KELUARAN 21:1 - Allah Wene Fano Wene Hupla Inane

¹ It afuni miminginafu mene andi faget Tuhan nen Musa oba ikhi logolik, ”Afuni Israel mene inoba wene melalek yi yagaisan:

KELUARAN 21:1 ပူးပေါင်းရင်းမြစ်များ

1RAJA-RAJA 6:12

”An nen he, yi'nogo hilingi'no, iluk komothinafigi mene andi, haren mondogat hologo hilingisigin halok he, An nen heisena Daud yagati logolik, yi'nogo hilingisigin, iluk wene waretigi mene andi, ebe hat faget hilingisigin o. Haren An nawi afuni Israel mene inanggele'ma wuten yi, An nebe inanggele'ma logolik, it herakfisaluk wele'ma lagain mondok lego,” iluk yagatikhe.

2 TAWARIKH 19:10

Wene hilingiti logogun mene andoma ebe re yi'nogo: Wene warek faget inom, wene melalek werek mene a'nogo sagalogo fugu halok faget inom, wene yi'nogo ikhi logogun iluk palogo werek mene omanogo taganhogo hilingitu halok faget inom, it hinagaila'lak o kota ale'ma nen hit hinambit waluk kwi wagu halok he, At Tuhan en, hit inom, it inom, a'mage hinoba feinogo re, hiren hilingiti logogun mene andoma inelu asuageluk mondok fani fanorogo yagaisugu nogo. A'nogo hilingisugun oba re, iren Tuhan oba weak hilingisugun lek. Hiren wene melalek yi higithogo hilingiti logogun halok he, kwanirek mene hilingisugun lek andi.

NEHEMIA 10:29

”Ninebe mondogat ninogogwi kaindek ninom lambukhogo logolik Allah enu hombuk palogo mel ogo: Allah nen komotninafikhe wene, at amingmingengge Musa yagatikhemo aren yaganisasikhe wene andi hologo higithogo hilingiti logogun. ”Yi'nogo hilingiti logogun,” iluk Allah enu hombuk palogo ogo andi hilingiti'lek halok, Allah nen homan ninobagauwago. Nineisena Allah nen, yi'nogo hilingi'no ti'nogo hilingi'no, iluk komotninafikhe wene andi mondogat hologo higithogo hilingiti logogun, iluk at enu hombuk palogo ogo andi,” iluk isukwa.

MAZMUR 147:19

Aren awene melalek menfikhe mene omanogore at Yakub yagatikhe, nen wene yi'nogo hilingiti logoino ti'nogo hilingiti logoino iluk werek mene omanogo re, againafuri Israel mene onggwaregen wenago mene omanogo inoba yagaisasikhe.

KELUARAN 19:7

A'nogo yagatikhemo at Musa pi wagaikhesik he, afuni Israel mene inogogwi andogosi wesuagaluk wolisasikhemo andogosi wagaukwama re, nineisena Tuhan yi wene ti wene yagatikhe mene omanogo mondogat yagaisasikhe.

YEHEZKIEL 20:11

Andoma nen An nen nawene melalek wogisigik, nen afuni wene melalek hologo hilingitarek mene re ineluk mondok werek enggere, wene yi'nogo hilingi'no ti'nogo hilingi'no iluk yagaisasigi mene omanogo hologo nek hilingiti logouwageluk hilingitigi.

YEHEZKIEL 20:25

Andi hilingitu nen he An nen wene melalek weak mene inom, yi'nogo ti'nogo hilingi'no iluk melalek mene omanogo ineluget inaferek lek mene inom, wogisasigi.

IMAMAT 18:5

Hineisena Tuhan nebere Anat. Nen, hiren An nawene lisu palogo wokhisigi mene andi inom wene melalek yagahisigi mene andi inom tiphogo nek hilingiti logogun. A'nogo hilingiti logogun halok he hineluk hinagap telek mondok logogun,” o iluk isikhe.

IMAMAT 19:37

Hineisena Tuhan, Anat andi nen he, An nen, yi'nogo hilingiti logoino, ti'nogo hilingiti logoino, iluk yagahisigi mene andi mondogat higithogo hilingiti logoino o, iluk ikhe yagaisano o,” iluk yagatikhe.

IMAMAT 20:22

Tuhan nen ikhi logolik, ”An nen wokhinarek lagain oba o Kanaan andoma nen mugusogo wulak hinabi nogore, An nen nawene melalek inom yi'nogo hilingiti logoino ti'nogo hilingiti logoino iluk yagahisikhi lagi mene andi furogo holfuluk hilingiti logoino.

