KELUARAN 3:12 - Allah Wene Fano Wene Hupla Inane

¹² A'nogo yagatikhemo, at Allah nen he: ”An nen lebethabigin o. Afuni nen he, Musa Allah nen eberogoat ayonggo fikhesik lakfei wagama, iluk enegat futhobagauwageluk, haren afuni Israel mene o Mesir en woginarek wagen halok he, tom yiba nen, An foge'nabugun o,” iluk yagatikhe.

KELUARAN 3:12 ပူးပေါင်းရင်းမြစ်များ

KEJADIAN 15:1

A'nogo hilingitukwasik oba nen, At Tuhan nen Abram elokhoma weinam asi wagaikhesik ane yagati logoik: ”Abram, hailo agun o. Hoasuogeluk ugu halok An nen fetharek logolik, onggo hokho mene wokhesigin o,” iluk yagatikhe.

KEJADIAN 15:8

A'nogo yagatikhe meneat he, at Abram en heinok wokhikhi logolik, mel yagatikhe: ”Tuhan Henupogot esin mene neisena. Kweang yoma an eise asigin, iluk ninggi'nogo nen nelu asigin?” iluk yagatikhe.

KEJADIAN 26:3

An nen wene abok wene warogo heisena Abraham yagatigi mene a'nogo higithogo hilingiti logolik, hebe fetharek welagik, fanot hobagagik, ikhi logogin. Nen o kweang yoma hat inom haren tagongge mene inom wokhisagain.

KEJADIAN 31:3

Futfesikhemo, At Tuhan en Yakub yagati logolik, ”An nen fetharek logogin enggere, heisena inom hogogwi inom inambit haiba eroma omanogo nekhengge lan,” iluk yagatikhe.

2 RAJA-RAJA 19:29

At Yesaya nen a'nogo lakfei waga logolik, wene ekhe yi warogo Hizkia oba lakfei wagaikheat. A'nogo lakfei waga logolik mel yagatikhe: ”Hiren he, Allah nen wene ikhe andi eberogoat hilinglasigin, iluk fut fouwageluk inendawi wenggelogo tahun yogondak yiba inom, tahun ombo'ne logogun andiba inom, afuni nen gandum erabisak fuleligin mene ninggi logogun a'naga o. A'nogo meneat he, a'nogo ninggi logombik, hobuk it ineranen gandum inom, anggur inom, awi yakfembik enggen fano mondok palogo ninggi logogun a'naga o.

1 TAWARIKH 9:20

Pinehas hun Eleazar amlogo re it faget inoe kain welagaikheat. (At Tuhan nenat fisogo logouwak!).

MAZMUR 86:17

It afuni an noba inabiret nobagali'lagwi mene andoma re, Haren lebetnafunem ineilenggen nealuk inenggali asuakhogo re, neisena Tuhan Haren enegengge ekhe wo'nomo, iluk samban isikhe.

KELUARAN 18:5

At Yitro a'nogo Musa agwe inom amlogomi pire inom wagaukwasik he, o leimo tom wesa andom iluk tegelek welagaikhe mene era'lu horokhogo andoma at Musa o tenda ba salfesikhesik were'ma wagaukwa.

KELUARAN 3:1

Andem sambul he, at Musa wam eamal Yitro Allah eisewerek o Median mene a'nogo anggo domba, kambing inom konhi lagaikhe. Konhi logolik, wam woginarek he, o leimo afuni le'ma abel yikwe wagaikhesik, Allah onggwarek andom Sinai oba wagaikhe.

KELUARAN 3:13

A'nogo yagatikhemo, at Musa nen he: ”A'nogo egen meneat he, an afuni Israel mene inoba lambik an nen he, ninombalak ineisena Allah nen he, nayonggo fikhesik hinoba lak nobagai waga o, iluk yagaisugunem, iren he wene yi'nogo mondok eberogoat heinok wo'neogoinat anggigi: At andi enu sa, iluk heinok wo'neaga halok, an nen ninggi'nogo yagaisagain?” iluk yagatikhe.

