KELUARAN 28:4 - Allah Wene Fano Wene Hupla Inane

⁴ Iren he su amik oba sebelek mene enu efod inom, su jubah endakwe laberek mene inom, ebe su inenggi nen selebensek mene inom, ungguloba puksek mene inom, karisilak itu mene inom kwasuageluk yagaisano. Su andoma re hat hoe Harun faget inom at againafuri inobaget inom, iren inebe imam logolik An nobaget hilingiti logouwageluk palugun.

KELUARAN 28:4 ပူးပေါင်းရင်းမြစ်များ

2 SAMUEL 6:14

A'nogo noletikhesik wagaikhesik he, at Daud su linen horok mene obakhe hele pukhogo homakfesikhesik, wuni eisena Tuhan fogararik agaiyekhogo warik wagaikhe.

KELUARAN 25:7

helep onggo mondok hokho wanharek mene inom permata eil yinik-hunik mene inom, su efod inom, su andire ebe inenggile hilingik lek inomolo togok menere kain fano mene eil amu-amu hilingik engge onggo hokho meneba hunisogo ugungge. Su ugu andiba re, ele hilingi'mo enu Urim inom Tumim inom, imam en Allah endawimo anggili'lago mene nelu asuageluk hilingiti lagaikhe mene oba eratu mene faget inom at Imam lego mene amik salek mene a'nogoba mintatu mene faget inom andoma waluk fei wesugun.

KELUARAN 29:6

Andi nen unggul oba kware-kware alilingge emas meneba, ’Tuhan obaget enegenggerogo werek,’ iluk palegengge a'nogo puget feino.

KELUARAN 39:28

inunggulmo salhu mene inom, inunggulkwe pugetu mene inom, su celana horok mene inom,

YESAYA 11:5

Yi'nogo ti'nogo hilingiti logolik, Aren higithogo hilingitik, tiphogo hilingitik, ikhi logogin.

YESAYA 59:17

Aren he katokhogo hilingitu mene inom, inagap telhu mene inom a'nogo re, su posiemanggen mene hangge hilingisogo figik, nen, unggul topi re baja mene hangge hilingisogo figik, ikhe. Aren he, it inebe hilingik mene andoma halfisigik, katokhogo hilingitu lek mene andoma unggum wogisigik, hilingisigin iluk wenggelhe.

HOSEA 3:4

A'nogo yagatigimo At Allah nen he, ”Andi hagat afuni Israel mene inenggi hokhorogoat inoe enupogot inom, inogogwi kaindek at enggi ebekwe mene inom, le'ma logolik, wam warogo An nolnetik, afuni inalik hilingik mene oba himbirik logouwogeluk menegeisogo figik, tugwi kembu fisogo welagik, hobuk hilinglasigin mene faget inelu asuageluk hilingitarek mene fisogo welagik, ikhi logogun lego.

EFESUS 6:14

Hinom yabubagaigen ikfuluk mendek logogun he, ebe re yi, mul pagaluk isu hak, wene ebe wene andiat itik, hinamik oba labesu hak, Allah endawimo amolo mene nek hilingitarek andi mene itik,

1 TESALONIKA 5:8

Menere, nit selek oba welagorek mene yi, ninobabut hebelogo logolik he, afuni ekhe nen inoasinogo iluk sing inobakheba itarek hak, ninendawinggen Allahba himbirik logolik, afuni inebe ninendawirogo welagorek andi meneat ikhigik, inungguloa'ma inoasinogo iluk inunggulasu haro mene salharek hak, Allah nen telogo fanotninabigin iluk ninendawinggen fano welago andi meneat saligik ikhi logouwogo.

WAHYU 9:17

A'nogo holhiri'mo nen, hobuk wam kuda inom, afuni amboroba hurek mene inom, nabikanggoba yethigi. It andi inamik oba su sing itarek andi hak ugu were'ma isigi. A'nogo isigi andi re, it ekhe inasu elokhonggen endu amulok hangge mene ugu, nen, it ekhe, inasu pogot elokhonggen muli hangge mene ugu, nen, it ekhe inasu elokhonggen wei aborok hangge mene ugu, nen, inanggo kuda omanogo ungguloak he, mene olomene enu singa andi mene ungguloak hangge. Nen, inambelema nen he, endu inom, so'le inom, hendali al hangge amben weak mene enu belerang andi mene inom, wulibi waga laga.

1 SAMUEL 2:18

It a'nogo hilingitu kwelek, at Samuel ebe oan yenggeregat logolik, nineisena Tuhan faget hilingitu welagaikhe. A'nogo hilingiti logolik, asu pisarek yo linen meneba kwago mene ap imam Allah faget hilingisuogeluk labetarek higithogoat laberogo hilingiti lagaikhe.

1 SAMUEL 22:18

Andiba re, Saul en hun Doeg oba yagati logolik he, ”Weak-weak haren it inoasin!” iluk yagatikhemo, at Doeg a'nogo weak-weak siakhogo menla'luk laga logolik he, it imam omanogo mondogat inoatikhe. Linggene andi sambul he aren it imam mene inami'mo walimo hak mene enu efod elok isu hak mene inebe lambulogore 85 nen inoatikhe.

1 SAMUEL 23:6

Nen at Abyatar ap Ahimelekh amlogo a'nogo heise Daud ambit waga logolik omanogo re aren it imam inami'mo walimo higit poti lagaikhe mene enu efod a'nogo waluk wagaikhesik he, at Daud oba o Kehila were'ma waluk wagaikhe.

1 SAMUEL 30:7

A'nogo hilingitu logolik at Daud en ap imam Ahimelekh amlogo Abyatar a'nogoba ikhi logolik he, ”Efod andi waluk eme o!” iluk yagatikhe. A'nogo yagatikhemo at Abyatar en efod a'nogo waluk wogosi wagaikhe.