KELUARAN 24:3 - Allah Wene Fano Wene Hupla Inane

³ A'nogo yagatikhemo, at Musa wagaikhesik he, Tuhan nen yi'nogo ti'nogo hilingiti logogun mene yagatikhe mene inom, wene palek oba loukhogo hilingiti logogun mene inom, yagaisasikhe. Yagaisasikhemo, it afuni Israel mene inebe mondogat inane ambine lambulogoat, mel isukwa: ”Niren nineisena Tuhan nen wene yaganisikhe mene andi mondogat higithogoat hilingiti logogun o,” iluk isukwa.

KELUARAN 24:3 ပူးပေါင်းရင်းမြစ်များ

2 TAWARIKH 15:14

Iluk ikhi logolik he mel isukwa, ”Niren wene wato mene andi furogo fisogo logogun o,” iluk inane hokhorogo Tuhan enuba hombuk palhukwa. A'nogo isukwasik he iren inagaiyekhogo anggiluk kwelafi logolik trompet futi lagaukwa.

2 TAWARIKH 15:15

Iren he hombuk palho mene andi ninedawimo nen eberogoat hilingito iluk he, it afuni Yehuda mene mondogat inagaiyegetukwa. A'nogo hilingiti logolik he iren Tuhan obaget wene kabogetu mene faget ogo inagaiyekhogo hilingiti lagaukwama re At Tuhan nen ogo it woginafu aple endawimo agaiyek a'luk he, it inawi werek oba wilayah omanogoba inendawimo youk legengge inailo legengge logouwageluk hilingfisasikhemo welagaukwa.

MAZMUR 50:5

Aren ikhi logolik he, ”It An nagainafuri mondogat ninom wene watugusik, wam warogo omameap etugu mene andoma mondogat andogerinabini o,” iluk ikherek.

KELUARAN 19:8

A'nogo yagaisasikhemo, it inebe mondogaren inane lambulogo ikhi logolik, mel isukwa: ”Niren he, nineisena Tuhan nen yi wene ti wene yaganisikhe mene andiat hilingisugun o,” iluk yagatukwa. Wene iren isukwa mene andi at Musa nen Tuhan oba yagatikhemo, Aren he mel yagatikhe: ”An nebe ohena mumeak mene laberogo hoba pi wesigin. A'nogo pi wesimbik wene hat holhen mene yagahetunem afuni inesanggo holimbik he, huli andem sambulen, Aren eberogoat wene oba fikhemo yaganisili'logo iluk, futfikhi logogun.

KELUARAN 24:2

A'nogo werek kwelek, hat hamunek he, An noba horokhogo we'no o. A'nogo meneat he, it andi An noba horokhogo wagik, it afuni ekhe mondogat tom yiba lagai wagik, ugun mondok lego,” iluk yagatikhe.

KELUARAN 24:7

A'nogo hilingitikhesik, Tuhan nen wene, yi'nogo hilingiti logoino, ti'nogo hilingiti logoino, iluk komorinafikhe mene Musa nen lisu palogo fesikhe mene a'nogo wanhikhesik he, ane hokhorogo afuni Israel mene holuageluk enu salhikhemo, iren he, mel isukwa: ”Niren he, nineisena Tuhan nen wene komotninafe mene andi mondogat hologo higithogo hilingiti logogun o,” iluk yagatukwa.

YEREMIA 11:4

Wene andi re An nen it inombawi o Mesir faget iren endu amulok oba hak anggikhi lagaukwaba andi nen woginarek wulibi waga logolik warisasigi. An nen it inoba yagaisikhi logolik an nane hologo hilingitik, An nen yi'nogo ti'nogo hilingi'no iluk yagahisigi mene hilingitik, hilingiti logoino isigi. Yogondak An nen nekhengge afuni Yehuda mene inom Yerusalem werek mene inom inoba ikhi logolik hiren An nane hologo hilingiti logogun halok, hit he An nagainafuri asumo An he hit hineisena Allah asigin o, isigi.

HAGAI 2:5

Hit o Mesir en wulibi wagunem omanogo, An nen hit fethinarek logolik wokhinarek mondok nikhi logogin iluk wene wathisasigi mene a'nogo higithogo re yogondak ogo An nen nawe a'ma hinobagaluk fethinarek welagi hilingi'mo re, hiren hinendawi fisu fugo.

