Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




KELUARAN 24:1 - Allah Wene Fano Wene Hupla Inane

1 Hobuk he, At Tuhan nen Musa mel yagatikhe: ”An noba lagai we'nogen he, hat inom, Harun inom, Natap inom, Abihu inom, afuni Israel mene inogogwi inebe 70 nen inom, hinom lagai wesimbik, it inebe yatmaat andem logolik ineindep awi yagaisogo An fogetnabino.

အခန်းကိုကြည့်ပါ။ ကော်ပီ




KELUARAN 24:1
20 ပူးပေါင်းရင်းမြစ်များ  

At Amram he amlogomi inebe pire taginafikhe, inenu re: Harun inom, Musa inom, nen hele misik ekhe enu Miriam inom andem. Nen Harun he, amlogomi inebe enggaminogo taginafikhe, inenu re: Nadab inom, Abihu inom, Eleazar inom, Itamar inom.


At Yusuf attak o Mesir lagaikhesik were'ma, at Yakub againafuri inom inebe mondogat he 70 nen hobuk lagaukwa.


At Tuhan ebe tom Sinai oba pi wagaikhesik, Musa punu ebeba lagauwageluk woletikhemo, oba lagasikhe.


Yagatikhemo, at nineisena Tuhan nen he, ”Hat hambotkwe pin o. Pimbik he, Harun hemberek lagai we'no. A'nogo meneat he, ap An nebe eisewerek mene inom, afuni mondogat inom, huli warek mene andi afane An noba lagai wesugun mondok lego. Huli warek mene afane lagai wagaikha halok, unggum inoba fagain o,” iluk yagatikhe.


Yagaisasikhesik, it afuni omanogo inebe yatkwe mendek werek kwelek, at Musa a'nogo nek he, o hena eil mondok mum hik-hak se'ma At Allah ebe werek higit asi lagaikhe.


At Musa a'nogo yagaisaluk, tom Sinai oba lagasikhemo, ohena misigat palek mene nen salhikhe.


A'nogo werek kwelek, hat hamunek he, An noba horokhogo we'no o. A'nogo meneat he, it andi An noba horokhogo wagik, it afuni ekhe mondogat tom yiba lagai wagik, ugun mondok lego,” iluk yagatikhe.


A'nogo yagaisaluk he, Musa ebe inom, Harun inom, Nadab inom, Abihu inom, Israel mene inogogwi inebe 70 nen omanogo inom, inom tom oba lagasukwa.


Wene ekhe yagati logolik he, ”Hat hoe Harun inom at againafuri Nadab Abihu inom, Eleazar Itamar inom wolisaluk he, iren An neilhanem hilingitu mene imam logolik an nobaget yabu hilingiti logouwageluk inamu penogo fisagain.


A'nogo yagatikhemo, At Tuhan nen he, ”Hat hebe An nonggwarek nanggweang oba mendek welagen andi nen, hebe horokhogo ya wagi'lek, andem logolik heisok sandal ugu welagen mene ari nonggologo arem fein o.


A'nogo palogo fegen halok, hat hebe ohealek hubet tom Sinaiba lagai wesimbik, An noba punu ebeba lagai we'nogen he, yi mene ti mene inom, hat hebe inom, tegelino.


Korah againafuri abengge inebe henagan welagaukwa. Inenu re: Asir, Elkanah, Abiasaf andem. It andem he afuni inunggulenu Korah mene inambu-inombalak welagaukwa.


A'nogo hilingi'mo nen afuni Israel mene inogogwi melalinafarek mene inebe tujuh puluh nen andoma welagaikha, it andem inanggele'ma re hun Safan amlogo Yaazanya a'nogo inomat welagaikha. Logolik inebe lombogen he amben fanongge nolhunem so'le liafarek mene fisogo welagaikha.


A'nogo wenageti lagaikhemo, At Tuhan nen Musa mel yagatikhe: ”Afuni Israel mene inebe inaluendek halok, afuni nen he, it andem he, ninogogwi logolik hilingiti logogun inobabut higit, iluk anggagarek mene halok inebe 70 nen andogorogo fisan o. Fisambik he, An neilhanem woginarek nawi su mene wuri'mo fisa we'luk he, hat hera'lu menlasuageluk yagaisano.


A'nogo yagaisasikhesik ninoe Enupogoren ap inebe 70 nen heragaisogo fisasikhesik he, at onggwarek endawimo anggasikhe kwe yi awi ti awi o sili lombok loageluk, it andi tak inebe pirendek lombogethigik lakfisasikhe.


Hobuk it ap inebe 70 nen lakfisasikhe mene omanogo inendawimo inagaiyek anggaluk, inambotkwe wagaukwasik he, mel yagatukwa: ”Ninoe! Niren munggwarengge obabut weak mene andi, hat henu hombuk palogo yagatunem he, ninane esanggo holhi laga o,” iluk isukwama,


Andi oba nen hiren hinogogwi yagahisikhi logouwageluk ap inebe miren mene hakhogo inobabut hebelek mene inom, inendawinggen wenggelogo hilingisu hak mene inom, aremnogo re, it inebe 1.000 nen mene inom, it ekhe 100 nen mene inom, it ekhe 50 nen mene inom, ekhe 10 nen mene inomat inunggulenu lombok faget inogogwi logolik ferinarek logouwageluk menfisasigi. Nen, an nen ogo re, it fena inogogwi kaindek ferinarek logogun mene hinunggulenu mondogat faget menfisasigiat.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