KELUARAN 23:3 - Allah Wene Fano Wene Hupla Inane

³ Hiren unggum heirogo hilingiti logolik, ap inenggi lek mene inawene oba nen he, latfal isigik, inelokhe penetik, u fuk.

KELUARAN 23:3 ပူးပေါင်းရင်းမြစ်များ

KELUARAN 23:6

Ap enggi lek mene ekhe awene higithogo tegetnesuageluk waluk wagu halok he, hiren it andi inawene heirogo nek hilingfisikhi logoino.

AMSAL 18:5

Ap weak hilingitu mene inebikhit a'luk, weak hilingiti'lek mene weagerinafarek mene andi re mondok weak.

AMSAL 22:22

Ap enggi lek mene at omame le'ma iluk weagerinabu fuk, nen wene higithogo tegetuba andoma nen ap inenggi lek mene andi inangge nit sebelogoin iluk hilingisu fuk.

YESAYA 10:1

Hit ap wene melalek higithogo hilingiti'lek logolik An nagainafuri mene hinomameba sebelinarek welagep mene andoma re hinebe alomat lakhogoin o.

IMAMAT 19:15

Hiren, it ekhe unggum inoba figik, kotik, ikhi logolik he, wene higithogo halogo nen ikhi logoino o. Afuni inangge lek inelagaik mene inebikhit agik, inangge hokhorogo logolik, ineilmo wulalhak werek mene hinailo welagik, ikhi logogun mondok lego.

AMOS 5:12

Hit hinobabut he, ninghogo weak inoba figik, afuni ekhe inobabut fano mene yi enggin ti enggin inoba figik, it afuni ekhe werekwe asuageluk onggo wokhisugunem heligik, afuni ekhe inangge inelagaik mene it ekhe nen o wene pilinget fuluk wene inoba figik, kotik, agarek oba andoma nen weak hilinginabuagaluk herakfisigik, weak mondok hokhorogo hilingiti lagep andi re hinobabut An mondogat nelu o.

ULANGAN 1:17

Wene tegeti logolik afuni inebe mondogat inoba higithogo nek inawene ayo wurogo tegeti logoino, nen it ekhe fikhit engginhogo hilingfisikhi logolik, it ekhe fikhit serogo hilinginfisa fuk. Nen ap andi sa iluk elokhe penesu fugat, we hiren wene fanorogo ayo wurogo tegesugun mene andi re Allah nen yagahisikhi logogin enggere, hiren ap misik iluk ekhe hinailoti logou fuk. Nen wene andi ambi hiren tegetu aple enggin agu halok he, an nen ayo wurogo tegesuageluk noba waluk waga logogun.

ULANGAN 16:19

A'nogo menfisamo, iren we inendawimo nen anggaluk enek wene tegetik, fena fikhit inebepikhit aga logolik fena fikhit weaget fisigik hilingiti logogun lek. Afuni nen inenggi a'makwe helaluk nenggarek mene andi re ineilenggen puget fisagare'ma re, ap inendawinggen wenggelek mene inom, wene higithogo agarek mene inom oba nen ogo re, a'nogo heluguba wene heirogo palhi'legengge inenggi a'makwe helikhi logogun andi elo'lek.

YAKOBUS 3:17

A'nogo meneat he, afuni Allah nen inendawinggen kagalhunem inobabut esin hilingitarek he, weak ekhe hilingiti'lek ineil lomborogo welagaikharek andi. A'nogo logolik, afuni ekhe inom liokhogo welagik, inobabut enago welagik, inane hologo hilingitik, e enggen fano mene iterek andi hak, fanorogo hilingitik, afuni inendawirogo mondok welagik, afuni ekhe inelokhoma fisigik, ekhe inambotma fisigik, igi'legat, inendawinggen pire welagi'legat, fanorogo hilingitarek andi o.