KELUARAN 27:9 - Allah Wene Fano Wene Hupla Inane

⁹ A'nogo isikhesik ekhe ikhi logolik he, ”An naiba sabu wurik mene o solombonma ambe pale'ma andoma re kain wurilik mene yo eil sakhorek meneba ugu mene andiba maserogo kwelakfeino. Su wurilik mene andi abel selatan fikhit he ebe uanhogo re 44 meter oba hilingfuluk he,

KELUARAN 27:9 ပူးပေါင်းရင်းမြစ်များ

1RAJA-RAJA 6:36

A'nogo fesikhesik, o Tuhan Awi andi senggelek endakwe mene a'nogoba haningisogo andoma re, helep sab henagan talogo lakfigik, nen helep andoma ambolebene re e wombi hangge enu cemara o Libanon meneba asiok misigat wutik, sab palhigik e inom helep inom wurik lagasikhe.

1RAJA-RAJA 8:64

A'nogo hilingiti logolik, enggi andi sambul at Salomo nen Allah awi wuri'mo elokhoma higit o sili hilingitikhe mene andi heirogo tulem hulirogo Allah faget fisasikhe. A'nogo hilingiti logolik, at faget wam sapi ebe noletik, sumburu gandum mene noletik, Allah ninom lambulogo iluk anggo ebe waretukwa mene sei noletik, isikhe. Wam, yi mene ti mene Allah faget noleti logogin oba mezbah wutikhe mene a'nogo obalik keloksek welagaikhemo re, andoma mondogat he, o silimo nen noletikhe andi.

2 TAWARIKH 33:5

O Tuhan Awi wurik mene a'nogo elokhoma fena-fena aremnogo re hesagalenggen faget wam warogo noletuba iluk mezbah ekhe wutikhe.

2 TAWARIKH 4:9

At raja Salomo nen ogore it ap imam inobaget ambe elokhoma elonggo fikhit ekhe, endakwe fikhit ekhe hilingitikheat. Kwe sou ebe ambe pire andem oba ekhe hilingi'luk ekhe hilingi'luk welagaikhe mene andi re no perunggu ba to'morogo wutikhe.

MAZMUR 100:4

Hit hinebe nineisena awi ambe palek oba andoma kwikhi logolik he wuni hai watu awuniba ilik kwi waga logoino, At awi solombon ambe palogo wurik oba andoma kwikhi logolik he Wuni fogeratarek awuni warik kwikhi logoinoat. Hiren he At enek legeisogo fikhi logolik fogerati logoino.

MAZMUR 84:10

Hat neisena Allah nen he, nit ninoe raja enggiba welagorek mene, Haren wenatigin mene andi at ebe fanot fikhi logoino. Hawe a'ma fikhi logoino.

MAZMUR 92:13

Afuni inobabut higithogo nek hilingitarek mene and re e kurma asimit lagaikherek higit welagik, nen e sin o Libanon nen mondok muli-muli wiliferek andi higit welagik, ikhi logogun.

KELUARAN 27:10

no perunggu oba langoak hilingik mene ebe 20 nen oba hambuget feino, nen abirengge andem he perunggu mene nek he, talhu mene feino, nen kwaliok inom, kolhu mene inom he, perak meneba nen hilingfeino.

KELUARAN 35:17

kain o senggelek ebekhalem afuni andogotuba a'nogo faget mene inom, e menfugu mene talhu mene inom, kwe ambe hokho mene o senggelek ebekhalem a'nogoba kain kolhu mene inom,

KELUARAN 36:17

Nen kain attak mene andi wurep oba re anggwe kolhu mene 50 nen eisel figik 50 fena re kain pirenek meneba eiselfigik isukwa.

KELUARAN 39:40

kain wurilik mene afuni andogotarek oba a'nogo faget inom, e liabek mene inom, talek mene inom, su wurilik mene kwe ambe pale'ma kwi waguba a'nogo faget mene inom, inom kolhu mene faget inom, O Sabu faget pebuk telhu mene inom, yi mene ti mene O Sabu andi faget hilingitu mene inom,

KELUARAN 40:33

O Sabu su mene wurik andi inom, yi mene ti mene Allah faget warogo endu noleti logogun mene andi inom, esanggokwe mondogat haningisogo leget higit su wurilogo kolhigik fesikhe. Fesikhesik, kwe ambe palek oba andoma su mene kolhigik pelabi wagaikheat. O a'nogo wutikhesik, arat eil hondologo wutikhe andi.

