KELUARAN 27:2 - Allah Wene Fano Wene Hupla Inane

² Amboloba a yuguk ebene andoma unggut higithogore andimuk mezbah andi inom misik asuageluk hilingfeino. Andoma mondogat he, no perunggu oba saplirogo hilingi'no.

KELUARAN 27:2 ပူးပေါင်းရင်းမြစ်များ

1RAJA-RAJA 1:50

A'nogo hilingitukwama, at Andonia Salomo ebe ailo mondok hokho agaikhesik he, heise o nineisena Tuhan awi su mene wuri'mo wagaikhesik, yi mene ti mene Allah faget warogo noletarek oba obuluk hilingik mene onggut andimuk hilingik mene a'nogo enggi fakfesikhesik welagaikhe.

1RAJA-RAJA 2:28

A'nogo agaikhe mene omanogo faget Yoab esanggo hilhikhesik he at ebe Adonia ebikhit mene welagaikhe andi nen he ailo nek agaikhe. Oba nen he attak aren Absalom ebikhit mene welagaikhe le'mare, aren heise Tuhan Awi sabu salek oba omanogo lagaikhesik he mezbah unggut oba andimuk hilingik mene a'nogo senek logolik welagaikhe.

1RAJA-RAJA 8:64

A'nogo hilingiti logolik, enggi andi sambul at Salomo nen Allah awi wuri'mo elokhoma higit o sili hilingitikhe mene andi heirogo tulem hulirogo Allah faget fisasikhe. A'nogo hilingiti logolik, at faget wam sapi ebe noletik, sumburu gandum mene noletik, Allah ninom lambulogo iluk anggo ebe waretukwa mene sei noletik, isikhe. Wam, yi mene ti mene Allah faget noleti logogin oba mezbah wutikhe mene a'nogo obalik keloksek welagaikhemo re, andoma mondogat he, o silimo nen noletikhe andi.

2 RAJA-RAJA 16:14

Nen, Ahas eilenggen hasikhe re mezbah perunggu meneba attak wurogo Tuhan obaget iluk enogo fesukwa mene a'nogo re o Tuhan Awi wurik mene a'nogo nen hilingi'luk mezbah ket wurogo fesukwa mene a'nogo nen hilingi'luk tulem andoma were'ma hasikhe. A'nogo were'ma hasikhesik mezbah a'nogo re Tuhan Awi wurik mene elokhoma obuluk werek oba aremnogo nen waganogo re mezbah ket mene a'nogo were'ma abel utara fikhit andoma fei lagaikhe.

2 TAWARIKH 4:1

Raja Salomo nen he it ap yabu hilingitu inap omanogo nen warogo nolhuba obalik mezbah a'nogo no perunggu meneba ebe uanhogo ilirenggeti logolik he nunggulik mene re 9 meter oba, nen ligabek menere 4,5 meter oba wusuageluk yagaisasikhe.

MAZMUR 118:27

Nineisena Tuhan andi re Allah aro, At he endawinggen mondok lebeksek logolik, fanotninaferek mene Allah anggo warogo fisaluk noletarek oba andoma, engga sombologo ninenggim waluk ninebe erarogo maset houwogo.

KELUARAN 27:3

Kuali inom, sekop inom, mangkok inom, garpu inom, endu obalik inom puguneti logolik abirengge andoma re, no perunggu meneba saplirogo hilingi'no.

KELUARAN 29:12

Sapi andi amep henggi nen waluk he mezbah andi andimuk ebene andoma yugul feino, tindel asigin mene re mezbah a'ma fikhit ma'lima kweisal feino.

KELUARAN 38:30

Perunggu andem oba re Tuhan Awi Sabumo kwe sou hurogo lakfuguba obalik hilingitik, mezbah perunggu meneba senggan igisogo kwelafik, mezbah andiba hilingiti logogun mene faget hilingitik,

YEHEZKIEL 43:15

Fena henaganek mene yi re obalik Allah faget fugu mene nolhuba re, liabek uanhogo re dua meter en. Unggut enggaminogo aremnogo fena-fena andoma re andimuk hangge nganokhogo liabek welaga.

IMAMAT 16:18

at ebe wulibi wesimbik he, wam sue An faget warogo nolnetarek oba andi hosigiluk wesigin o. Wesimbik, sapi inom, kambing inom, amep endebat halok ekhe wanimbik he, mezbah oba andimuk fena-fena nganoksek andoma ebene wati logouwago.

IMAMAT 4:18

Amep fena fikhit he o Sabu elonggoma nen amben fano mene enu dupa nolhuba obalik wurik mene mezbah andimuk nganoksek mene a'nogo ebene wat fikhi logogun. Nen, tindurek he, warogo fei wagu mene nolhuba mezbah a'nogo o Sabu solombonma ebekwe kwi laguba andoma were'ma eisok erokwe kweisal isikhi logogun.

IMAMAT 4:25

Wat fuluk imam enggi tumen amep a'nogoba yugul haluk, mezbah unggut kwe andimuk nganoksek mene ebene aremnogo yugul fikhi logogun, nen, alinlan he mezbah a'nogo erokwe kweisal isikhi logogun.

IMAMAT 4:7

Mep a'nogo nen fena fikhit he o Sabu elonggoma nen amben fano mene enu duba noli kuguba obalik mezbah a'nogo andimuk nganoksek mene ebene watfuluk, fena abirengge re mezbah warogo nolhu men o Sabu elokhoma werek mene a'nogo eisok erokwe andoma kweisal isikhi logogin.

IMAMAT 8:15

A'nogo yagaisasikhesik, at Musa nen wam a'nogo warogo amep fena wanhikhesik he, amep a'nogo mezbah andimuk nganok se'ma unggut fena-fena omanogo mezbah andi re Allah faget tegelek mene logouwageluk enggi tum oba yugulogo watfesikhe. Nen, mep fenakwe omanogo re mezbah a'nogo erokwe omanogo kweisal isasikhe. Obalik warogo nolhu mene faget andi re mondok horek logouwagiluk a'nogo hilingiti lagaukwa.

ZAKHARIA 9:15

An nen it An nagainafuri mene eberogo nenat nawe a'ma ferinarek were'ma re, It inaselei mene inomame leget fisigik, Ap i sini'nuk palharek mene naluk inane kwetarek hak, iren weim elema nen ogo inane ngai-wai liafik, wam warogo amep mezbah ebene kweisalharek hak, andi higit it inaselei mene inamep kweisalhik, ugun o.

BILANGAN 3:31

Logolik he, iren e Peti Wene Warek elonggoma kwalegengge a'nogo inom, meja inom, lampu oak inom, mezbah-mezbah inom, O Senggelek Mondok Hore'ma a'nogo nen it imam en hilingitaregengge omanogo inom, kain o ambe Senggelek Mondok Hore'ma hulirogo kologo pelabek mene a'nogo inom, eisewerek logolik halhi lagaukwa. Halhi logolik, yi mene ti mene andomaba nen hilingitu mene faget eiserogo welagaukwa.

IBRANI 6:18

Wene hombuk palogo yagaisasikhe andi re, nit Allah awe a'ma kwi wago mene halok ninendawimo nen, ”Fanotninabigin,” iluk eberek welago mene ninendawinggen hambukhogo logouwageluk nirat yaganisasikhe. Abok igik, hombuk palhik, wene pire isikhe andem, niren he, Allah eranen ikherek mondok lek, iluk ninendawinggen hambukhogo logouwageluk yaganisasikhe andi.