KELUARAN 33:14

A'nogo yagatikhemo, Tuhan nen he, ”An nebe nenat fethinarek welagik, fano liokhogo welagik, ugu kwelek o hit wokhisageluk wene wathisasigiba andoma eise asi kugun o,” iluk yagatikhe.

KELUARAN 4:12

O yogondak yaat weak-weak lano. An nen hat hane ugu mene lebethiigik, yagaisagain mene higithogoat yagahetik, igin o,” iluk yagatikhe.

KELUARAN 4:15

Hat oba lambik, hemberek wene ane ikhi logolik, aren ugu mene yaga'no. An nen he, hit hemberek lebethisambik, hiren ugun mene inom, hilingisugun mene inom, yagahisagain o.

KELUARAN 8:27

Andi nen he, Tuhan nen yaganisikhe hagat, o leimo afuni le'ma andoma ninenggi henagan laga logombigen nineisena Tuhan Allah faget nolesi logoin o,” iluk yagatikhe.

YESAYA 37:30

Ekhe Yesaya nen Hizkia ba wene yi'nogo lakfesikheat, ”Hat hoba enegengge asigin mene re, tahun yiba inom tahun hobuk wesigin meneba inom he afuni re anggur enggen amu wilibik mene palogo ninggi logogun. Oba nen he andem ninggi la'luk tahun henaganek meneba re inonggwaregen gandum awi inom anggur awi inom yakfuluk enggen palogo ninggi logogun oba asi wesigin o.

YESAYA 41:10

An ninom logogun enggere, hailo asu fugo, Hat heisena Allah re An nebeat andi nen he hendawinggen fisu fugo. Hat he An nen wuriget hafik lebethiigik ikhi logogin. An nenggi omameba wokharek laga logogin.

YESAYA 43:2

An he hit afuni Israel mene hineisena Tuhan Allah tegelek mondok logolik, hinebe telhinafirek mene a'nogo nen hat hebe fetharek logogin andi nen he, hat hebe i obakhe tekhogo palhik, i som lagik, ugunem i nen wokhabigin legat. Nen, endu amulok anggelekwe lagain mene re, hebe endu nen nagain legat. Nen, yi wene ti wene enggin mene hoba asigin mene re, andi nen hebe weaget habigin legaro. Hat hebe hagap telogo re afuni Mesir mene fisigimo werek, nen afuni Sudan mene inom, Syeba mene inom he, hat hobali'mo inebe inoasuagaluk fisigimo werego.

YESAYA 7:14

Haren a'nogo egen oba nen he yogondak Tuhan amu nen hiren futfouwageluk enegengge ekhe hilingisigin werego. Hele silerik mene ekhe omalik a'ma lasimbik omalik abengge takhagain o. Takhamo re enu Imanuel salugun.

YEREMIA 1:8

An he hat ninom welagik, hebe fetharek welagik, hilinghafi logogin enggere haren it inoba hailosu fugo, iluk An Tuhan nane mondogat igi o!” yaganete.

BILANGAN 16:28

Andi nen Musa ane ikhi logolik, ”Yiba re Tuhan nen yi wene ti wene andoma hilingisuageluk an laknobagai waga andi nen he, an namu nendawimo nen anggaluk wagi lek mene andi re hirogo hinelu asigin o.

BILANGAN 23:21

At Yakub en weak ekhe hilingitemo ikhi logogun lego. At Israel eisena Tuhan Allah nen fetninarek werek kwelek, aren yi mene ti mene ekhe weak hilinglaga logogin legaro. Iren he, Raja re At amuat werego, iluk inagaiyegen inane a'mit suphogo fogerari'lagwi andi.

MARKUS 16:20

A'nogo waluk lagasikhemo re, at Yesus agoromi omanogo o yi awi ti awi mondogat wene yagaisilik lagaukwa. Wene yagaisilik lagunem he, afuni nen he, ”It wene yaganisilik wagaikha andi eberogoat,” iluk futfouwageluk, ninoe Enupogot inom hundik logolik iren elalin mene hilingiti logouwageluk Aren wene andi omamet fesikhe.]

