KELUARAN 22:9 - Allah Wene Fano Wene Hupla Inane

⁹ Wam sapi hea, keledai hea, domba hea athe su labetu mene hea, longgo ugunem herasugun mene faget inane sagalek pilili ikhi logolik halok he, ap ekhe nen andi an nangge iluk igin mene andi re hondo'luk he, wene kabogetunem omanogo fisa waga logogun. Fisa wagunem Allah nen ikhi logolik: ’Ap yi nen weak hilingite,’ igin mene andi re, aren onggo altap pireba angge eisewerek mene a'nogo wogeti logogin.

KELUARAN 22:9 ပူးပေါင်းရင်းမြစ်များ

KEJADIAN 31:39

Mene aik anini mene nen senggelhu mene ogo, hat hambit ekhe waluk waga lagagi fuk, we an nen obali'mo fikhi lagagi. Hubanggo inom linggene inom afuni nen hinatu mene faget he, hat nami nen obali'mo fein iluk yaganeti lagagin.

1RAJA-RAJA 8:31

At ekhe nen, it ekhe weak hilinginafemo iluk wene oba fuluk, ebe waluk wagunem, wam yi mene ti mene Hat faget nolheti logogun oba obuluk hawi wuri'mo werek yiba wagunem, aren he, An weak ekhe hilingiti'lek, iluk Hat henu hombuk paluagaluk wagunem,

2 TAWARIKH 19:10

Wene hilingiti logogun mene andoma ebe re yi'nogo: Wene warek faget inom, wene melalek werek mene a'nogo sagalogo fugu halok faget inom, wene yi'nogo ikhi logogun iluk palogo werek mene omanogo taganhogo hilingitu halok faget inom, it hinagaila'lak o kota ale'ma nen hit hinambit waluk kwi wagu halok he, At Tuhan en, hit inom, it inom, a'mage hinoba feinogo re, hiren hilingiti logogun mene andoma inelu asuageluk mondok fani fanorogo yagaisugu nogo. A'nogo hilingisugun oba re, iren Tuhan oba weak hilingisugun lek. Hiren wene melalek yi higithogo hilingiti logogun halok he, kwanirek mene hilingisugun lek andi.

KELUARAN 22:10

Walhigik he, ap ekhe nen angge keledai hea, anggo sapi hea, domba hea, athe aren tari'lagongge we amu mene ogo, at are nen mene ekhe kulhunemen wam a'nogo aben ineilenggen higi'le'ma nen wa'lasigin halok ogo, nen agap oba agambut palek logogin halok ogo, ap selei mene nen telogoin halok ogo,

KELUARAN 22:28

Hiren hinaneweak Tuhan oba fou fuk, hit hinunggulenu mene hinanggele'ma andoma hinogogwi fethinarek mene inoba homan fisa fuk.

MATIUS 18:15

At Yesus nen a'nogo yagaisasikhesik ekhe mel yagaisasikhe: Hat ekhe herei hagaila'lak ekhe nen weak hilinghafe halok he, hat at oba lambik hemberek hinalegat logolik he, ”A'nogo hilingi-sugun elo'lego,” iluk fakhogoat komo'no. A'nogo komotunem esanggo holhe halok he, fakhogo legetfisambik hemberek fano asugun.

MATIUS 18:35

Andi hagat, hit hinerugwi hinagaila'lagen weaget hinabi'lagwi mene andi hinendawinggen enat sebelogo legetfisigi'lek halok he, an neisena pogoroba mene nen a'nogo hilinghinabigin aro,” iluk yagaisasikhe.

ULANGAN 25:1

A'nogo yagaisasikhesik he ekhe mel yagaisasikhe: ”Hit afuni Israel mene inebe pire, at ekhe nen wene at ekhe oba figik, at ekhe nen at ekhe oba figik ikhi logolik, ap wene inoba figik kotik agarek mene inoba lagunem, iren pilinget fuluk he, at ekhe weak hilingiti'lek, iluk wene oba koti logolik, at ekhe hak weak eberogoat hilingitemo, iluk wene oba fuluk, iren he, helokhe sogoum weinglame o, iluk yei at weak hilingisigin higithogoat inenggi wenagaisogo wati logogun.