KELUARAN 26:1 - Allah Wene Fano Wene Hupla Inane

¹ ”An Nawi Sabu andi wuti logolik he kain lenan yo eil sakhorek meneba kwago mene ebe 10 nen menere, yo domba esi mene eil pogot hak meneba inom, eil mep meneba inom, eil hal-hali warek meneba inom seleben ogo re, kain andi wurep ebene kerub ilirenggerogo andoma mondogat hilingi'no.

KELUARAN 26:1 ပူးပေါင်းရင်းမြစ်များ

2 SAMUEL 7:2

A'nogo logolik, ap Natan Allah ane yagaisikhi lagaikhe mene a'nogoba mel yagatikhe: ”Yethan, Allah nen Peti Wene Warogo wo'ninafikhe iluk hilingik mene a'nogo re we o tenda wuri'mo andoma figimo werek kwelek oba nen he, an enek he nawi istana e laik o Libanon alima agayoba nek wuri'mo welagingge yi!” iluk yagatikhe.

1RAJA-RAJA 6:29

A'nogo fesikhesik, o Tuhan awi wurik andi hobat ebene mondogat he elokhe fanorogo alilingge, kerub alik hilingitik, e kelapa hangge mene inom, e owil ukhalek mene hangge inom hilingisogo fesikhe.

1 TAWARIKH 17:1

At raja Daud a'nogo awi istana omanogo femhogo logolik he, linggene misik sambul he aren ap Allah wene yagaisikhi lagaikhe mene nabi Natan a'nogo woletikhesik yagati logolik he, ”An nebe re nawi istana e laik o Libanon meneba wuri'mo werek kwelek he, e peti Tuhan nen Wene warogo wo'ninafikhe mene a'nogo re we o tenda wuri'mo a'nogo nek werek andi han!” iluk yagatikhe.

1 TAWARIKH 21:29

Andem oba re, Tuhan awi sabu at Musa nen o leimo omanogo nen wutikhe mene a'nogo inom, wam warogo nolhuba obalik Mezbah a'nogo inom he, o Gibeon samban uogeluk kabogeti lagaukwaba omanogo werek kwelek hilingitukwa.

KELUARAN 25:18

Andi wuti logolik he kerub emas meneba mondok sagik-sagokhogo wuti logolik he,

KELUARAN 25:4

kain lenan eil sakhorek mondok fano mene inom, kain wol domba esiba ugu mene eil pogot hak mene inom, eil ungu mene inom, mep mene inom kain kambing esi mene inom andoma,

KELUARAN 25:8

An nebe nagainafuri andi inanggele'ma andoma logogin nen he, iren An nobaget O Sabu fano hore'ma ekhe wusuakhogo yagaisan.

KELUARAN 26:2

Su andoma ayuguk he, higithogo nek palfeino, nen unggut uanhogo re 12 meter nen unggut wurilogo re 2 meter hilingfeino.

KELUARAN 26:31

Kwe sou re kain lenan eil sakhorek mene domba esi meneba yo eil pogot hak meneba inom, hal-hali eil hak meneba inom, eil mep meneba inom, selebenhogo hilingi'no. Kain andi selebeneti logolik he, kerub ilirengget higik hilingi'no.

KELUARAN 26:36

O Sabu andi kwe sou oba kolek logogin mene faget he kain lenan sakhorek mene yo wol eil pogot hak mene inom, hal-hali eil hak mene inom, yo eil mep mene inom, oba lalek meneba hilingi'no. Hilingfuluk he, ebene re inenggi nen fanorogo alilingge liagaisogo hiling feino.

KELUARAN 31:7

An Naiba Sabu andi inom, Peti Wene Warek andi inom, sa'lip sebelek mene andi inom, o Sabu andi elonggoma werek mene inom andoma ebere,

KELUARAN 35:11

O sabu inom, engga salek mene enggi senengge fesengge hakhogo esin liabek mene inom e nunggulik senggelhu mene inom, talhu mene inom,

KELUARAN 35:35

It inoba re, helep pugetu aple inom, e tilong folelhu aple inelu mene inom, it su kain eil sakhorek mene inom, wol eil pogot hak mene inom, eil ungu mene inom, eil mep mene inom, su kain amu mene inom oba su kwasuageluk wene lenggalhik, ebe kwatik, hilingitu mene wogisigik isikhe. It inebe re, ekhe mene ekhe mene hilingisu hagenek logolik, yi yabu ti yabu elok hilingisu hagenek welagaukwa.