MALEAKHI 2:10

Nit nineisena re we At amu werek he lek nogo a? We At amuat werego. Nit ninebe mondogat he, At Allah ebe misik mene nen elalninafe lek nogo a? Arenat elalninafikhe aro. Arigini'mo re nenahalok niren lal-lal aga logolik At Allah nen nit ninombalak inoba wene warisasikhe mene omanogo sagalogo fikhi logolik weak-beakhogo fikhi lago nogo?

ULANGAN 11:1

A'nogo yagaisasikhesik, ekhe yagaisikhi logolik, ”Hineisena Tuhan Allah ebe hinendawinggen hundik logolik, At awene melalek yagaisikhe mene higithogo ane hologo hilingiti logoino.

ULANGAN 4:1

At Musa nen afuni Israel mene mel yagaisasikhe: ”Hit hinebe hineluk logolik, o hit hinombalak ineisena Tuhan Allah nen wokhisagain oba andoma elok sebeli kwimbik logoubagaigen he, wene An nen yagahisigi mene andi mondogat hologo hilingiti logoino o.

ULANGAN 4:45

Wene andi a'nogo hilingitukwa andi re, it inebe o Mesir en mondogat wulibi wagaukwasik i Yordan abel fena mo liabi wagarek fikhit tonggoma o kota Bet-Peor amik higithogo asi wagaukwasik wogisasikhe. O andoma re o attak hun Sihon it Amori mene inobaget inoe raja logolik attak at o kota Hesybon halogo fisikhi logolik, sebelinarek welagaikhe kwe. At Musa inom it afuni Israel mene inom o Mesir en wulibi waga logolik mabenet fisasukwa kwe omanogo.

ULANGAN 4:5

An nen, wene nineisena Tuhan Allah nen, yi'nogo hilingi'no, iluk, komorogo yaganisasikhe hagat mondogat yagahisigi o. Hiren he, o kugun oba andoma sebeli kwimbik logolik, wene andi mondogat hologo hilingiti logoino.

ULANGAN 5:1

At Musa nen afuni Israel mene felelenghogo kaboget fisasikhesik he it yagaisikhi logolik, ”Nerugwi nagaila'lak wene melalek An nen yogondak yagahisagain mene yi hinesanggo fanorogo holinio. Wene andi fi-furogo yanggul fuluk higithogo hilingiti logolik oba tiphogo nek hilingitu nogo.

ULANGAN 5:31

Andiba nen, Musa, hat enek he nekhengge yoma wesumo An ninom logogun. Logolik he, An nen Nawene melalek inom, yi'nogo ti'nogo hilingiti logoino iluk werek mene a'nogo inom wokhesigin. It inanggweang wogisagain oba andoma logolik wene andiba nane hologo hilingiti logouwakhogo re it inoba yagaisano.”

ULANGAN 6:1

At Musa nen he, it afuni Israel mene ekhe mel yagaisasikhe: ”O hit hinenggi welagi'legat kwimbik logogun oba andoma logolik, wene nineisena Tuhan Allah nen komotninafikhe wene yiba re, ilren higithogo hilingiti logouwagen yagaisan o, iluk yaganete.

YOSUA 24:21

A'nogo yagaisasikhemo, it afuni Israel mene nen he, mel isukwa: ”A'nogo hilingisugun lego. Nit hunogo mene ekhe amingmingengge hilinglagi'lek, we, At nineisena Tuhan Allah amuat amingmingengge logogun o,” iluk yagatukwa.

YOSUA 24:22

A'nogo isukwama, at Yosua nen he, mel yagaisasikhe: ”Hiren he, nit hunogo mene ekhe amingmingengge hilinglagi'lek, we, nineisena Tuhan amunek amingmingengge logogun, iluk egep halok, hinoggwarek hinelurogo logogun andi,” iluk yagaisasikhe. A'nogo yagaisasikhemo, iren he, mel yagatukwa: ”Nen. Eberogoat. Nit ninonggwaregat ninelu logogun o,” iluk yagatukwa.

YOSUA 24:24

A'nogo yagaisasikhemo, iren he, Yosua mel yagatukwa: ”Nit he, afuni Israel mene nineisena Tuhan Allah amuat amingmingengge logolik, Aren, yi'nogo hilingiti logoino, ti'nogo hilingiti logoino, iluk yaganisasikhe mene andiat hologo higithogo hilingiti logogun o,” iluk yagatukwa.