesik hoba laknobagai wagama yagaheti lagi meneat he, hat huli yogondagen nane hesanggo holu habit mondok welagen andi.

KELUARAN 8:1

At Tuhan nen he, Musa mel yagatikhe: ”Hat hebe at raja Firaun oba lambik he, Allah nen he, mel yagahete iluk yaga'no: An nagainafuri nen an fogetnabi loageluk he, lakfisano o.

KELUARAN 8:20

Hobuk Tuhan nen he, Musa mel yagatikhe: ”Hat hebe hobit huberat siakhogo re, at raja Firaun ebe i Nil ima pi wagunem elokhoma lambik hemberek ambi asimbik he, an nane igi mene yi yaga'no o: An nagainafuri nen An foge'nabi loageluk lakfisano o.

KELUARAN 8:23

An nen he, nagainafuri inoba hunogoat hilinginafi logolik, hat hagainafuri inoba hunogoat hilinginabigin andi re, o healegat elalin mene yi hilingisigin o, iluk ikhe, yaga'no,” iluk yagatikhe.

KELUARAN 9:1

A'nogo hilinglagaikhemo, hobuk At Tuhan nen he, Musa mel yagatikhe: ”Hebe at raja Firaun oba lambik he, afuni Ibrani mene inesena Tuhan nen he, mel ikhe ino: An nagainafuri nen An foge'nabi loageluk herakfisano o.

KELUARAN 9:13

A'nogo hilinglagaikhemo, hobuk Tuhan nen he, Musa mel yagatikhe: ”Hat hebe hobit huberat siakhogo re, raja Firaun a'nogoba lambik he, nit afuni Ibrani mene Tuhan Allah nen he, mel ikhe ino: An nagainafuri nen An foge'nabi loagen he, lakfisan o.

YESAYA 64:5

Afuni ekhe Hat hendawimo anggegendek mene andi hilingiti logolik, eberogo wene omanogo higithogo hilingitarek mene andi haren woginafendek. A'nogo meneat he, nit attagaren Hat hawe a'ma logogun ninabiren weak hilingiti lagoma re, weagat hilingitunem ha'mage ninoba fegendek andi o.

YEREMIA 2:2

”Hat hebe afuni o Yerusalem welagaikharek mene inoba lambik he, wene mel yagaisano: Hit afuni Israel mene yi sani. Aben hemi ket iginapluk, inendawinggen hundik welagaikharek andi hak, hit hinebe oan oba nenat An noba lomborogo logolik hinendawinggen An noba hundik were'ma, o leikwe yi mene ti mene awi yago lekwe andoma nombo'ne mondok nikhi lagagip a'nogo hinoba ebeti o.

YEREMIA 2:6

A'nogo hilingirilik laga logolik iren he, Nineisena Tuhan o Mesir en wo'ninarek wulibi waga logolik, kwe o leikwe yi mene ti mene fulelek legat, mondok weakwe, kiling ele hokhorogo werekwe, puk halongorekwe, afuni lagaikharek lekwe, wo'ninarek wagaikhe mene a'nogo ebe koma werek iluk mel heinok wo'nafi lagaukwa legat andi.

YEREMIA 26:5

Nen, ekhe re hiren ogo An namingmingengge nabi hundik-handik hinambit lakfisa waga lagi mene nen yagahisugu mene andoma holhi logogun fano. Oba nen he hiren it inane ugunem he hinesanggo holu hinabit mondok welagep.

BILANGAN 17:4

A'nogo hilingfuluk he tomuk andoma waluk An Nawi Sabumo Peti Wene Warek mene were'ma elokhoma An ninom hat inom hundik ambi aga lagoba aremnogo fei we'no.

YOSUA 1:17

Niren Musa nen yaganisugunem ane hologo mondok hilingiti lago andi hak, hat hane hologo hilingiti logogun aro. Nineisena Tuhan Allah nen Musa serogo mondok welagaikhe andi hak, harogo setharek mondok logouwago.