KELUARAN 3:1 - Allah Wene Fano Wene Hupla Inane

¹ Andem sambul he, at Musa wam eamal Yitro Allah eisewerek o Median mene a'nogo anggo domba, kambing inom konhi lagaikhe. Konhi logolik, wam woginarek he, o leimo afuni le'ma abel yikwe wagaikhesik, Allah onggwarek andom Sinai oba wagaikhe.

KELUARAN 3:1 ပူးပေါင်းရင်းမြစ်များ

1RAJA-RAJA 19:19

A'nogo yagatikhemo, at Elia a'nogo lagaikhesik wagunem he, ap Safat amlogo Elisa andi yabu wanigiluk, wam sapi 24 en mene, ebe pire lombogethigik, oba yabu wanharek mene kelogo figik isukwasik, it wam inebe hokhokwe attak hele lisogo waluk lagu kwelek, inambotma at Elisa ebe wam ekhe emberek wuthogo oba yabu wanharek mene a'nogo kelogo waluk nugunem wagaikhe. A'nogo wagaikhesik, Elia at Elisa oba horokhogo wagaikhesik he, Elia asu sogoi su a'nogo nonggologo re, at Elisa omoloba teisal fesikhe.

1RAJA-RAJA 19:8

A'nogo yagatikhemo, at Elia eluk agaikhesik he, sumburu inom, i inom, nasikhemo omame agaikhesik, kwe la elok agaikhemo re, laga logolik kweba enggi 40 nen nogo iluk tom Sinai oba o attagat Allah ebe Israel mene inelokhoma menlagaikheba arat asi lagaikhe.

MAZMUR 106:19

Tom Sinai ba nen he, iren wam sapi eak emas oba alik waganogo wutukwasik, inenggi nen alik waganogo hilingitukwa mene a'nogo apne wanhi lagaukwa.

KELUARAN 17:6

A'nogo lagunem he, an nebe hit hinelokhoma tom Sinai era'lu helep hokho mene andiba mendek logogin o. Were'ma lambik, helep andi wa'no o. Watunem i wulibi wagunem he, afuni andi i elok noago,” iluk yagatikhemo, at Musa nen it afuni Israel mene inogogwi omanogo ineilenggen werek kwelek a'nogo watikhe.

KELUARAN 18:12

A'nogo isikhesik he, at Yitro nen Allah obaget fugu mene iluk inom, warogo noletu mene iluk inom, wam miren mene hakhogo waluk wagaikhe. A'nogo waluk wagaikhemo re, it Harun inom Israel mene inogogwi kaindek lenggalinafarek mene omanogo inom, at Yitro ebe inom at he, Allah ebe weinam agarek oba elokhoma omanogo wagaukwasik inom seberogo nasukwa.

KELUARAN 19:11

Nen, age halok he, mondok tegelek oba logouwago. O andi sambul he, An nebe tom Sinai oba pi wagunem he, afuni mondogaren ineilenggen neogoin o.

KELUARAN 19:3

It o a'nogo wutukwasik werek kwelek, at Musa Allah emberek ambi asuogeluk tom andiba lagasikhe. Lagasikhemo At Tuhan ebe tom andiba nen Musa oba afuni Israel Yakub en tagongge mene andi yagaisa pi wesuageluk mel yagatikhe:

KELUARAN 2:18

A'nogo hilingitikhemo, inambotkwe inaiba lagaukwama, ineisena nen he: ”Hit o yogondak he, weak-weagat wagep andi nenahalok,” iluk heinok wogisasikhe.

KELUARAN 2:21

A'nogo yagaisasikhemo ayonggo lagaukwasik wagaukwama, at Musa nen he, ”Ninom yoma logogun fanoaro,” iluk yagaisasikhe. Yagaisasikhemo inom logolik, at Yitro nen a'logo enu Zipora Musa wogetikhe.

KELUARAN 24:13

A'nogo yagatikhemo, Musa ebe inom, lebethikhi lagaikhe mene Yosua inom, emberegen tegelogo fesukwasik he, at Musa tom Allah ebe welagarek oba a'nogo lagasikhe.

KELUARAN 3:12

A'nogo yagatikhemo, at Allah nen he: ”An nen lebethabigin o. Afuni nen he, Musa Allah nen eberogoat ayonggo fikhesik lakfei wagama, iluk enegat futhobagauwageluk, haren afuni Israel mene o Mesir en woginarek wagen halok he, tom yiba nen, An foge'nabugun o,” iluk yagatikhe.

KELUARAN 3:5

A'nogo yagatikhemo, At Tuhan nen he, ”Hat hebe An nonggwarek nanggweang oba mendek welagen andi nen, hebe horokhogo ya wagi'lek, andem logolik heisok sandal ugu welagen mene ari nonggologo arem fein o.

KELUARAN 4:18

A'nogo mondogat yagatikhemo re, at Musa a'nogo ambotkwe eamal Yitro aiba lagaikhesik, mel yagatikhe: ”An nambotkwe o Mesir lambik, an nagaila'lak omanogo ineluk werega, lega iluk neilenggen isa lageluk yagaheti lagi o, neisena. Higit lagain a? Lega?” iluk yagatikhemo, at Yitro nen he, mel yagatikhe: ”Lagain fano. Nagot,” iluk yagatikhe.

