KELUARAN 22:30 - Allah Wene Fano Wene Hupla Inane

³⁰ nen fena sapi, domba eagwi ai mene attak tasigin mene halok inom An wo'neti logogun. Wam eak attak tasigin mene ai mene andoma re, inenggi 7 nen andi, agaisa inom wela'luk he, inenggi 8 meneba andi nek he An wo'nesi wesugun.

KELUARAN 22:30 ပူးပေါင်းရင်းမြစ်များ

KELUARAN 13:12

hiren hinomalik ap manggusa mene inom, nen yi wam ti wam eak attak ta'lasigin mene inom, Tuhan faget fisikhi logogun. Mondogat andoma re Tuhan onggwarek mene.

YEHEZKIEL 4:14

A'nogo ikheba nen he an nen onggo yagati logolik, ”Eige, Tuhan Mondok Lego welagen mene neisena! An nebe yenggere'ma nen pikhit yogondak welagi huli nen he nunggu mene saliok weregengge wam warek mene a, mene olomene aigando a, andomaba nen an nebeba weaget fakhigirek mene ekhe werek lego, nen nunggungge saliogengge anggagarek mene andoma an nen ekhe nunggu aplere legaro,” iluk igi.

IMAMAT 11:44

An hineisena Tuhan Allah nebe An namuat welagimo, An nebe mondok horek welagi andi hakhogo hirogo mondok horek meneat logoni.

IMAMAT 11:45

An horek mene welagi hak hirogo horegat logoni. An nebere Tuhan, hit o Mesir en wokhinarek wulibi wagagi mene a'nogo Anaro.

IMAMAT 12:3

Linggene inenggi 8 meneba nek he, omalik a'nogo agap enggalimo mene palhi logogun.

IMAMAT 17:15

Afuni Israel mene ogo, it pok mene ogo, misik ekhe nen yi mene ti mene amu waregengge a, mene olomene nen senggelek mene a, eino ekhe nunggu halok he, at andi asu sobalaluk ebe inom kume warogo nenangorogo werek kwelek mo ubuk ugunem enek he, ap a'nogo ebe horek mene aga logogin.

IMAMAT 22:8

Hineisena Tuhan Anat ma re, ap andi nen wam amu wa'lagu mene inom, olomene nen senggelhu mene inom andi eino iluk ogo endep ekhe nanogo. Nen, at nagain halok he at ebe emerek mene asigin.

IMAMAT 7:23

”It afuni Israel mene halok he, domba asei halok ogo, sapi asei halok ogo, kambing asei halok ogo ekhe ninggi logogun mondok lek.

IMAMAT 7:24

Wam amu wa'lagu mene asei ogo, nen mene olomene hak mene nen senggeligin mene asei halok ogo, amu mene faget he hilingisugun fano meneba nen he hit hinebe re na fuk.

IMAMAT 7:26

Hit afuni Israel mene amu kwe logolik mene ogo re wam, paik, yi mene ti mene amep inom, sue amep inom he ninggi logogun lek.

ULANGAN 14:21

Hit he At hineisena Tuhan Allah obaget mondok horek mene welagepma re, sue, paik yi mene ti mene amu wa'lagu mene andi re hit ninggi logogun lek, oba nen he it ap pok mene hit hinaggelekwe werek mene noageluk wogisigik, nen it pok mene inoba onggo hunirigik ikhi logogun fano. Wam domba eak halok inom kambing eak halok inom he onggwarek agaisa eilak amusu meneba isati logogun mondok lek,” iluk yagaisasikhe.

ULANGAN 15:19

Andi isikhesik hobuk yagaisikhi logolik, ”Wam sapi, domba, kambing, eak ai mene attak-attak tatu mene andi re At hineisena Tuhan Allah obaget fikhi logoino. Wam sapi re yabu hilingisuageluk oroa'ma kweang habulherek mene heleba perelogo homakfuluk hilingitarek mene a'nogo re hilingisu fuk, nen domba andi ogo esi palu fugat.