KELUARAN 23:2 - Allah Wene Fano Wene Hupla Inane

² Afuni hokhorogo nen wene melalek sagalogo fuluk ineranen weneba fagerik nikho mene inom, nen iren weak aple nek hilingirik nikho mene inom, andoma re hit hinom seberogo hilingirik nikhi lagou fuk.

KELUARAN 23:2 ပူးပေါင်းရင်းမြစ်များ

KEJADIAN 19:4

A'nogo meneat he, ap pok omanogo nogo igi'lek oan were'ma, ap inaluendek inom, alagendek inom, o kota andoma mene inebe mondogat wagaukwasik o andi walinget fesukwasik welagaukwa.

KEJADIAN 6:12

Afuni mondogat inobabut weak hilingiti lagaukwa andi nen, Allah nen afuni kweangma mene eilenggen isugunem he, mondok weak enek were'ma isikhi lagaikhe.

KEJADIAN 7:1

A'nogo hilingitikhemo, nineisena Tuhan nen Nuh mel yagatikhe: ”O yogondak ya, hat hamunek he, An nendawimo anggikhi lagi mene higithogo hilingiti lagenma re, yogondak hat hagainafuri hinebe mondogat kapal elema kwi lani o.

1RAJA-RAJA 19:10

A'nogo yagatikhemo, at Elia nen he, ”Neisena Allah, Tuhan Homame Mondok Hokho mene a'nogo neisena. An he Hat hobaget mondok hilingitirek mene o. A'nogo meneat he, hagainafuri Israel mene Hat hinom wene wat-wat isigip mene a'nogo sagalogo herakfisaluk, wam yi mene ti mene Hat faget nolhetarek oba obuluk omanogo mondok meisa'lambukhogo lakfisagasik, ap Hat hane yagaisili'lagwi mene inebe mondogat felelenghogo mondok inoata o. A'nogo inoatasik, an namunek heraknobagasik, yogondak nebe noasuogoluk ugu nen o, neisena,” iluk yagatikhe.

AYUB 31:34

Afuni mondogaren, an faget, at weak, iluk nabok igik, nenggali warogo inane asegen wo'niigik, inogo iluk, nenggali nen oloba hina'lagik, nane legat kamo igik, igirek lego.

MAZMUR 72:2

Aren it afuni Hat hagainafuri mene andoma inawene ayo wurogo pilingiti logolik he, wene melalek werek higithogo hilingiti logogin, nen it ekhe yi enggin ti enggin hilinginafunem weak hili'lagwi mene andoma ogore inawene higithogo nek pilingisikhi logogin aro.

AMSAL 1:15

A'nogo yagahisogoin enggere nagainafuri e! Afuni a'nogo yagahisogoin mene andi hinom he inane hologo hilingiti'lek, inagaiserati logoino o.

AMSAL 18:5

Ap weak hilingitu mene inebikhit a'luk, weak hilingiti'lek mene weagerinafarek mene andi re mondok weak.

AMSAL 4:14

It afuni inobabut weak hilingiri'lagwi mene nen hilingiri'lagwi andi hakhogo hilingisu fuk, nen it inobabut waganogo hilingisu fugat.

YEREMIA 37:15

Lagama re iren an wene hokhorogo wena'netasik hun Yonatan negara faget lisu palhi lagaikhe mene a'nogo aiba hele warogo wo'narek lagaikhasik nebe yei warogo re hele warogo nobagaga. O a'nogo re afuni hele warogo kwelaginafarek aiba hilingisogo faga.

YEREMIA 37:21

A'nogo igimo at raja Zedekia nen an nebe o istana kagarek oba o senggelek hokho meneba omanogo hele warogo kwelaknobagauwageluk yagaisikhemo kwelaknobagasukwama andoma welagagi. Were'ma re namburu nunggu mene faget he linggene hundik-hundik roti wo'netu were'ma nen enek he o kota andiba inamburu roti nunggu mene mondogat lek agaikhe.

YEREMIA 38:9

”Neisena hebe kain mene, ap andoma nen hilingita mene andoma re mondok weakhogo hilingita o. Iren he nabi Yeremia a'nogo i mogo yenggelhuba iluk habulik meneba pelafa. Enggere nunggu mene ogo kota yiba mondogat lek agama re at ebe eberogo nen he wa'lasigin logou hago,” iluk yagate.

YEHEZKIEL 9:9

A'nogo igimo nen Allah nen onggo yaganeti logolik, ”Afuni Israel mene inom, Yehuda mene inom he, weak mondok hokho mene hilingiti lagaikha. Iren o ekhema-ekhekma afuni inoati logolik o Yerusalem yi mondogat weaget faga. Iren ikhi logolik An Tuhan nen o kweang yi re mondogat herakfisigimo re, niren hilingiti lago mene omanogo re eilenggen nisili'lago lego, ili'lagwi.

IMAMAT 19:15

Hiren, it ekhe unggum inoba figik, kotik, ikhi logolik he, wene higithogo halogo nen ikhi logoino o. Afuni inangge lek inelagaik mene inebikhit agik, inangge hokhorogo logolik, ineilmo wulalhak werek mene hinailo welagik, ikhi logogun mondok lego.

