KELUARAN 20:7 - Allah Wene Fano Wene Hupla Inane

⁷ An he hit hineisena Tuhan Allah welagi andi nen, afuni ekhe An nenu we tulemat ikhi logogun mene andi unggum inoba fagain enggere, An nenu alomarogo ikhi logogun mondok lego.

KELUARAN 20:7 ပူးပေါင်းရင်းမြစ်များ

KEJADIAN 27:20

A'nogo yagatikhemo, at Ishak en he, ”Namlogo e, weak-weagat heilmo agama andi nailo e,” iluk yagatikhemo, aren he, ”Nineisena Tuhan Allah haren fogeratendek mene a'nogo nen neilmot fikhemo o,” iluk yagatikhe.

1RAJA-RAJA 2:9

A'nogo meneat he at weak hilingiti'lek, iluk wene oba koti logogun o. Hat hendawinggen mondok kagalek welagen andi an nelu o. Andi nen he, at ebe yaman iluk herakfigi'lek wa'no,” iluk yagatikhe.

2 RAJA-RAJA 5:20

at Gehasi Elisa amingmingengge a'nogo endawimo nen he, ”Ah, an noe nen, Naaman yagati logolik, onggo wo'nesigin lek, iluk herakfisikhemo laga andi nenahalok? Ap Siria mene andi nen onggo an noe wogosumo wanu re, elok meneat herakfisikhe andi ri! Nineisena Tuhan Eluk Mondok welagarek mene a'nogo oak. At Naaman nen yi mene ti mene ekhe an wo'nesuagen he, an ombo'ne humusek murok lagain,” iluk anggasikhe.

MAZMUR 139:20

Iren habok ikhi logolik, ”At weak ikherek,” iluk, ineranen wene mondok agarek. Hawi kota enu igisogo, ineranen wene hombuk palharek.

AMSAL 30:9

Nen an nenggi werek agi halok he, an nen ikhi logolik, an he, Hat ninom hundik logou re nabit igi hanogo. Nen an nenggi lek mene agi halok he, an nen afuni inangge hinasumo nen he Hat henu sebelogo figi hanogo o,” iluk isikhe.

YEREMIA 34:16

A'nogo hilingitigipmo re it pemerintah Yehuda ba nen inom Yerusalem oba nen inom, raja were'ma pegawai werek mene omanogo inom, imam inom, hit hinanggweang halharek inap inom, nen hiren wene watigip mene a'nogo eberogo iluk hilingiti logolik, wam sapi warogo senggelogo pire hibit fagasik he it inebe tulem kwe a'nogo soganeta. Oba nen hiren hobugen hinendawinggen agametepsik An li'norogo nobagakhi lagep. Nen it hinamingmingengge inendawimo anggili'lagwi mene higithogo lologo wulaginabi wagagip mene omanogo hiren nekhengge hinomameba hinamingmingengge mene asuageluk woginafi lagep. Andiba re An Tuhan nen nane ikhi logolik, hit he An nawene melalek a'nogo taganhogo hilingiti logolik An nen yi'nogo hilingisigin iluk isigi mene a'nogo hologo hilingiti lagep lek. Andi erore hiren An ap hit hinunggulenu Israel mene andoma lologo fisikhi lagep lek andiba o. Ma re yogondak he An nen hit hinoba hinonggwaregen wenakhobagaigeluk yagahisikhi lagi andi. Hiren weim ambisangma nen wa'lagu mene hinendawi a, athe sumburu nele nen hea, athe ou amben weak mene nen hea, An nen he hiren sapi andiba hilingitep andep hakhogo hilinghinobagagin andi. An nen he it afuni inunggulenu kweangma yoma nen inamel-melhogo kwelagisagarek mene andi hit hinoba hilingfagain o.

YEREMIA 4:2

Hiren a'nogo hilingiti logogun iluk An nenuba hombuk palimbik, hineluk higithogo welagik, katokhogo hilingitik, eberogo mene nek hilingitik, hilingiti logogun halok he yi afuni ti afuni inunggulenu lombogen he An nen it fanoabet fisoageluk kino yaganeti logogun o, nen iren he An foget nobagakhi logogun aro,” Iluk ikhe isikhe.

