KELUARAN 26:30 - Allah Wene Fano Wene Hupla Inane

³⁰ O Sabu andi re wusugun higithogo An nen yi'nogo wu'no iluk Tom yiba nen yagaheti higithogoat wu'no.

KELUARAN 26:30 ပူးပေါင်းရင်းမြစ်များ

1 TAWARIKH 28:19

A'nogo mondogat melalfisasikhesik, at raja Daud a'nogo nen ikhi logolik he, ”Mondok abirengge andi re, Tuhan nen yi'nogo hilingi'no iluk wene melalogo an nen hilingisuageluk wo'netemo hilingisugun mene iluk palek meneba mondok kwelabek werek andi,” iluk yagaisasikhe.

KELUARAN 25:40

Lampu andi eisok he An nen Tom yiba nen hat yagaheti higithogo hilingisugun nen he, fanorogo futfeino,” iluk yagatikhe.

KELUARAN 25:9

O Sabu inom, yingge-tingge o andi faget waluk wesugun engge andoma inom he, An nen yi'nogo hilingisugun iluk hat yagahesigin mene andem higithogo nek hilingisugun,” iluk yagatikhe.

KELUARAN 26:29

E oak mendek mene inom, e nunggulik tiagansek logogin mene inom, abirengge andoma re emas meneba nek saplirogo hilingisugun. E nunggulik senggan kolhigik fogoin mene andoma ogo re emas meneba hilingisugun.

KELUARAN 27:8

Obuluk mezbah andi re e kagalek mene elonggoma anggwe folelogo wusugun mene faget iluk, An nen tom yiba nen yagaheti aple a'nogo tiphogo nek wu'no,” iluk yagatikhe.

KELUARAN 40:2

”Tugi attak meneba tanggal misik oba werek kwelek andem he An Nawi Sabu ekhe wu'no o,

BILANGAN 10:21

Andi mondogat lagunem he, it ap Kehat mene re yi mene ti mene horek mene omanogo ha'luk laga lagaukwa. Nen it omanogo o sabu wusugun oba asi laluk halok he, o Tuhan Awi Sabu a'nogo tak wutfikhi lagaukwa.

BILANGAN 8:4

Lampu andi obalik inom liabek ambolkwe inom nen ebene ilirengge hakhogo walsek mene inom he emas pugunhogo sagalek meneba At Tuhan nen ilirengge kumutigik hilingisigin mene iluk Musa wogetikhe mene a'nogo kumuthigik hilingitikhe.

KISAH PARA RASUL 7:44

At Allah nen Musa yagati logolik he, An nebe ninom welago, iluk nawi o su mene yi'nogo wu'no, iluk ilirengge walethasikhemo, eilenggen hasikhesik, o ebe a'nogoat wutikhe. Wutikhemo ninombalak omanogo o su mene andiat fisogo logolik o leimo afuni le'ma nikhi logolik ya wutik, ta wutik, wurik nikhi lagaukwa.

IBRANI 8:2

A'nogo werek andi, Allah awi su mene afuni nen elama faget wutukwaba werek fuk. Lego. We, Allah onggwarek awi ebe mene wutikheba andoma logolik nit faget hilingiterego.

IBRANI 8:5

Allah nen he, ”Nawi su mene elama faget wutnobagain o,” iluk Musa yagatikhemo, ebe wusigeluk ugunem he, hobuk mel yagatikhe: ”An nemberek tom oba logolik, an nawi yi'nogo wutnobagagin o, iluk ilirengge walhogo inukhiigi a'nogo higithogo mondok wu'nogen he, hendawimo eberek mondok logoino o,” iluk yagatikhe andi hagat, it ap Allah eisewerek kweangma yoma logolik, ebe pogoroba werek mene oba litik, alik wanhik, agarek andi.

IBRANI 9:23

Kweangma yi mene ti mene mondogat horasugun mene horati lagaukwa andi, ebe pogoroba werek mene oba lirogo hilingiti lagaukwa. Meneat he, ebe mene pogoroba mene andi, wam warogo amep oba horasugun elo'lek andi nen he,

YOSUA 18:1

O kweang Tuhan nen abok wogisasikheba a'nogo mondogat sebeli lagaukwasik he, it afuni Israel mene a'nogo inebe mondogat o Silo kabogetukwasik, O Sabu Tuhan ebe waga logogin oba wutukwa.