KELUARAN 27:3 - Allah Wene Fano Wene Hupla Inane

³ Kuali inom, sekop inom, mangkok inom, garpu inom, endu obalik inom puguneti logolik abirengge andoma re, no perunggu meneba saplirogo hilingi'no.

KELUARAN 27:3 ပူးပေါင်းရင်းမြစ်များ

1RAJA-RAJA 7:40

At Hiram en he kuali inom, sekop inom, i hinagaisogo nunggu mene inom hilingitikheat. Andem mondok hilingitikhemo nek he yabu aren raja Salomo faget inom, o Tuhan Awi faget inom hilingitikhe mene a'nogo arat kobokhogo hilingitikhe. Aren hilingitikhe mene andoma mondogat enu re yi: Tiang pire hokho mene andem inom he, tiang pire andem ambisangma sebelek mene mangkok ilirenggerek mene hilingisogo fesukwa mene andem inom he, Senggan posiemanggen mene tiang mendek mene aremnogo unggulkwe lombok fesikhe mene inom. Delima enggen perunggu mene 4.000 nen mene re pire erarogo senggan igisogo tiang pire mendek mene aremnogo unggulmo fesikhe mene inom. Kereta 10 nen inom. Waruk hokho mene 10 nen inom. Waruk kweang oba perunggu mene elalek engge inom. Sapi perunggu mene 12 nen engge waruk andi lego mene inom. Kuali, sekop, mangkok inom hilingitikhe. Yi mene ti mene o Tuhan Awi andi faget at Hiram en raja Salomo obaget wutikhe mene andoma re, no perunggu meneba nen enek hilingitikhesik abulal waganogo hothunem en he amulit weak hilinglagaikhe.

2 RAJA-RAJA 25:14

A'nogo waluk laga logolik, yi mene ti mene waluk lagaikhe mene ebe yi: Sekop inom, wusokot wam yi mene ti mene Allah faget nole'luk wul earogo wanhi lagaukwa mene inom, yi esage ti esage ibilhi lagaukwa mene inom, mangkok, wam, sue, paik, Allah faget wa'luk senggelogo noleti logolik amep keralogo fikhi lagaukwa mene mondogat inom, mangkok yi mene ti mene amben fano mene Allah faget noleti lagaukwa mene kwalek welagaikhe mene inom, tembaga mene ekhe Allah faget hiligisuogeluk wanhi lagaukwa mene mondogat inom waluk lagaukwa.

2 RAJA-RAJA 25:15

A'nogo waluk laga logolik, yi mene ti mene no emas, perak meneba hilingik mene inom, mangkok endep-endebengge mene inom, piring endu enggen earogo wanhi lagaukwa mene inom, at Nebuzaradan ebe nen waluk lagaikhe.

1 TAWARIKH 28:17

Andi nen emas mondok fano mene aling legengge aik suap hak engge garpu inom, mangkok i hinatungge inom, waruk endep-endebengge wutu aple inom, piring talengge wusuogeluk emas, perak inom wanhi logogun mene faget inom,

2 TAWARIKH 4:11

Hun Huram it yi mene ti mene elalhu mene faget kepala welagaikhe mene a'nogo re, aren raja Salomo inom wene watukwa aple higithogo, o Tuhan Awi faget yi mene ti mene mondok fik-foukhogo hilingfesikhe. Aren wutikhe mene andi re, kuali inom, sekop inom, mangkok inom, hilingitikhe. Nen, aren hilingitikhesik mondok fik-fouget fesikhe mene andoma ebe re yi: Timuk hokho mene ebe pire Timuk andem amboloba hut fugu mene faget obabut mangkok hak mene ebe pire wutikhe. Posiemanggen mene sep hun-hun elangegengge engge timuk andi ambisangma igisogo fesukwa. E delima enggen perunggu meneba ebe 400 erathigik mindagongge a'nogo re timuk pire aremnogo ebe lombok wurep oba masethigik fesikhe. Kereta 10 nen wutikhe Earek mene baskom hokho mene 10 nen wutikheat. Waruk tangge meneba taksek mene hangge bejana perunggu mene ekhe bejana a'nogo lego logouwageluk sapi perunggu mene ebe 12 nen wutikhe. kuali, sekop, garpu inom wutikheat. At Salomo nen wene melalfesikhe mene higithogo, at Huram en Tuhan Awi a'nogoba logogin mene iluk no perunggu meneba, yugulhigik fesikhe.

KELUARAN 24:6

Wam sapi andi warogo senggelhukwama, amep at Musa nen keralhikhesik he, fenakwe loyang elema kwalfigik, fenakwe wam yi mene ti mene Allah faget warogo endu nolesugun oba amboloba kweisalhik, isikhe.

KELUARAN 27:19

O Sabu andi elonggoma andoma re yi mene ti mene logogin mene inom, o sabu andi faget e telhi logogun mene faget inom, nen su wurilogo kolhi logogun mene andi faget inom he perunggu meneba enek hilingisugun,” iluk yagatikhe.

KELUARAN 27:2

Amboloba a yuguk ebene andoma unggut higithogore andimuk mezbah andi inom misik asuageluk hilingfeino. Andoma mondogat he, no perunggu oba saplirogo hilingi'no.

KELUARAN 27:4

Kawat perunggu meneba igisogo e pia faget he, senggan 4 en mene pia andi unggut a'makwe fikhit kwelakfogoin.

KELUARAN 38:3

Andi re no kuali inom sekop inom, mangkok inom, andi nen garpu inom, endu nonggwalhuba obalik inom, hilingitikhe. Mondogat hilingitungge iluk hilingitekhe mene andoma re no perunggu meneba nek hilingitikhe.

IMAMAT 16:12

endu re, yi mene ti mene An faget warogo nolnetarek oba andoma mene lemesak oba endu enggen earogo hokhorogo wanimbik he, amben fano mene waluk fanorogo sagalogo wul hakhogo hilingfuluk inenggi pireba yinggilogo waluk he, An Nonggwarek Nawi hulumo hore'ma andoma kwikhi logouwago.

BILANGAN 4:14

Nen, andi amboloba re iren mezbah andiba hilingiti logolik hilingitungge omanogo fikhi logogun mene re: endu obuluk inom, garpu aik suap hak mene inom, sekop hak mene inom, waruk baskum inom fikhi logogun. A'nogo fuluk he iren agap mene eil sakhorek mene ekheba sebelogo fuluk he piagayo a'nogo hilingisogo fikhi logogun.