KELUARAN 35:6

kain lenan sakhorek mene inom, kain wol eil hal-hali warek mene inom, ungu mene inom, eil mep mene inom, kain kambing esiba ugu mene inom;

KELUARAN 36:35

Iren he kwe sou faget he, kain lenan eil sakhorek mene inom, yo eil pogot hak mene inom, eil ungu meneba inom, eil mep meneba inom saplirogo ugumo re, ambolkwe no kerub ilirenggerogo itukwa.

KELUARAN 39:3

Iren he emas mene al sagalhunemen enek mondok uan pilingisogo hilingfesukwasik libik-lebekhogo re yo eil serameakhogo hilingfesukwasik he, kain lenan sakhorek mene inom, yo eil hal-hali warek mene inom ungu mene inom mep mene inom oba seberogo itukwa.

KELUARAN 40:2

”Tugi attak meneba tanggal misik oba werek kwelek andem he An Nawi Sabu ekhe wu'no o,

BILANGAN 3:25

Nen Tuhan Awi Sabu salek mene a'nogo halhi logogun mene faget he, it inunggulenu andi mene nen he O Sabu ebe inom, amboloba salek mene inom, kain solombonma werek mene inom,

BILANGAN 4:25

O Sabu andi salek mene kain elonggo fikhit inom takwe fikhit inom salek mene agap sakhorek meneba ugungge inom, kain O Sabu kweba werek mene inom,

YOHANES 1:14

Ebe wene a'nogo abat agaikhesik ninomat welagagu. Ninomat logolik he, at ebe andi Allah amlogo misigat tago andi nen he, fogeratarek mene nineilenggen hasugu o. At obabut fano nen, fanorogo hilingninafik, wene ebe wene yaganisigik, ugu mondok were'ma nineilenggen hasugu.

YOHANES 2:21

A'nogo yagatukwa mene re, Yesus nen wene Allah awi wurik faget isikhe andi, o wurik mene faget isikhe fuk. At onggwarek ebe fagerat isikhe o.

IBRANI 8:2

A'nogo werek andi, Allah awi su mene afuni nen elama faget wutukwaba werek fuk. Lego. We, Allah onggwarek awi ebe mene wutikheba andoma logolik nit faget hilingiterego.

IBRANI 9:2

O andi hulu endakwe senggelek enu re, o hulu wesama u hak, Allah awi wurik ikhi lagaukwa. Andoma esage ibilogo fagarek mene inom, e meja talek sumburu Allah faget fisagarek oba mene inom, welagaikhe.

IBRANI 9:9

Wene andi, ebe yogondak hilingiri'logo mene faget alik waganek welagaikhe. Wene alik waganek mene andi higithogo hilingiti logouwageluk, sumburu inom, i inom, yi'nogo ninggi logolik, yi mene ti mene oba yi'nogo horati logogun, iluk Allah nen yagaisasikhe mene higithogo hilingiti logolik, inanggo Allah faget wareti lagaukwa andi, Allah nen wene ket ebe mene oan hilingiti'lek werek kwelek, kweangma elama faget logolik, alik waganogo hilingiti lagaukwa andi nen he, wene inoba lek iluk inendawimo katokhogo selegetfogoin elo'lek welagaikhe.

WAHYU 19:8

Agwe a'nogo ikhageluk, asu lenan kut elokhonggen sobalek amulit fano mene laberek logouwageluk wogetemo higi. Su fano andi ebe re, afuni Allah againafuri inobabut higithogo hilingitarek mene andi aro,” iluk ikhi lagaikha.

WAHYU 21:3

A'nogo higiri'mo nen, hobuk nesanggo holhi hak he, at Allah kain welagarek obuluk oba a'nogo nen, at ekhe ane hokhorogo ikhi logolik: ”Yethani! Allah afuni inom mondok logogin mene, awi a'li yethani! A'nogo logolik, it at againafuriat logogun, nen, at Allah it ineisena inendawinggen oba eberogoat himbirik logogun meneat logolik, inom mondok logogun o.