KELUARAN 28:3 - Allah Wene Fano Wene Hupla Inane

³ It ap su kwari'lagwi mene an nen mondogat ineluet fisigi inap andoma wolinabimbik he, at Harun an nobaget enekhogo ebe imam asimbik logolik An nobaget yabu hilingiti logouwakhogo iren asu kwasuageluk yagaisano.

KELUARAN 28:3 ပူးပေါင်းရင်းမြစ်များ

KELUARAN 35:10

”It ap yi mene ti mene hilingisuageluk futfuluk higithogo hilingiti logolik inenggi pugunsek mene ekhe hinaggele'ma nen heragaisogo fisambik Tuhan nen yagaisasikhe mene higithogo wusugun mene re yi:

KELUARAN 35:25

It hemi su selebenetu aple inafe hebelek mene nen he yo lenan eil sakhorek mene inom, wol pogot eil hak mene inom, eil ungu mene inom mep mene inom, iren selebenetukwa.

KELUARAN 35:30

Hobuk a'nogo hilingi'luk at Musa nen afuni Israel mene inoba ikhi logolik he, ”Tuhan nen he ap Bezaleel hun Uri amlogo Hur omba unggulenu Yehuda mene a'nogo wenagaisogo fesikhesik he,

KELUARAN 35:31

Allah Areagun a'nogo at oba louget fesikhe. A'nogo louget fesikhesik, At Allah nen wenggelogo hilingitu mene wogetik, yi aple ti aple enggi pugunhogo wutu mene wogetik, yi mene ti mene walhaluk pugunetu mene wogetik,

KELUARAN 35:35

It inoba re, helep pugetu aple inom, e tilong folelhu aple inelu mene inom, it su kain eil sakhorek mene inom, wol eil pogot hak mene inom, eil ungu mene inom, eil mep mene inom, su kain amu mene inom oba su kwasuageluk wene lenggalhik, ebe kwatik, hilingitu mene wogisigik isikhe. It inebe re, ekhe mene ekhe mene hilingisu hagenek logolik, yi yabu ti yabu elok hilingisu hagenek welagaukwa.

KELUARAN 36:1

Hun Bezaleel inom, Aholiab inom, it fena yabu o wutu aple inelu mene Tuhan en hebelek mene wogisigik, yi mene ti mene hilingitu aple faget ineluet fisigik, isikhe mene omanogo re, O Tuhan Awi Sabu a'nogo faget wusugun mene faget mondogat inelu agaikhe. Iren he Tuhan en yi'nogo ti'nogo hilingisugun iluk wene melalogo yagaisikhe higithogo nek hilingisugun,” iluk yagaisasikhe.

KELUARAN 36:2

At Musa nen he, hun Bezaleel inom Aholiab inom, ap fena Tuhan nen At awi wusuageluk ineluet fisasikhe mene omanogo inom, it inendawi fano nen leberinafi lagaukwa mene omanogo inom, wolinafukwasik erora'ni iluk yagaisasukwa.

AMSAL 2:6

At Tuhan nenat inendawinggen kagalek mene wogisikherek, nen Arenat afuni inelu agarek mene inom, wenggelharek mene inom wogisikherek.

YESAYA 11:2

A'nogo weinam asumo re Tuhan Omameba hilingirik lagunem, at endawinggen kagalek mene logolik melalinafik, higithogo hilingitik, wene katokhogo tegetik, Allah endawimo anggikherek mene hilingitik, ikhi logolik At oba tiphogo nek hilingiti logogin.

EFESUS 1:17

Hit faget he, Tuhan Yesus Kristus eisena Allah fogeratu mondok welagaikharek mene a'nogo nen, hinendawimo mondok kagalek mene wokhisigik, at ebe furogo futfobagaigen iluk yagahisigik, ikhi logouwagen iluk, Areagun wokhisoageluk ayonggo fikhi lagi.

ULANGAN 34:9

At Musa a'nogo wa'lagaikhemo, Tuhan nen Yosua ap Nun amlogo a'nogo Musa nen at obulu'mo menfesikhe andi nen he, yi mene ti mene oba heilarogo wogisagarek andi hak, endawinggen kagalek mondok logouwagaluk hilingisogo fesikhe. A'nogo fesikhemo, it afuni inunggulenu Israel mene at Yosua ane hologo logolik, nineisena Tuhan nen, Yi'nogo hilingiti logoino, ti'nogo hilingiti logoino, iluk at Musa yagatikhemo it yagaisasikhe mene andi higithogo hilingiti lagaukwa.

YAKOBUS 1:17

Nineisena Allah pogoroba mene a'nogo nenat yi mene ti mene fano mene wo'nisigik, mondok higit mene pela'nisa wagik, ikherek andi. Arenat pogoroba selek welagarek mene andi elalhikhesik he, at ebe hunogoat hilinglagik, obabut munenogo mum agik, selek agik, ikherek lek.