KELUARAN 22:20 - Allah Wene Fano Wene Hupla Inane

²⁰ Afuni nen An Tuhan nobaget enek wam warogo fikhi logou meneba nen, iren kembu ilah inobaget wam warogo fugu halok he ebe pinggi wa'no.

KELUARAN 22:20 ပူးပေါင်းရင်းမြစ်များ

ULANGAN 18:20

A'nogo meneat he, ap An nane yagaisikherek mene An nen, yi'nogo ino, iluk yagati'le'maat ailo'lek wene endawimo anggaluk An nenu hombuk palogo yagaisugu halok he, ebe mondok wa'no o. Andi hak it ap An nane, yagaisikhi logou hak, iren, Nineisena ebe andi aro, iluk agarek mene ekhe enu uluk yagahisogoin halok he, inebe inoa'no aro, iluk isikhe andi.

BILANGAN 21:3

A'nogo yagatukwama, At Tuhan nen afuni Israel mene nen kino yagatukwa mene andi inane esanggo holhikhesik he, leberisasikhemo afuni Kanaan mene omanogo mabenetfisasukwa. A'nogo mabenetfisasukwasik logolik, inebe inom inawi kota inom mondok wulil tagalogo legetfisasukwasik, o andoma enu Horma salhukwa.

KELUARAN 32:8

Iren An nane sagalogo herakfisagasik, hunogoat mene ekhe hilingita o. Inalilingge emas mene lebelekhogo weragaisogo tugwi kembu sapi hangge ekhe hilingitasik he, anggo warogo endu noletasik fogerata o. A'nogo fogerati logolik, mel aga: Tugwi kembu Allah hangge o Mesir en wo'ninarek waga mene ebe yi o, iluk aga.

KELUARAN 34:15

It afuni andoma nen, inandugwi kembu anggo waresimbik fogerasugun andi sambul he, iren yagahisikhi logolik, hit ninom fogerasuogo, iluk hinendawimo kagalumo, hinom a'nogo hilingisugun andi nen he, hiren he, ninom yi'nogo hilingiti logouwok, iluk hinom wene ekhe watubo.

IMAMAT 17:7

It afuni Israel mene halok he hundik-handik Tuhan oba himbirik logolik enek logogun. Nen, hiren we misigam iluk ogo ekhe yi wam ti wam nen yi mene ti mene yabumo warek mene munggwat jin-jin inafe hebelek logolik inanini mondok weak mene iluk inobaget wam warogo fisa fuk. Wene melalek yire fanorogo holfuluk higithogo hilingiti logolik enek logogun.

1RAJA-RAJA 18:40

A'nogo hilingitukwama, at Elia nen he, mel yagaisasikhe: ”Ap tugwi Baal ane yagaisagarek mene aroma inebe ekhe herakfisigi'lek felelenghogo fakfisani o,” iluk yagaisasikhemo, it afuni omanogo nen ap tugwi kembu Baal ane yagaisikhi lagaukwa mene omanogo inebe fakfisasukwama, at Elia nen it omanogo i Gison ima woginarek lagaikhesik, inebe mondok felelenghogo inoatikhe.

2 RAJA-RAJA 10:25

At Yehu nen wam warogo nolhikesik aremnogo wulibi wagaikhesik it kagalek welagaukwa inap inom, it ap sikhe fisogo mene inogogwi perwira omanogo inom inoba ikhi logolik he, ”Hit hinebe kuluk it afuni andoma inebe mondogat inoa'ni o, nen, misik ekhe ineluk fisa fuk!” iluk yagaisasikhe. A'nogo isikhemo re it a'nogo inenggarok fing-fang kwi lagaukwasik he afuni andoma welagaukwa mene omanogo mondogat inoatukwasik inebe warek omanogo lirinarek wulibi wagaukwa. A'nogo hilingfuluk iren kembu awi a'nogo ambe palek elonggoma kwi lagaukwasik,

2 TAWARIKH 15:13

Iren ikhi logolik he, ”Ap ogo, hemi ogo, yaman mene halok ogo nen souge mene halok ogo, Tuhan endawimo anggili'lago mene hologo higithogo hilingitu lek halok he at oba wene fuluk ebe pinggi wasugun o.”

YEHEZKIEL 20:7

An nen it inandugwi kembu elalhigik werek mene mondogat hebak nafe mene omanogoba nen inagaiyekhogo hilingiri'lagwi mene omanogo hugisoageluk yagaisasigi, nen ekhe re An nebe it ineisena Tuhan Allah welagimo re, iren kembu Mesir mene fogerati logolik inebe emetfakhaga hanogo, iluk yagaisasigi.

KELUARAN 23:9

Hit attak he, ap pok mene hakhogo hilinglagagipsik o Mesir welagipmo re, ap pok mene a'luk logolik hagarek aple andem he hit mondogat hinelurek, enggere ap pok mene inoba hit hinendawimo anggikhi lagep Mene nek hesangge hilingfisa fuk,” iluk yagaisasikhe.

IMAMAT 19:33

Ap pok hit hinaiba welagaikharek mene andi weak hilingisogo fisagubo.

ULANGAN 10:18

At he, yenggerugwi suarek mene inom, hemi sogwe mene inom, afuni ekhe nen weak hilinginafi'lek higithogo hilinginabuagaluk it inebikhit agarek. Andi nen, ap pok mene nit ninom welagorek mene andi endawi mondok logolik, inamburu nunggu mene inom, inasu laberugu mene inom, wogisikherek.

ULANGAN 23:8

It ta'lagaikha huli henaganek mene erembul fikhit ta'larik logoin mene andi re, An hineisena Tuhan Allah nagainafuri asugun fano,” iluk yagaisasikhe.

ULANGAN 24:17

Nen, hiren ap pok mene inangge inom, yenggerugwi suarek mene inangge inom hinenggi abisak heligik, nen hemi sogwe mene inasu hobuk wogisogoin iluk aninurogo fisogo welagik ikhi logogun mondok lego.

MALEAKHI 3:5

At Tuhan Omame Mondok Hokho mene a'nogo nen ikhi logolik, ”An hobuk wesigin andi re hit wene hinoba figik kotik igiluk wesigin o. An he afuni hareise higirinafarek mene inom, pailak hilingitarek mene inom, ineranhogo wene fagetharek mene inom, ap yabu hilingitu mene faget onggo wogisikhi logolik henarogo hilingitarek mene inom, nen, hemi sogwe hea, yenggerugwi suarek mene hea, afuni pok mene hea inenggi omameba sebelinarek welagaikharek mene inom, it afuni An agaugwet nobagagi'lek hilingitarek mene inom mondogat ineilhanem it hilingiri'lagwi mene andoma An neilenggen kwelaginarek logogin nen. weak-weak wesigin o,” iluk yagaisasikhe.