KELUARAN 24:6 - Allah Wene Fano Wene Hupla Inane

⁶ Wam sapi andi warogo senggelhukwama, amep at Musa nen keralhikhesik he, fenakwe loyang elema kwalfigik, fenakwe wam yi mene ti mene Allah faget warogo endu nolesugun oba amboloba kweisalhik, isikhe.

KELUARAN 24:6 ပူးပေါင်းရင်းမြစ်များ

2 RAJA-RAJA 17:15

It Israel mene inom Yehuda mene inom he Tuhan en wene yi'nogo hilingi'no ti'nogo hilingi'no iluk yagaisasikhe mene omanogo hilingiti'lek, nen Tuhan nen wene it ineisugwi inom wat-wat agaukwa mene a'nogoba tiphogo welagi'lek hilingiti lagaukwa. It he Tuhan en a'nogo hilingusugun lek iluk komo wene yagaisugu mene a'nogo re fut figi'lek he, iren kembu weak mene omanogoba fogerati lagaukwaba it inebe inom weak arik laga lagaukwa. Tuhan nen a'nogo hilingisu fuk iluk yagaisikhi lagaikheba nen iren afuni inunggulenu amu mene it were'ma andoma maserogo welagaukwa mene nen hilingiti lagaukwa mene omanogo inobabut waganogo hilingiti lagaukwa.

MAZMUR 99:6

At againafuri imam he Musa inom, Harun inom, nen at Samuel he Tuhan oba samban ikhi lagaikhe mene. It andem en he Tuhan enu hombuk palhunem, Aren ane onggo yagaisikhi lagaikhe.

KELUARAN 12:22

Wani laluk warogo re, amep loyang elema keralogo fuluk he, musan hangge mene enu hisop engga misigenek keralek mene mep andiba yugul haluk he, kwe esanggo fena-fena e telogo liabek meneba watik, e nunggulik mene kwe ambe ambolkwe meneba watik, ino o. A'nogo hilingfuluk hubanggo o wei igi'lek werek kwelek hit ekhe hinaiba andoma nen wulibugun mondok lego.

KELUARAN 12:7

A'nogo warogo senggelhi logolik he, amep endebat ekhe wanimbik, o it inebe logolik wam nogoin oba andoma, kwe ebekhalem e fena-fena telogo liabek mene andem ebene watik, e kwe ambe ambolkwe meneba watik, ino o.

KELUARAN 24:8

A'nogo isukwama, at Musa nen he, mep loyang elema kwalhigik fesikhe mene omanogo wanhikhesik, it afuni Israel mene inebene wat fisikhi logolik mel isikhe: ”Nineisena Tuhan nen wene komorogo, yi'nogo hilingiti logoino, ti'nogo hilingiti logoino, iluk yaganisikhe mene andi higithogoat, Allah nen mep yiba wene warogo wokhinafe o,” iluk yagaisasikhe.

KELUARAN 29:16

domba andi warogo amep waganogo re mezbah unggut higithogo andoma kweisal feino.

KELUARAN 29:20

A'nogo hilingfuluk he domba ai mene a'nogo warogo senggelogo fuluk, amep endebengge waganogo re Harun againafuri inom inesanggo alimuk ebekwe inom, inenggi fuap ebekwe inom, ineisok fuap ebekwe inom oba yugul feino. Mep tindel asigin mene andoma re mezbah unggut higithogo andoma kwelsal feino.

YEREMIA 31:32

Oba nen wene An nen inombawi inoba o Mesir en woginarek wulibi waga logolik warisasigi mene andi higit he fuk. Iren An faget he hemi inaguni hakhogo hilingik welagagi, oba nen he An ninom wene watugu mene a'nogo iren taganhogo hilingiti lagaukwa.

IMAMAT 1:11

Fei we'luk ap a'nogo nen wam a'nogo mezbah abel poikwe fikhit andoma nen watfuluk he, it imam omanogo nen amep waganogo mezbah unggut higithogo omanogo ebene kweisalhi logogun.

IMAMAT 1:5

A'nogo hilingfuluk he sapi a'nogo re, o Sabu solombonma andemen watfuluk amep he at Harun nen tagomangge mene it imam omanogo nen waganogo Tuhan obaget fuluk he, o sabu solombonma omanogo nen Mezbah a'nogo unggut enggaminogo omanogobene kweisal hilik laga logogin.

