KELUARAN 24:8 - Allah Wene Fano Wene Hupla Inane

⁸ A'nogo isukwama, at Musa nen he, mep loyang elema kwalhigik fesikhe mene omanogo wanhikhesik, it afuni Israel mene inebene wat fisikhi logolik mel isikhe: ”Nineisena Tuhan nen wene komorogo, yi'nogo hilingiti logoino, ti'nogo hilingiti logoino, iluk yaganisikhe mene andi higithogoat, Allah nen mep yiba wene warogo wokhinafe o,” iluk yagaisasikhe.

KELUARAN 24:8 ပူးပေါင်းရင်းမြစ်များ

1RAJA-RAJA 8:21

A'nogo wutirik, Allah nen ninombalak o Mesir en woginarek waga logolik, Wene Warogo woginafikhe mene helep oba lisu palek a'nogo Peti elema kwalek a'nogo fogoin oba obuluk wuti aro,” iluk yagaisasikhe.

1RAJA-RAJA 8:9

Peti andi elonggoma re, yi mene ti mene ekhe kwale'lek, we, helep pire afuni inunggulenu Israel mene o Mesir en Kanaan wesuogoluk wagunem, nineisena Tuhan Tom Sinai ba nen wene Warisasikhe mene at Musa nen kwalogo fesikhe mene a'nogo nek kwalek welagaikhe.

MAZMUR 78:36

Oba nen he, iren At oba henarogo nek hilingitu logolik, it inane ugu mene ogore ineranhogo wene nek ikhi lagaukwa.

KELUARAN 24:6

Wam sapi andi warogo senggelhukwama, amep at Musa nen keralhikhesik he, fenakwe loyang elema kwalfigik, fenakwe wam yi mene ti mene Allah faget warogo endu nolesugun oba amboloba kweisalhik, isikhe.

YESAYA 52:15

Meneba nen aren hilingitunem afuni inunggulenu mondogaren foktiati logogun, raja-raja omanogore inoba fogimbik he inambe sop-sophogo logogun. Attak inonggothogo welagaukwa mene omanogore, iren ineilenggen hambik he futfogoin o.” isikhe.

YEREMIA 31:32

Oba nen wene An nen inombawi inoba o Mesir en woginarek wulibi waga logolik warisasigi mene andi higit he fuk. Iren An faget he hemi inaguni hakhogo hilingik welagagi, oba nen he An ninom wene watugu mene a'nogo iren taganhogo hilingiti lagaukwa.

YEHEZKIEL 36:25

Andi mondogat hilingfuluk hit hinebe hinanggembu oba nen inom nen yi weak ti weak hilingutunem hinebe emethinobagaikhe mene andiba nen inom An nen i eil wurik meneba sobalhinabigin.

IMAMAT 8:30

A'nogo mondogat hilingitikhesik, at Harun inom, amlogomi inom, it inasu inom omanogo Tuhan obaget tegelek mene logouwageluk he, at Musa nen it menfisageluk logolik kabogetukwasik amusu fena a'nogo inom, amep fena mezbah amboloba welagaikhe mene a'nogo inom wanhikhesik he, at Harun ebeba inom, at againafuri inebene inom, it inasubene inom kweterisilik lagaikhe.

HAGAI 2:5

Hit o Mesir en wulibi wagunem omanogo, An nen hit fethinarek logolik wokhinarek mondok nikhi logogin iluk wene wathisasigi mene a'nogo higithogo re yogondak ogo An nen nawe a'ma hinobagaluk fethinarek welagi hilingi'mo re, hiren hinendawi fisu fugo.

ZAKHARIA 9:11

An hineisena Tuhan nen nagainafuri inoba yagaisikhi logolik, An nen hit ninom wene wathisasigi mene a'nogo faget, Wene wam warogo fikhi logolik amep oba omamet fesigip oba, hit hinagainafuri hele warogo fisa lagaukwama enggin-fenggin hugu logolik ap i mogo habulik mene i ebe firitokse'ma hukhogo kwelabek logolik hilingitarek hakhogo werek mene andoma An nen fikhalogo wulaginabi wesigin.

MARKUS 14:24

Noageluk sumburisikhi logolik mel yagaisasikhe: ”Yi re An namep aro. Allah nen wene warogo wokhinabigin isikhe a'nogo, afuni hokhorogoat faget namep wulagaisogo noasugun andiba, ebe asigin o.

LUKAS 22:20

arat nasukwama nen he, iwak enggen amusu hinago a'nogoat wogisikhi logolik he, ”Yi re, an namep aro. Allah nen wene ket mene warogo wokhinabigin, isikhe a'nogo afuni hokhorogoat faget namep wulagaisogo noasugun andiba, ebe asigin o,” iluk sumburogo wogisasikhesik he, mel yagaisasikhe.]

1 KORINTUS 11:25

A'nogo wogisasikhemo arat nasukwama nen he, iwak enggen amusu hinago a'nogoat enggim wanhikhesik he, mel yagaisasikhe: ”Namep wulagaisogo wa'lasigin andiba Allah nen wene ket mene warogo wokhinabigin iluk isikhe andi, namep hinago ebe yi aro. Halok, yi'nogo ninggi logolik he, hobuk an noba eberek logobagaigen, yi'nogoat ninggi logoino.

EFESUS 1:7

A'nogo wo'nisasikhemo, ebe amep wulagaisogo watukwa andiba, ninonggo palogo telninafik, nit weak hilingiti lagagu mene legetfisigik, isikhe andi. At Allah endawimo kagalek logolik ninebe futninobagasikhesik he, obabut mondok fano a'nogo nen hokhorogo endawitninafikhe andi.

ULANGAN 5:2

Tom Sinaiba a'nogo nen he nineisena Tuhan Allah nen wene abok wene katokhogo yaganisikhi logolik he,

IBRANI 10:29

Andi hak, it afuni nen Allah amlogo meneat he, ineisogen al perelogo herakfisigik, Allah nen nit ninom hunesuogeluk Kristus wa'lagaikhe andiba amep oba fano horinafikhe meneat he, hobuk inendawimo nen sebelfigik, Allah obabut fano mene Areagun a'nogo inane asegen wokhigik, ugu halok he, wene mondok enggin mene inoba fembik weagerinabigin o.

IBRANI 13:20

Nineisena Allah lambulogo ninobagaikherek mene a'nogo nen, ninoe Enupogot Yesus wa'lagaikhemo nen ebe elugetfesikhe. At ebe amep wulagaisogo watukwa andiba, Allah nen wene mondok logogin mene warogo wo'ninafikhesik, nit mondogat Yesus nen anggo domba higit kwelakninarek logouwageluk ebe menfesikhe andi.

YOSUA 24:25

A'nogo isukwasik, o andi sambul at Yosua ebe inom, afuni Israel mene inom, o Sikhem andoma logolik, ”Yi'nogo hilingiti logouwok,” iluk wene amusu palogo isukwasik, at Yosua nen, wene Allah nen, ”Yi'nogo hilingiti logoino, ti'nogo hilingiti logoino,” iluk komotninafikhe wene inom, nen it afuni Israel mene wene palek oba louksek were'ma hilingiti logogun mene inom, wene ebe palek mene wogisasikhe.