HAGAI 1:4

”Yago, nagainafuri, hit he hinonggwarek hinaiba mondok hambuk lele warogo omamerogo wurogo welagep mene andoma re hinenggi arat asi wagu kwelegat welagebo, oba nen he An naiba andi nek he o meisalek enek kabok lagakhi logoilep anggikhi lageba?

MARKUS 15:15

A'nogo yagatukwama, at Pilatus nen he, endawimo mel anggasikhe: ”Halok he, afuni hokhorogo yoma inendawimo fanorogo yi'nogo hilingisik,” iluk isikhesik he, Barabas a'nogo enggi hele fikhalogo wogisikhi logolik he, at agoromi tentara nen Yesus yei lambisogengge warogo eba menfuluk wasuageluk wogisasikhe.

KISAH PARA RASUL 24:27

A'nogo ugu werek kwelek, mo lagagik pigik 2 tahun welagaukwasigen, hobuk Feliks obali'mo ap ekhe enu Perkius Festus gubernur asuageluk menfesukwa. Menfouwogeluk ugunem, at Feliks nen he, ”It afuni Yahudi mene inendawimo fanorogo,” iluk Paulus enggi hele waregat herakfesikhe.

KISAH PARA RASUL 25:9

A'nogo yagatikhemo, at Festus nen he, afuni Yahudi mene inendawimo fanorogo iluk, Paulus mel yagatikhe: ”O Yerusalem andoma nen wene yi faget an neilhanem ero heratunem, eberogoat halok an nen elugun wasigen, ninom louwoga? Habira,” iluk yagatikhe.

ROMA 1:32

A'nogo hilingitarek andi nen, at Allah nen he: ”Afuni inobabut a'nogo hilingitarek mene halok he, an nen wene inoba fembik inebe mondok inoasu higit obaat inoasigin o,” iluk isikhe mene inelu logoligat he, it inonggwaregen a'nogo hilingitoat welagaikharek andi. It a'nogo hilingiti logolik, it ekhe nen a'nogoat hilingitunem he: ”Elok hilingiti lagep,” iluk yagaisagaregat.

ULANGAN 1:17

Wene tegeti logolik afuni inebe mondogat inoba higithogo nek inawene ayo wurogo tegeti logoino, nen it ekhe fikhit engginhogo hilingfisikhi logolik, it ekhe fikhit serogo hilinginfisa fuk. Nen ap andi sa iluk elokhe penesu fugat, we hiren wene fanorogo ayo wurogo tegesugun mene andi re Allah nen yagahisikhi logogin enggere, hiren ap misik iluk ekhe hinailoti logou fuk. Nen wene andi ambi hiren tegetu aple enggin agu halok he, an nen ayo wurogo tegesuageluk noba waluk waga logogun.

ULANGAN 16:19

A'nogo menfisamo, iren we inendawimo nen anggaluk enek wene tegetik, fena fikhit inebepikhit aga logolik fena fikhit weaget fisigik hilingiti logogun lek. Afuni nen inenggi a'makwe helaluk nenggarek mene andi re ineilenggen puget fisagare'ma re, ap inendawinggen wenggelek mene inom, wene higithogo agarek mene inom oba nen ogo re, a'nogo heluguba wene heirogo palhi'legengge inenggi a'makwe helikhi logogun andi elo'lek.

ULANGAN 24:17

Nen, hiren ap pok mene inangge inom, yenggerugwi suarek mene inangge inom hinenggi abisak heligik, nen hemi sogwe mene inasu hobuk wogisogoin iluk aninurogo fisogo welagik ikhi logogun mondok lego.

YOSUA 24:15

Hiren nineisena Tuhan amunek amingmingengge logogun hinabit halok, o yogondagat, Nit ti mene amingmingengge hilinglasugun, iluk tekhogo ugun o. Hiren he, o attagat ninombalak o Mesopotamia logolik, hunogo mene faget, Nineisena ebe andiat, iluk oba himbirik logolik amingmingengge welagaukwa andi mene amingmingengge logogun ugun a? At he, hit yogondak afuni inunggulenu Amori mene inaiba logolik, iren, Nineisena ebe andiat, iluk oba himbirik logolik amingmingengge welagaikharek andi mene amingmingengge logogun ugun a. Hirenat senggerogo ini o. An enek he, nebe inom, nagainafuri inom, nineisena Tuhan amuat amingmingengge logogun o,” iluk yagaisasikhe.

1 SAMUEL 15:24

A'nogo yagatikhemo, at Saul esanggo holhikhesik he, weak hilingitikhe mene fakhogo Samuel mel yagatikhe: ”Nineisena Tuhan nen, yi'nogo hilingi'no, iluk yaganete mene, haren yaganeten a'nogo, sagalogo weagat hilingitimo o. An nagoromi tentara nen kino yaganetama re an it inoba nailo nen, fano iluk eberogoat yagaisigimo aro.