IMAMAT 3:2

Fei we'luk ap waluk wagu mene a'nogo enggi wam a'nogo ungguloba sebel fugunem Tuhan Awi Sabu wurik oba solombonma aremnogo nen wati logogun. Nen, it imam at Harun ambisangma mene omanogo nen he sapi amep omanogo waluk mezbah unggut enggaminogo abel higithogo kweterisilik laga logogun.

IMAMAT 3:8

Andem waluk we'luk he ap a'nogo nen enggi domba a'nogo ungguloba sebel fuluk o Sabu solombonma andoma nen wa'no. Wat fuluk at imam en he amep waluk mezbah a'nogo unggut 4 aremnogo ebene kweterisilik laga logogin.

IMAMAT 4:6

Waluk kuluk he, at enggi tum mep a'nogoba yugul haluk mep a'nogo o senggelek obalik Mondok Hore'ma a'nogo su hulirogo kologo pelabek mene a'nogo elokhe fikhit andoma enggi 7 nen oba kweterisikhi logogin.

1 KORINTUS 11:25

A'nogo wogisasikhemo arat nasukwama nen he, iwak enggen amusu hinago a'nogoat enggim wanhikhesik he, mel yagaisasikhe: ”Namep wulagaisogo wa'lasigin andiba Allah nen wene ket mene warogo wokhinabigin iluk isikhe andi, namep hinago ebe yi aro. Halok, yi'nogo ninggi logolik he, hobuk an noba eberek logobagaigen, yi'nogoat ninggi logoino.

KOLOSE 1:20

Yi mene ti mene kweangma mene inom, pogoroba mene inom, mondogat Allah inom weak agaukwasik, weim palek hangge were'ma, at Allah onggwarek inom lambulogo fisasikhe andi ebere, Yesus eba menfuluk watukwama amep wulagaisogo wa'lagaikhe andiba lambulogo fisasikhe andi.

IBRANI 12:24

Yogondak Allah nen nit ninom hunesuogeluk wene ket mene warogo wo'ninafikhesik, Yesus ebe wo'nisasikhemo hulisanem werek andi inom were'ma wagebo. Andi re, Habel oe nen watikhemo amep wene weak mene hilinglagaikhe mene andi oba wagep fuk. We, Yesus ebe watukwama amep oba legeisogo figik warogo fano wene hilinglagaikhe mene oba wagebo.

IBRANI 8:9

An nen hit hinombalak o Mesir en nenggi fagaisogo woginarek wulibi wesigeluk ikhi logolik, Yi'nogo hilinghinabigin, iluk wene warisasigi andi hak fuk. Hunogo aro. An nen it wene warisasigi mene andi hologo higithogo hilingiti'lek andi nen he, it inebe nabit, iluk kobokhogo fisasigi andi.

IBRANI 9:18

A'nogo ugu halok, inaminingengge helagarek andi hak, Allah nen wene attak mene warogo woginafikhe andi re, amep yugulogo nenat ameliba te'merogo isikhe.

IBRANI 9:19

Allah nen, ”Yi'nogo hilingisugun, ti'nogo hilingisugun,” iluk, komotninafikhe wene andi mondogat, at Musa nen it afuni Israel mene yagaisasikhesik he, hobuk sapi amep inom, kambing amep inom, i inom mulelogo nanggelek-hanggelek fesukwasigen, domba esi elokhonggen mep hangge mene esunggwat wurep oba folokhogo fesukwasik, musan engga mep watarek andi hak, mep yugulogo Allah nen wene komotninafikhe wene lisu palek andiba watfigik, afuni Israel mene inebene kweisalfigik, watfisigik, isikhe.

IBRANI 9:21

A'nogo yagaisasikhesik he, Allah awi su mene wurik andi inom, yi mene ti mene Allah awiba andoma at faget hilingiti lagaukwa mene mondogat inom, ebene mep warik lagaikhe.

1 PETRUS 1:19

Athe, onggo hokho meneba palogo telhinafikheo. Wam domba eak weak meneba fuk, we, domba eak mondok fano mene Allah faget amep wulagaisogo waresu hak, at Kristus amep wulagaisogo wa'lagaikhe andiba, hinonggo palogo telhinafikhe andi.