KELUARAN 22:23 - Allah Wene Fano Wene Hupla Inane

²³ Hiren hinanini it inoba fikhi logogun halok he, iren lebetninabin o, iluk inane kweti logogun mene andi An Tuhan nen nesanggo holhi logogin.

KELUARAN 22:23 ပူးပေါင်းရင်းမြစ်များ

AYUB 34:28

It inobabut hilingitarek oba re afuni inenggi lek mene omanogo nen inendawi warili'lagwi mene omanogo re At Allah nen esanggo holherek.

AYUB 35:9

Afuni sebelogo fisagarek mene omanogo re neneik eri'lagwi, nen iren he lebetninapni agwi iluk he inane kwetu werek.

MAZMUR 10:14

Ariginik oba nen he, Haren heilenggen mondogat isikhi lagen, Haren he afuni enggin-fenggin hugu werek mene inom, anggolorogo hikhi logolik werek mene inom, futfisikhi logolik, leberisagain iluk fik-foukhogo nek welagen. Afuni it inamu nen hilingisu elo'lek mene re inebe Hat hoba wokhetarek, nen Haren he afuni inenggi lek mene hundik handik leberisikhi lagen.

MAZMUR 140:12

Afuni inobabut aferogo nek hilingitarek mene andoma enggin-fenggin mene nek inoba asi waga logouwak, it ap inabok weak palharek mene andoma kweangma yoma logouwageluk herakfisogoin hanogo.

MAZMUR 145:19

Aren he it afuni At oba inailorogo welagaikharek mene inoba re, inendawimo agaiyek mene hilingfisigik, iren inane hombuk palhu mene esanggo holhik, inebe telogo fisigik, ikherek.

MAZMUR 18:6

Wa'lagaikharek mene a'nogo nen he an haningisogo kwelaknabi weri'lagwi, nen wa'lari'lagwi mene andi re hele wepsek were'ma hakhogo an neralukwe a'nogo wepsek logolik werek.

MAZMUR 68:5

At Allah obaget awuni watik, At enu legeisogo figik, ikhi logoni. At ebe anggulok oba weri'lago andi faget ebekwe yati logoni. At andi enu re Tuhan, At elokhoma nen hinagaiyegeti logoni!

KELUARAN 22:27

Su we misigenek mene hilingi'mo, ebe aganhanhogo iluk, andiba huli'liphogo nogoli'lagonggere, nen hiren at onggwarek wogosugun lek halok, at nogokhi logolik he nenanggeba huli'liphogo nogogin anggegep? Aren lebetnean o iluk An noba ane kwesigin mene andire, An nen elagaik hambik ane nesanggo holigin.

RATAPAN 5:3

Nit nineisugwi re it ninaselei mene nen inoata, yogondak nit ninagaisawi re sogwe nek agaikhasik werek, nen nit he suarek mene welago.

LUKAS 18:7

Andi hangge, at Allah nen againafuri wenagaisogo fisasikhe mene halogen linggene hubanggo inane ninghogo ayonggo fugu halok he, elele woginabigin lek nogo? Inane konhi logombigen, hobuk halok elele woginabigin nogo?

ULANGAN 10:18

At he, yenggerugwi suarek mene inom, hemi sogwe mene inom, afuni ekhe nen weak hilinginafi'lek higithogo hilinginabuagaluk it inebikhit agarek. Andi nen, ap pok mene nit ninom welagorek mene andi endawi mondok logolik, inamburu nunggu mene inom, inasu laberugu mene inom, wogisikherek.

ULANGAN 15:9

Hiren wenggelu weak mene andi hinendawimo kumo tahun oak wogisagarek oba a'nogo arat horok agama iluk ombalegengge a'nogo oak wogetu aple herak fisogoin andi re fuk. Hiren ap a'nogo ombalegengge wo'nom iluk kino ikhe mene wogosugun lek halok he ap andi nen hineisena Tuhan oba a'nogo hilingita iluk eluet foumo, hit afuni yi kwanirogo hilingitarek mene iluk anggogoin andi re weak.

ULANGAN 24:15

We, hinenggi kamo igi'lek o ebe lombok, it inenggi onggo wogisugunem yi mene ti mene higit wanu were'ma yabu lebethisaga mene andi, o mo ubuk igi'lek werek kwelegat inenggi onggo wogisikhi logoino o. A'nogo meneat he, it inenggi onggo wogisigi'lek halok, hiren it inenggi onggo wogisoagaluk he, iren nineisena Enupogot kino yagatunem, Allah nen, Hit weak hilingitep, iluk wene hinoba fagain o.

YAKOBUS 5:4

Hinagoromi hineranenat yabu hilingisuageluk inayonggo fuluk athe, inenggi onggo wogisigi'lek munenikhi lagep andi nen, iren he, ”Ninenggi onggo wo'nisawem!” iluk inane hokhorogo ili'lagwi andi holini! A'nogo hilingiti lagepma it inane andi ninoe Enupogot omame hokho a'nogo esanggo holhesik werego.