KELUARAN 23:1 - Allah Wene Fano Wene Hupla Inane

¹ ”Wene ineranhogo wene andi wialhi logou fuk, ap inobabut weak mene nen wene ineranhogo wene fagesugun mene andi leberisa fuk.

KELUARAN 23:1 ပူးပေါင်းရင်းမြစ်များ

KEJADIAN 39:17

Fesikhesik were'ma, agun Potifar a'nogo ambotkwe wagaikhemo re, wene it yagaisasikhe hagat weak-weagat mel yagatikhe: ”Ap Ibrani mene oloba yoma kwelakfakha wagen a'nogo nen o hulu an nogo ikhi lagiba noba kwikhesik he, weagetnabigiluk ikhe o.

2 SAMUEL 16:3

A'nogo yagatikhemo, at raja nen he, ”At Mefiposet hat hoe enupogot Saul omba a'nogo re, ebe o koma werek?” iluk heinok wanhikhemo, aren he, ”At endawimo nen he, nomba Saul en afuni Israel mene ferinarek welagaikhe mene andi, yogondak ambotkwe an nen ferinarek logouwagaluk mennobagagun iluk endawimo anggasikhe andi nen he, ebe o Yerusalemat werego,” iluk yagatikhe.

2 SAMUEL 19:27

Arenat an wene noba le'maat an nenu weak hilingisogo eranen weneat yagahetikhe, noe. A'nogo meneat he, noe hat hebe re, malaikat higit welagen andi nen he, hendawimo nen, fano hilingisu yi'nogo iluk anggegen halok he, andiat hilingnobagain o, noe.

MAZMUR 101:5

Ap ekhe nen wene ero le'maat linglong engge are ekhe abok palogo weaget fagain mene andi re, an nen eiloak leget fagain. It ap inendawimo leget fakhikhi logolik wonoget fakhagarek mene re, An nen ekhe fisikhi logogin mondok lek.

MAZMUR 120:3

Yago, hit hineranen wene ikhi lagep hinap yoma, At Allah nen he hit inoba ninggi'nogo ekhe hilinghinobagagin nogo? Nenameneba Aren wene hinoba fagain nogo?

MAZMUR 15:3

it inerugi inagaila'lak wene inoba le'maat, ineranen wene inoba fagarek lek mene inom, inerugwi inagaila'lak weagarinafarek lek mene inom, Afuni inom welagaikharek mene inenu weak hilingisogo fisagarek lek mene inom,

MAZMUR 27:12

Naselei mene ina'mage lagaluk ineranen wene lalogo weak hilingisogo nobagauwogoluk hilingiri'lagwi mene andi inenggiba re, nobagagun o.

MAZMUR 35:11

Ineranhogo weneba fagetarek mene re menla'luk an eil nabi'lagwi, an wene ebe nonggot kwelek oba nen he, noba fu'mo hikhibet niili'lagwi.

KELUARAN 20:16

Hineranen wene afuni ekhe inabok palhubo.

KELUARAN 23:7

Ap ekhe weak hilingisigin lek oba nen, hinendawi menenei en oba hikhibet haluk ebe pinggi watuaple andi re, An nen ap weak ariginik mene nen hilingitu mene faget mondogat nabit welagimo re, hiren agaiserati logoino.

AMSAL 10:18

Ap ekhe nen abit anggikherek mene andi endawimo hinago werek halok he, ap lalinaferek menere ebe andi aro, ap ekhe ane nen lalogo sagarik laga halok he ap andi kembu mene werek.

AMSAL 12:17

Ap inane eberogo mene nek agarek oba re tiphogo hilingitarek mene a'nogo omameratarek, nen ineraren wene lalogo agarek obare lalinafarek mene a'nogo legeisogo fagarek.

AMSAL 14:5

Ineilen furogo isaluk he inane eberogo meneat agarek, fut figi'legengge inane yugunat agarek mene andi re lalinafarek.

AMSAL 17:4

Ap weak hilingitarek mene nen he weak hilingitu mene melalinaferek mene andoma murok lagaikharek, ap lalinafarek mene nen he afuni inabok palharek mene andoma nek holek logoilo anggagarek.

AMSAL 19:28

Ineranhogo wene lalogo yagaisugu halok andi re wene melalek andi sebelogo fagarek, afuni weagerogo fisagarek mene andi re ap ina'mage werek mene nen he mondok fano mene anggagarek.

AMSAL 19:5

Ap wene sikhiphogo palharek oba andoma nen ineranhogo wene agarek mene andi re, oba unggum fugunem korologo wokhagain mondok lek.

AMSAL 19:9

Ap wene tiphogo pilingitarek oba omanogo nen ineranhogo wene agarek mene andi re ebe unggum woge'luk eiloak leget fogoin.

AMSAL 21:28

Ap lalinaferek mene nen fageterek mene andi re eberogoat iluk angga lek hak, meneat he, afuni it ekhe yi'nogo ti'nogo inelu mene nen agarek mene halok enek he elok futfuluk wanu hak.

AMSAL 24:28

Erole'ma u lek kwelek oba nen it ekhe ineilhanem hineranen wene u fuk, at andi faget anggomorogo u fugat.

AMSAL 25:18

Ebe eberogo lek kwelek oba nen inoba hikhibet haluk enggin mene inoba fagarek mene andi re, sige kabelek inom, martelu ba inom, tok oba inom, inoatarek higit werek.

