KELUARAN 28:9 - Allah Wene Fano Wene Hupla Inane

^9-12 Helep delima pire ogo wanimbik he, ap misik mene emas hesesengge wanhu mondok elu mene herasimbik, aren helep andi ebene hun Yakub againafuri aremnogo inenu inebe umur ta'lagaukwa higithogo hesesengge waganogo palogo fouwageluk hera'no. Herasimbik he, helep ekheba inenu 6 en palfeino, nen ekheba 6 enat palfeino. A'nogo hilingfuluk he helep pire aremnogo esanggobenere emas meneba selebenet fuluk he, it inunggulenu 12 nen a'nogo eberek logouwageluk su efod andi a'le inomoloba enegenggerogo iluk kologo feino. A'nogo hilingisugun andiba re at Harun nen it inenu a'nogo omoloba waluk lagunem, An Tuhan nen it inebe faget hundik-handik eberisugu mondok logogin.

KELUARAN 28:9 ပူးပေါင်းရင်းမြစ်များ

KEJADIAN 2:12

O andoma re, emas fano mene inom, amusu amben fano mene inom, helebenggen hombonu onggo hokho mene inom, ero o andoma mene wanharek oba.

1 TAWARIKH 29:2

O Tuhan Awi andi faget o ebenengge inom, elonggokwe faget inom he an nen hilingisu elok meneba re mondogat foukhogo figimo werek. Fougerati mene andi ebe re: emas, perak, perunggu, besi, helep onggo werek mene enu permata andi mene, elokhe yinik-hunik ebene labetu mene faget inom, nen helep pualam mene mondok hokhorogo tukhogo figimo werek.

2 TAWARIKH 2:7

A'nogo hilingi'mo re noe, at an neisena Daud en it ap Yehuda inap inom Yerusalem inap inom yabu hilingiti logouwageluk wenagaisogo fisasikhe mene oma yabu hilingiti logouwakhogo re noe haren ap misik ekhe emas inom perak inom perunggu posiemanggen meneba elalherek elu mene inom, nen aren su kain eil pogot eil hak mene inom, eil unggu mene inom, mep mene inom, selebenetu elu mene ekhe lakfei we'no.

AYUB 28:16

Emas inom permata inom onggo mondok hokho mene ogore inendawinggen wenggelagarek mene andi re inom higirabesu elo'legat.

KELUARAN 25:7

helep onggo mondok hokho wanharek mene inom permata eil yinik-hunik mene inom, su efod inom, su andire ebe inenggile hilingik lek inomolo togok menere kain fano mene eil amu-amu hilingik engge onggo hokho meneba hunisogo ugungge. Su ugu andiba re, ele hilingi'mo enu Urim inom Tumim inom, imam en Allah endawimo anggili'lago mene nelu asuageluk hilingiti lagaikhe mene oba eratu mene faget inom at Imam lego mene amik salek mene a'nogoba mintatu mene faget inom andoma waluk fei wesugun.

KELUARAN 28:20

Asiok enggaminogo nek meneba re helep pirus, yakut, ratna cempaka meneba to'mot feino. Permata nesanggo nen andi re no emas oba puget feino.

KELUARAN 28:36

Alilingge emas mondok fano meneba hilingfuluk he ebene hesesengge wokfikhi logolik ane yi'nogo wokfeino, ’Tuhan obaget enekhogo werek,’ iluk wokfeino.

KELUARAN 28:8

Ban misik inobakhe pugetu mene re, yo eil sakhorek lalek meneba su kain mene eil pogot hak mene inom, eil hal-hali warek mene inom, eil mep hak mene inom, yo emaseil hak mene inom, yo lenan sakhorek mene inom, oba su efod andi inom eil misik higit asuageluk kwat fogoin.

KELUARAN 31:5

helep permata fano talagarek mene faget man oba al wasuageluk inom; eba hesesengge wanuageluk inom, nen yi aple ti aple enggiba nen ambelal weak hilingisuageluk inom, hebelek mene wogetigi.

KELUARAN 39:13

Asiok enggaminogo nek meneba re helep pirus, yakut, ratna cempaka inom. Helep 12 nen andem he no emas oba nek fanorogo puget fesukwa.

KELUARAN 39:6

Iren he helep delima mene matukwasik he emas unggut hilingisogo hilingik meneba henatukwa. Iren he inenggi we mondok pugun-paganhogo helep aremnogo ebene re hun Yakub againafuri inebe 12 nen aremnogo inenu hesesengge waganogo fesukwa.

KIDUNG AGUNG 8:6

Enggere an nebe yi re hat hendawinggen tulem mene hilingnabin o, Amu mene ekhe inoba hendawinggen tulemhogo logou fuk, we an namu nek pukhogo fetnarek logoino. Nendawinggen ninggerek mene andi re wa'lagaikhare'ma pagarek andi higit omame mondok werek, nen inoba aganhan eterek mene andi re endu wabunak ninggi logolik amulok lagaikherek andi hak hilinginaferek.

YESAYA 49:16

Yerusalem, An he hat hoba eberek mondok welagi o, Hat henu re An nenggi aguroba palogo figimo werek.

YEHEZKIEL 28:13

Hat hebe re o Eden, Allah eabu yagoma welagagin. Hasu re, alilingge elokhe yinik hunik mene, helep permata onggo hokho mene: Helep delima inom, intan, topas inom, helep pirus helep yakut, ratna, cempaka inom, helep nilam, zamrud inom, helep alkali eil mene inom, meneba porogo wurik mene welagagin. Hangge halilingge emas mene ogo hokhorogo welaga. Hangge yi mene ti mene andoma re hat hobaget hebe walhafigi sambul andi elalhigi mene.

ZAKHARIA 9:16

Linggene andi sambul weinam asi wagunem, ap gembala nen inanggo domba telogo fagarek hak, An Tuhan nen nagainafuri inagap telinabigin. It he An Tuhan nanggweangma andoma nen mahkota permata eil amuilit mondok tibelenggeterek andi hak, hilingik logogun.