MALEAKHI 4:4

An namingmingengge Musa nen wene yagaisikhi lagaikhe mene omanogo wenggelhikhi logoino. Wene melalek inom, wene yi'nogo hilingi'no, ti'nogo hilingi'no iluk palek werek mene omanogo inom, it afuni An nagainafuri Israel mene inebe mondogaren hologo hilingiti logouwageluk attak tom Sinaiba nen wogetigi mene omanogo ebethikhi logoino.

BILANGAN 35:24

Wene a'nogo mene faget halok he, afuni hokhorogo kaboge'luk higithogo pilingisugun fano, ap wasigin mene a'nogo inom ap unggulmo wasugun anggugu mene a'nogo inom, ayo wurinabugun.

BILANGAN 36:13

Afuni inunggulenu Israel mene o Moab tonggoma i Yordan aik oba nen, o kota Yerikho horokhogo aremnogo welagaukwa huli, Tuhan nen awene melalek inom, yi'nogo ti'nogo hilingiti logogun mene iluk inom, afuni Israel mene inobaget Musabene nen yagatikhe mene re andoma.

ULANGAN 15:12

A'nogo yagaisasikhesik ekhe yagaisikhi logolik, ”Afuni Israel mene nen ekhe aben ogo helime nen ogo, an inamingmingengge logogin iluk hit hinoba ebe onggo palhikhe halok, at andi ebe tahun falfaligen andem he hat heabu hilingitu logogin, oba nen he tahun sabit mene halok he lologo wulak fisano.

ULANGAN 4:14

Nineisena Tuhan nen, Iren he, o it hobuk sebeli kwimbik logogun oba andoma logolik, wene komotninafikhe wene andi hologo mondok hilingiti logouwageluk yagaisano, iluk yaganetemo nen yagahisigi o,” iluk yagaisasikhe.

ULANGAN 4:45

Wene andi a'nogo hilingitukwa andi re, it inebe o Mesir en mondogat wulibi wagaukwasik i Yordan abel fena mo liabi wagarek fikhit tonggoma o kota Bet-Peor amik higithogo asi wagaukwasik wogisasikhe. O andoma re o attak hun Sihon it Amori mene inobaget inoe raja logolik attak at o kota Hesybon halogo fisikhi logolik, sebelinarek welagaikhe kwe. At Musa inom it afuni Israel mene inom o Mesir en wulibi waga logolik mabenet fisasukwa kwe omanogo.

ULANGAN 4:5

An nen, wene nineisena Tuhan Allah nen, yi'nogo hilingi'no, iluk, komorogo yaganisasikhe hagat mondogat yagahisigi o. Hiren he, o kugun oba andoma sebeli kwimbik logolik, wene andi mondogat hologo hilingiti logoino.

ULANGAN 4:8

Nen, wene Allah nen komotninafikhe mene andi inom higit mene, yogondak an nen yagahisikhi lagi mene yi, afuni inunggulenu hokho o koma mene inawene yi emberek higit ekhe werek nogo? Mondok legaro.

ULANGAN 5:1

At Musa nen afuni Israel mene felelenghogo kaboget fisasikhesik he it yagaisikhi logolik, ”Nerugwi nagaila'lak wene melalek An nen yogondak yagahisagain mene yi hinesanggo fanorogo holinio. Wene andi fi-furogo yanggul fuluk higithogo hilingiti logolik oba tiphogo nek hilingitu nogo.

ULANGAN 5:31

Andiba nen, Musa, hat enek he nekhengge yoma wesumo An ninom logogun. Logolik he, An nen Nawene melalek inom, yi'nogo ti'nogo hilingiti logoino iluk werek mene a'nogo inom wokhesigin. It inanggweang wogisagain oba andoma logolik wene andiba nane hologo hilingiti logouwakhogo re it inoba yagaisano.”

ULANGAN 6:1

At Musa nen he, it afuni Israel mene ekhe mel yagaisasikhe: ”O hit hinenggi welagi'legat kwimbik logogun oba andoma logolik, wene nineisena Tuhan Allah nen komotninafikhe wene yiba re, ilren higithogo hilingiti logouwagen yagaisan o, iluk yaganete.

ULANGAN 6:20

Hobuk hit hinagainafuri nen he, Nineisena Tuhan Allah nen, Wene komothinafi wene andi mondogat hologo higithogo hilingiti logoino, iluk yaganisasikhe andi nenahalok?

1 TESALONIKA 4:1

Nerugwi nagaila'lak. Wene wurep oba ekhe yi yagahisak. Nit ninoe Enupogot Yesus nen: ”Hinobabut Allah endawimo fanorogo, yi'nogo hilingiti logoino, ti'nogo hilingiti logoino,” iluk, isikhemo yagahisa wagagu a'nogo hinelu. A'nogo yagahisasugumo, hiren a'nogo hilingiti lagep meneat he, hobuk ekhe inomat hokhorogo hilingiti logobagaigeluk ninoe Enupogot Yesus ninom hundik logolik komorogo yagahisigi andi.