KELUARAN 40:8

Andi nen kain esanggo wurilik mene re, O sabu andi ambe pale'ma tegelek logogin oba elokhoma andoma haningisogo kolik lambik he, kwe sou hokho mene andiba hulirogo re kain kwe palengge kologo filik lano.

YEHEZKIEL 40:14

Aren he nekherogo ambe hokho mene andi ogore ilirengge waleteat: Uanhogo re sepuluh meter en. Ambe andi faget ebekhe andi re Tuhan awi wuri'mo nen he ambe elokhe fikhit mene a'nogo abel takwe fikhit welaga.

YEHEZKIEL 40:17

Andi nen ap a'nogo nen Tuhan awi wuri'mo elonggoma nen solombon endakwe fikhit mene a'nogoba wo'narek wulife. O Tuhan awi wurik mene andi hobat era'lukwe maserogo omanogo re o senggelek 30 nen hulithigik wurik welaga. O solombonma andoma elokhe kwe re o hulu helep meneba talogo

YEHEZKIEL 40:20

Andi hilingfuluk ap a'nogo nen kwe ambe utara fikhit mene a'nogo endakwe fikhiren elonggokwe fikhit kwi lagaikharek mene a'nogo ilirenggetikhe.

YEHEZKIEL 40:23

Kwe utara fikhit hilingik mene a'nogo inom elokhe hilingik welaga mene re, kwe ekhe amu mene ambe elonggoma mene a'nogoba kwi lagaikharekwe were'ma re, kwe andi abel timur fikhit hilingik aremnogo inom higithogo nek hilingik welaga. Ap a'nogo nen kwe ambe pire aremnogo ekhe nen ekheba hilingik mene faget he 50 meter en ilirengget fikhe.

YEHEZKIEL 40:28

Andi nen ap a'nogo nen an wo'narek kwe ambe selatan fikhit a'nogo nen he ambe elonggoma meneba kwi laga. Kwilagasik he kwe ambe selatan fikhit mene a'nogo ilirenggetikhemo nen he, kwe endakwe mene walet hikhemo hilingik welaga aremnogo higithogo nek hilingik welaga.

YEHEZKIEL 40:32

Andi nen ap andi nen an hondok narek he kwe ambe timur fikhit a'nogo bene nen kwi lagasik, o sili elonggoma meneba kwi laga. Aren kwe a'nogo ilirenggetikhemo re kwe ambe amukwe hilingik omanogo inom higitsek welaga.

YEHEZKIEL 40:44

Nen ap andi nen an wo'narek ambe elonggo fikhit meneba omanogo lagasik, andoma re ambe pire were'ma ekhere kwe sou abel utara fikhit mene a'nogo era'lu were'ma elokhe re selatan fikhit hilingik welaga. Nen ekhe re kwe sou selatan fikhit mene a'nogo era'lu were'ma elokhe re utara fikhit hilingik welaga.

YEHEZKIEL 42:3

O wurik andi nen esanggo misik he elokhe o wurep lisogo kwe wurik mene a'nogo fikhit hilingi'mo, sabiarogo re sepuluh meter en, nen esanggo ekhe re elokhe ohulu helep meneba endakwe wurik a'nogo fikhit hilingik welaga. O wurik andi re tiga tingkat hilingi'mo, sap palek mene andem ebe lombok tum fikhit he higilogo elonggoma kwelabe'ma re o fem a'ma mene andi nek he wogologo wulabek welaga higi.

BILANGAN 3:26

su wurilik mene O Sabu Senggelek Hore'ma a'nogo huli'lipsek mene inom, su porogo pelabe'ma a'nogo inom, warogo nolhuba mezbah a'nogo inom faget halhu mene welagaukwa. Iren he no andoma faget yabu hilingiti logouwageluk eiserogo welagaukwa andi.

BILANGAN 4:26

kain wurilik mene inom hele inom O Senggelek Horek mene a'nogo faget O Sabu era'lukwe inom mezbah era'lukwe werek mene inom, kain kwe ambe hokho meneba werek mene inom, yi mene ti mene kain andoma kelhu mene faget mondogat inom, waluk laga logouwageluk miminginafikhe. It andi re yabu ariginik mene andoma faget eiserogo logouwageluk fisasikhe.

BILANGAN 4:32

Andi nen fena re, O Sabu a'nogoba nen maserogo ambe elokhe kwe andoma menfugu mene inom, talhungge mene inom, pebuk telhu mene inom, hele inom, yingge-tingge O Sabu andi faget hilingitu mene omanogo inom, waluk laga lagaukwa. It inebe lombogen he, wanuageluk wogisugu mene omanogo higithogo waluk laga lagaukwa.