KELUARAN 26:7 - Allah Wene Fano Wene Hupla Inane

⁷ O Sabu andi tum salugun mene faget he kain kambing esi mene 11 nen lebege'no.

KELUARAN 26:7 ပူးပေါင်းရင်းမြစ်များ

MAZMUR 45:13

It afuni o Tirus mene nen he, hat hobaget yi mene ti mene waluk kabogesi waga logolik, it inenggi werek inaben he hat hendawinggen wanugun iluk hilingisugun o.

KELUARAN 25:4

kain lenan eil sakhorek mondok fano mene inom, kain wol domba esiba ugu mene eil pogot hak mene inom, eil ungu mene inom, mep mene inom kain kambing esi mene inom andoma,

KELUARAN 26:1

”An Nawi Sabu andi wuti logolik he kain lenan yo eil sakhorek meneba kwago mene ebe 10 nen menere, yo domba esi mene eil pogot hak meneba inom, eil mep meneba inom, eil hal-hali warek meneba inom seleben ogo re, kain andi wurep ebene kerub ilirenggerogo andoma mondogat hilingi'no.

KELUARAN 26:12

Kain andi nen fena tindelogore O Sabu tenda ba salek andi ambolkwe andoma salfeino.

KELUARAN 26:14

O Sabu tenda andi endakwe sebelek mene faget he pire ekhe inomat hilingi'no, misik he domba ai mene agap oba amusu mep mene warogo nen ekhere agap serameak meneba hilingi'no.

KELUARAN 26:6

Kain pire andem misi'mo elugun watu aple faget he kolfugu mene emas mene 50 nen pugune'no.

KELUARAN 26:8

Abirengge andem he wurep higithogo nek lebege'no, nen unggut uanhogo re 13 meter en unggut wurilogo re 2 meter higik lebege'no.

KELUARAN 26:9

Palek 5 nen wurep misi'mo selebene'no, nen fena 6 en andem ogore a'nogo nek hilingi'no. Palek 6 mene elugun warek mene andire O Sabu tenda andi elokhe fikhit sebelek mene faget tulem pire sirogo hilingfeino.

KELUARAN 35:23

Nen it afuni fena nen su lenan eil sakhorek mene werek halok inom, kain wol mene inom, eil hal-hali warek mene inom, eil ungu mene inom, eil mep mene inom, su kambing esiba ugu mene inom, domba ai mene agap oba ugu mene eil mep meneba warek mene inom, agap sakhorek mene inom mondogat andoma fei wagaukwa.

KELUARAN 35:26

Fena re, iren wam kambing esi meneba yo lalogo itukwa.

KELUARAN 35:6

kain lenan sakhorek mene inom, kain wol eil hal-hali warek mene inom, ungu mene inom, eil mep mene inom, kain kambing esiba ugu mene inom;

YESAYA 4:5

A'nogo hilingfuluk he tom Sion oba afuni mondogat andoma kabogesugun mene inom he Tuhan nen linggene re ohena hilingfigik, nen hubanggo re endu so'le inom ombak-bak eterek mene inom hilingfigik igin. Allah onggwarek ebe nenat o kota andi sebelogo logolik along palogo fisogo logogin.

BILANGAN 3:25

Nen Tuhan Awi Sabu salek mene a'nogo halhi logogun mene faget he, it inunggulenu andi mene nen he O Sabu ebe inom, amboloba salek mene inom, kain solombonma werek mene inom,

BILANGAN 31:20

Inasu ebe lombok inom, yi mene ti mene agap oba hilingik mene inom, kambing esiba hea, e meneba hilingik mene hea, andoma mondogat horogo feino nek.” iluk yagaisasikhe.

BILANGAN 4:25

O Sabu andi salek mene kain elonggo fikhit inom takwe fikhit inom salek mene agap sakhorek meneba ugungge inom, kain O Sabu kweba werek mene inom,

1 PETRUS 3:4

Athe, hinoba fanorogo re, hinendawinggen faget hinago mene andi wanhi logoino. Andi re, hinobabut mondok logogin mene enago welagik, lioksek welagik, ikhi logoino o. Hinobabut Allah eilhanem a'nogo hilingitunem, at endawimo nen fano mondok anggikherek he andi aro.

1 PETRUS 5:5

Nen, andi hagat he, hit ap alage nagoromi. It ekhe nen Allah aneba mel isukwa: ”Afuni inonggwaregen fogerakhugunem, Allah nen inoasigeluk abit isikherego. Meneat he, inonggwarek inendawinggen sebelek logogun halok, endawirinaferego,” iluk lisu palogo fesukwama werek andi nen, hiren inaluendek inawe a'ma kuluk inane hologo hilingiti logoino o. A'nogo hilingiti logolik hit mondogat he, hinonggwaregen fogerakhigi'lek inawe a'ma logolik, hit ekhe nen it ekhe inamingmingengge welagik, iren hit hinamingmingengge welagik, ikhi logolik lebet-lebet ikhi logoino o.