KELUARAN 4:27

A'nogo arigin hikhesik, Tuhan nen he, Harun mel yagatikhe: ”Musa o leimo afuni le'ma werek a'naga oba lan o,” iluk yagatikhemo, at Harun wagaikhesik, agot Musa Allah onggwarek andom oba a'nogo were'ma wagaikhesik hai ambe saluk watikhe.

AMOS 1:1

Ap Amos andi ebere domba konhi lagaikhe mene awi o kota Tekoa agun welagaikhe. At ebere it Yehuda meneba andoma hun Uzia raja logolik melalinafu kwelek, nen it Israel mene re raja Yerobeam hun Yoas amlogo a'nogo logolik melalinafu kwelek andem oba Amos ebe nabi menlagaikhe. Menlagaikhesik tahun pire wela'luk o lugul oan langhigi'lek werek kwelek, At Allah nen he Amos oba afuni Israel mene inobaget wene yagatikhe.

MALEAKHI 4:4

An namingmingengge Musa nen wene yagaisikhi lagaikhe mene omanogo wenggelhikhi logoino. Wene melalek inom, wene yi'nogo hilingi'no, ti'nogo hilingi'no iluk palek werek mene omanogo inom, it afuni An nagainafuri Israel mene inebe mondogaren hologo hilingiti logouwageluk attak tom Sinaiba nen wogetigi mene omanogo ebethikhi logoino.

BILANGAN 10:29

Musa nen ombasi Hobab hun Rehuel amlogo o Midian mene a'nogoba ikhi logolik he, ”Nit he At Tuhan nen kweang hit wokhisagain iluk isikheba andoma logoino. Tuhan nen he it afuni Israel mene faget fano mene nek abok yagaisasikhe. Yagaisasikhemo re, niren hat hoba fanothobagagun enggere, ninom louwogo,” iluk yagatikhe.

BILANGAN 10:33

It afuni Israel mene nineisena Tuhan andom Sinai a'nogoba nen herakfisaluk inenggi henagan oba wagaukwa. A'nogo waga logolik, it inawi su mene wusugun oba obalik herasuogeluk peti Allah nen wene warogo wo'ninafikhe iluk hilingik a'nogo tak waluk waga lagaukwa.

LUKAS 2:8

Andem higit he, o Betlehem era'lukwe andoma, it ap wam konhu welagaikharek mene ekhe hubanggo inanggo konhu welagaukwa.

KISAH PARA RASUL 7:30

Andoma mondok logolik, hobuk 40 tahun welagaikhe. Were'ma re, malaikat Allah nen yonggo pelakfisa wagarek mene omanogo ekhe Musa nen eilenggen hoageluk, tom Sinai a'ma afuni inebe le'ma andoma pi wagaikhesik he, e panggi hangge mene anggele'ma nen endu amuilogen wialhunem elokhoma menlagaikhemo eilenggen hasikhe.

ULANGAN 1:2

(O tom Sinaiba andoma nen he, o Kades-Barnea wesuogoluk o Edom kwe nen waga logolik he inenggi 11 nen nogo ilik wagaikharek.)

ULANGAN 1:6

A'nogo ikhi logolik mel yagaisasikhe: ”Nit ninebe tom Sinai awe a'ma were'ma nineisena Tuhan Allah nen mel yaganisasikhe anggigi: Hit o tom awe a'ma yoma hinenggi hokhorogoat welagep.

ULANGAN 4:10

Hit hinebe nineisena Tuhan Allah elokhoma tom Sinai a'ma andoma mendek were'ma, andemat aren he, An yi'nogo yaganetikhe anggigi: ”It afuni Israel mene inebe ineluk logolik, An nane hologo hilingitik, it inagainafuri nen An nane hologo hilingiti logouwageluk yagaisigik, uageluk An nen hat yagahetunem inesanggo holuagen he, inebe andogorogo fisan o,” iluk yaganetikhemo andoget hinafigi anggigi.

HAKIM–HAKIM 4:11

Andem sambul he, at Heber unggulenu Keni mene afuni at unggulenu mene herakfisaluk wulifikhesik, o tenda meneba e hei eroma o Zaanaim, Kedes horokhogo andoma wusi lagaikhesik welagaikhe. (Afuni inunggulenu Keni andi re, ap enu Hobab Musa ombasi andi nen tagomangge mene.)

1 SAMUEL 16:11

A'nogo yagatikhesik, ”Hat hagainafuri ap inebe ya ara?” iluk heinok wokhasikhemo, at Isai nen he, ”An namlogo elabo mene ekhe werek meneat he, wam domba waluk lagasik konik nikho o,” iluk yagatikhe. A'nogo yagatikhemo, at Samuel en he, ”At andi oan wagi'lek werek kwelek, nit wam isago nogoin mondok lego, andi nen he, ayonggo ap ekhe lakfisan o,” iluk yagatikhe.