AMSAL 25:23

O sogoi abel utara fikhiren funha wagarek mene andiba meiso waluk wagarek, andi hakhogo aben it ekhe hilingik mene faget inabok tindelharek mene andi re ambisangma yei wene palharek.

YEREMIA 20:10

It afuni ekhekwe-ekhekwe mondogat inane nguluk habuk ikhi logolik, ”Yikwe tikwe mondogat youk kwelaklagama inailo nek agasik inoak leigeri'lagwi o! Niren at ari faget ap inalong werek inap inoba yagaisa louwogo!” iluk ili'lagwi. Nen, it an ninom fano hundik welago mene nen ogore, at ki sambul weak hilingisigin iluk nenangot nafu weregat. Iren ikhi logolik, ”Niren nina'mage lagagunem sebelhikhi lago mene oma faget ambisangma at oba ogo hilingfogoin o, oba nen he niren at endawinggen wanimbik hilingisugun oba nek he, elok mabenet fogoin o,” iluk ili'lagwi.

IMAMAT 19:11

Yogot wanhik, lalinafik, hineranen wene yagaisigik, ikhi logogun lego.

IMAMAT 19:16

Hineisena Tuhan he, Anat andi nen, hit hinobabut hilingisugun oba nen afuni hinom welagep mene ekhe wa'lasinogo iluk, afuni hit mene ineilhanem at ekhe abok weak ilik-ilik wialogo fogoin mondok lego.

MATIUS 19:18

at ap a'nogo nen he, ”Wene andi ebe ninggi'nogo mene faget egen,” iluk, heinok wokhasikhemo, at Yesus nen he, ”Wene andi Allah nen mel isikhe: Afuni inebe inoasugun lego. Pailak hilingisugun lego. Yogot wanugun lego. Hineranen inabok palugun lego.

LUKAS 19:8

at Zakheus a'nogo menlagaikhesik he, Yesus oba mel yagatikhe: ”Noe! An nangge yi mene ti mene mondogat tulem heirogo minggilogo re, it afuni inenggi lek mene andi sumburisagain. Nen, an nen afuni nera nen lalinafi mene halok he, onggo nenggi 4 oba nen hobuk oba loukhogoat wogisagain o,” iluk yagatikhe.

LUKAS 3:14

A'nogo yagaisasikhemo, it ap tentara mene wagaukwasik he, mel yagatukwa: ”Nit ogo re, ninobabut ninggi'nogo hilingiti logogun,” isukwama re, at Yohanes nen he, ”Afuni inagarek mene wokhisoageluk hinane ninghogo yagaisigik, hineranen wene inoba fuluk inarupiah heligik, ugun mondok lego. Athe, yabu hilingiti lagep higithogoat, onggo gaji wokhisili'lagwi andi, elogat wo'nisaga, iluk hinendawinggen yamukhogoat wanhi logoino o,” iluk yagaisasikhe.

YOHANES 7:51

”Ap yi sani. Wene Allah nen komotninafikhe wene andiba re, ap ekhe ane inesanggo holhi'legat, nen, at hilingite mene wene ero tukhumhogo inonggot logoligat he, wene tak pikhit oba fogoin, iluk isikhe nogo? Lego,” iluk yagaisasikhemo,

ROMA 3:8

It afuni ekhe nen he, ”Paulus lagen mel ili'lagwi: Nit weak hilingitunem wurep oba Allah fogerasuageluk, weak hilingiti logouwok,” iluk, ineranenat kagalogo ninabok pali'lagwi andi. Afuni a'nogo agarek mene andi re, Allah nen wene inoba fou hagat fagain o.

EFESUS 4:25

Nit mondogat ninebe at Kristus enggi eisok hangge ninom hundik welago andi nen he, ineranen agarek mene andi herakfisaluk he, hinerugwi hinagaila'lak hinom hinane eberogoat mene nek ikhi logoino o.

ULANGAN 5:20

Afuni amu mene inoba hineranen wene hikhiberisa fuk.

2 TIMOTIUS 3:3

afuni inebe inendawirogo welagi'lek inabirat welagik, it ekhe inom weak hilingi'luk sebelogo herakfisaluk logou re, inabirat welagik, inabok weak palhik, inobabut lagokhogo hilingitik, inobabut harorogo hilingitik, fano mene hilingisu inabit logolik,

1 PETRUS 3:16

hinane liokhogo hai warogo yagaisikhi logoino. A'nogo yagaisikhi logolik, hinendawimo nen he, ”An wene noba selego,” iluk anggikhi logolik, Kristus hinom hundik logolik, fano hilingitunem, afuni nen hinabok weak palugun mene andi ineilenggen hisaluk inenggali asuguno.

WAHYU 12:10

A'nogo mabenet fisaluk, pelakfisa wagama, pogoroba nen inane hokhorogo mel ugunem holhi: ”At andi nen Allah eilhanem eranenat it ninerugwi ninagaila'lak linggene hubanggo wene inoba fugu mondok welagarek mene a'nogo arat mabenet fisaluk ebe wulakfisaga andi fano o. Nineisena Allah Enupogot ebe kain logolik, telninabuageluk Kristus menfesikhe a'nogo, yi mene ti mene mondogat eisewerek logolik, emberek inomame agaikhasik telninafasik, inawe a'ma arat ninobagaga yi o.