KELUARAN 24:18 - Allah Wene Fano Wene Hupla Inane

¹⁸ Woletikhemo, Musa ebe ohena welagaikheba unggul oba higit lagasikhesik ohena elema kwi lagaikhe. Kwi lagaikhesik linggene hubanggo mondok andoma enggi 40 nen welagaikhe.

KELUARAN 24:18 ပူးပေါင်းရင်းမြစ်များ

ULANGAN 9:9

A'nogo hilinghinafikhe andi re, nineisena Tuhan nen wene warogo wo'ninafikhe wene a'nogo helep sabiaba lisu palogo fesikhe mene wanigiluk tom oba lagasigisik nenggi 40 nen sumburu inom, i inom mondok ninggi'lek andoma welagagi andi.

ULANGAN 10:10

At Musa nen a'nogo yagaisasikhesik ekhe mel yagaisasikhe: ”An nenggi attak 40 hari nen tom oba welagagi hagat welagi andi. A'nogo were'ma, At Tuhan nen hobuk an nane esanggo holhikhesik, hit hinebe legethinabigin lego, iluk attak isikhe hagat isikhe andi.

KELUARAN 34:28

Wene andoma nineisena Tuhan nen Musa oba yagatu werek kwelek sumburu inom, i inom, ninggi'lek enggi 40 hari nen emberek welagaukwa. Logolik he, wene ebe 10 nen nineisena Allah nen wene warogo wo'ninafikhe mene andi helep sabia meneba lisu palogo fesikhe.

ULANGAN 9:25

A'nogo hilingiti lagep andi nen, nineisena Tuhan nen he hinebe legethinabigiluk isikhe andi an nelu o. A'nogo isikhe andi nen, an nineisena Tuhan elokhoma neindep awi yagaisogo fogeratu 40 hari logolik, samban yi'nogo ikhi lagagi:

ULANGAN 9:18

A'nogo lakfisaluk hobuk tom oba lagagirik he, i inom sumburu inom, ninggi'lek nineisena Tuhan eilhanem neindep awi yagaisogo fogeratu nenggi 40 nenat, welagagi andi. A'nogo hilingitigi andi re, At nineisena Tuhan nen he, An neilhanem mondok weak hilingitebo, iluk isikhesik he, a'mage hokho mene lagasikhe.

LUKAS 4:2

Lagaikhesik andoma were'ma enggi 40 hari Iblis nen endawimo kagaligeluk oba waga lagaikhe. Wagu kwelek, enggi 40 hari andem sumburu mondok ninggi'lek welagaikhe andi nen he, sumburu mondok nele agaikhemo,

MARKUS 1:13

Waluk lagaikhemo re, o leimo afuni le'ma andoma enggi 40 hari werek kwelek, Iblis nen endawimo kagaligeluk oba waga lagaikhe. O andoma re, paik aiba were'ma malaikat Allah pogoroba nen yonggo pelakfisa wagarek mene omanogo ekhe pi wagaukwasik he, kwalogo welagaukwa.

MATIUS 4:2

Andoma fei lagaikhemo logolik he, o hubagik, o wei igik, ugu kwelek enggi 40 hari sumburu ninggi'lek weat welagaikhe andi nen he, sumburu nele agaikhe.

1RAJA-RAJA 19:8

A'nogo yagatikhemo, at Elia eluk agaikhesik he, sumburu inom, i inom, nasikhemo omame agaikhesik, kwe la elok agaikhemo re, laga logolik kweba enggi 40 nen nogo iluk tom Sinai oba o attagat Allah ebe Israel mene inelokhoma menlagaikheba arat asi lagaikhe.

KELUARAN 19:20

At Tuhan ebe tom Sinai oba pi wagaikhesik, Musa punu ebeba lagauwageluk woletikhemo, oba lagasikhe.

KELUARAN 9:33

Musa at raja a'nogo herakfisaluk o kota nen abel enda'ma wulibi wagaikhesik, enggi liabek logolik Tuhan oba samban isikhe. A'nogo samban isikhemo, andi sambul unggunggu ane legagik, meiso es mene inom, meiso sogenggen mene palagik, isikhe.

KELUARAN 9:29

A'nogo yagaisasikhemo, at Musa nen at raja yagati logolik: ”Haren he, kweangma yoma eise re, hit hineisena Tuhan andi aro, iluk futfeinogoluk, an weak-weagat o sili hokhoma nen enda'ma wulifi logolik, nenggi liakfembik, Tuhan samban oba yagati halok, meiso sogenggen unggunggu ane pakhogo nili'lago mene andi legasigin o.

AMSAL 28:1

Ap inanini weak mene andi re it ekhe nen muginarek lagi'le'maat heise lagaikharek, oba nen he ap higithogo hilingiterek mene re mene singa nen hilingiterek hak inafe hibilik hebelekhogo nek welagaikharek.

KELUARAN 25:1

Tuhan nen Musa yagati logolik,

KELUARAN 32:1

Afuni Israel mene Musa ebe pi wagi'lek tom oba andoma aninurogoat weregen he, Harun oba andogosi wagaukwasik, mel yagatukwa: ”At Musa o Mesir en wo'ninarek wulibi wagasik waga mene a'nogo oba ninggi'nogo hilinglagama he, nit ninonggoro. Ma re, nit wo'ninarek loagen Allah higit tugwi kembu ekhe wu'nisan o,” iluk yagatukwa.

1RAJA-RAJA 19:11

A'nogo yagatikhemo, Tuhan nen he, ”Hebe oumo ari nen wulibi me o. Wulibi wesimbik he, An noba tom unggul oba menlasi lagai we'no o,” iluk yagatikhe. A'nogo yagatikhemo lagaigiluk ugunem, Tuhan ebe Elia era'lukwe lagaluk ugunem, sogoi tak aninirogo funha laga logolik, tom unggul-unggul omanogo pagerik lagik, helep isa omanogo sere'lambuk igik, isikhe. A'nogo meneat he, sogoi andi anggele'ma re Tuhan ebe weinam agaikhe lek. Sogoi a'nogo lek agu kwelek he, lugul langet hasikhe meneat he, At Tuhan ebe lugul andiba weinam agaikhe legat.

ULANGAN 5:31

Andiba nen, Musa, hat enek he nekhengge yoma wesumo An ninom logogun. Logolik he, An nen Nawene melalek inom, yi'nogo ti'nogo hilingiti logoino iluk werek mene a'nogo inom wokhesigin. It inanggweang wogisagain oba andoma logolik wene andiba nane hologo hilingiti logouwakhogo re it inoba yagaisano.”