KISAH PARA RASUL 11:21

A'nogo yagaisugunem, Tuhan omame hokho mene a'nogo inoba logolik leberisugunem he, afuni inebe hokhorogo nen, ”Wene andi eberogoat higi,” iluk inendawinggenma wanhukwasik he, inobabut hebelagaukwasik inelokhe Allah wogetukwa.

KISAH PARA RASUL 7:7

Mene re, it afuni inawi weregen inawe a'ma fisaluk ferinarek logogun mene andi, an nen wene inoba fembik weagerinabigin o. Weagerinabumo, haren tagongge mene andi o andoma nen wulibi wesimbik he, o yoma logolik, an fogetnafi logogun o, iluk Allah nenat yagatikhe.

ROMA 8:31

Wene mondogat andi faget, niren ninggi'nogo ugun. Allah nit werekwe aga halok, sa nen lebeleget ninabigin nogo? Elo'lego.

ULANGAN 31:23

A'nogo yagaisasikhemo, At nineisena Tuhan nen Yosua ap Nun amlogo a'nogo mel yagatikhe: ”Yosua, hat hendawinggen hambukhogo hailo lek logoino o. An nen o afuni Israel mene wogisagaluk wene warisasigiba andoma haren it woginarek kugunem An nen lebethiikhi logogin o,” iluk yagatikhe.

IBRANI 13:5

Allah nen ninebe lombok faget ikhi logolik: ”An nen hat nenggi kobokhogo herakhobagagik, hebe hale'ma hobagagik igin lego,” iluk isikhe andi nen he, hit uang hinendawinggen tulemetfuluk logogubo. We, endebat werek andi, hit hinendawimo nen he, ”Yi elok werek,” iluk anggogoin o.

YOSUA 1:5

An nen attak Musa serogo mondok welagagi andi hak, hat herakhobagagi'lek setharek mondok logogin andi nen he, afuni ekhe nen hat mabenet hobagagun mondok lego.

HAKIM–HAKIM 6:12

A'nogo hilingitu were'ma malaikat Tuhan a'nogo at elokhoma menlasi wagaikhesik yagati logolik, ”Ap alage hambongsiserek homalik yi namlogo e, Tuhan hinom hundik welagebo,” iluk yagatikhe.

HAKIM–HAKIM 6:16

A'nogo yagatikhemo, Tuhan nen ikhi logolik he, ”An nen hat lebethabigin enggere, eberogo nen harenek he elok! Hat hamu nen enek he it afuni Midian mene andi inebe hokhorogo werek oba nen he, we siserogo ap misik mene omame leget fou hakhogo inomame leget fisambik, wolelenggenhogo fisagain o.

HAKIM–HAKIM 6:17

A'nogo yagatikhemo at Gideon nen ikhi logolik he, ”Tuhan neisena, haren an noba hendawimo wute halok he, wene andi Tuhan nen yaganete iluk, an fut fagain nen he enegengge ekhe hilingfein o.

HAKIM–HAKIM 6:21

Andi nen he malaikat Tuhan a'nogo enggimo tomuk fisogo welagaikhengge a'nogoba wam isago a'nogo inom roti a'nogo inom oba watfesikhe. A'nogo hilingfesikhemo re helep a'nogoba nen he endu amulok kulung hikhi logolik wam isago inom roti omanogo inom mondogat nasikhe. A'nogo hilinglagaikhemo nen malaikat a'nogo koma kwe laga heat longgo isikhe.

HAKIM–HAKIM 7:11

Pumo re, hinaselei mene inane ugunem hesanggo holimbik andemat hailo lek asimbik, hobabut inoba wulibigin mene hilinglasigin o,” iluk yagatikhe. A'nogo yagatikhemo, at Gideon Pura emberek inaselei mene inawi tenda wuri'mo era'lu horokhogo pisukwa.

1 SAMUEL 14:10

A'nogo meneat he, iren he, hit he, nit ninoba we'ni, iluk yaganisugu halok, nineisena Tuhan nen it inebe nit ninenggiba arat fikhemo higi, iluk ninendawi wenggelasigin andi nen he, nit it inoba logoin o,” iluk yagatikhe.