YEHEZKIEL 39:7

Oba nen he afuni Israel mene inanggele'ma andoma re, An nenu horek mondok welagirek mene a'nogo weinamet fagain. Nenu andi re ekhe inom weagerogo fogoin lek. Andiba re yi afuni ti afuni inunggulenu lombok omanogo nen An Tuhan Allah, Israel mene ineisena horek mondok welagi mene a'nogo inelu asugun,” ikhe.

IMAMAT 19:12

Hineisena Tuhan Allah re, An nebe aro. Ma re An nenu weagasu hak andi nen he, hiren afuni yi mene ti mene abok yagaisikhi logolik, hinendawimo nen, Wogosigin lek, iluk anggikhi logolik halok, An nenu hombuk palogo abok yagaisogoin lego.

MALEAKHI 3:5

At Tuhan Omame Mondok Hokho mene a'nogo nen ikhi logolik, ”An hobuk wesigin andi re hit wene hinoba figik kotik igiluk wesigin o. An he afuni hareise higirinafarek mene inom, pailak hilingitarek mene inom, ineranhogo wene fagetharek mene inom, ap yabu hilingitu mene faget onggo wogisikhi logolik henarogo hilingitarek mene inom, nen, hemi sogwe hea, yenggerugwi suarek mene hea, afuni pok mene hea inenggi omameba sebelinarek welagaikharek mene inom, it afuni An agaugwet nobagagi'lek hilingitarek mene inom mondogat ineilhanem it hilingiri'lagwi mene andoma An neilenggen kwelaginarek logogin nen. weak-weak wesigin o,” iluk yagaisasikhe.

2 KORINTUS 1:23

An o Korintus hinoba wagi'lek kamo isigi andi re, hit hinendawimo weak asinogo iluk kamo isigi mene andi, at Allah nendawimo eilenggen niikherek mene nen elu o.

ULANGAN 10:20

Hiren he, nineisena Tuhan Allah agaugwerati logolik, At faget enek hilingiti logoino o. Hit hinebe At amu nek oba lombokhogo logolik, At enu nek hombuk palhi logoino o.

ULANGAN 5:11

An he hit hineisena Tuhan Allah welagi andi nen he, afuni ekhe An nenu we tulemat ikhi logogun mene andi unggum inoba fagain enggere, An nenu alomarogo ikhi logogun mondok lego.

ULANGAN 6:13

At nineisena Tuhan Allah agaukhogo fogerati logolik, At faget enek hilingiti logoino. Nen, hombuk paluogeluk halok he, At enuba nek palhi logoino o.

YAKOBUS 5:12

Nerugwi nagaila'lak. Wene ekhe esin mene yi yagahisak. Allah nen wene hinoba feinogo iluk he, hiren pogoroba mene ekhe enu hombuk palhik, kweangma mene ekhe enu hombuk palhik, hunogoat mene ekhe enu hombuk palhik, hombuk palhi logogubo. We, ”Io,” uogoluk halok he, tekhogo ”Ioat” ugun. Nen, ”Lego,” uogoluk halok he, tekhogo ”Lego,” ugun.

YOSUA 2:12

An nendawimo namolo re, hiren he, an nen hit wokhinafirik fano hilinghinafi yi hak, hiren afuni an mene ninom wo'ninabimbik fanoat hilingninabuogeluk hineisena Tuhan Allah enu hombuk palogo wene wa'nesugun anggikhi lagi o. Hiren wene wa'neti logolik, Hat heisena inom, hagaisa inom, herugwi hagaila'lak inom, it inagainafuri mondogat inom, hinebe hinoati'lek telogo hinobabagun, iluk wene wa'ne'ni o. Andi faget, an nen he, iren eberogoat telogo ninobagagun, iluk anggagen he, nendawi wenggelogo logoigen he yagane'ni o,” iluk yagaisasikhe.

YOSUA 2:17

A'nogo yagaisasikhemo, it ap ineil wani wagaukwa mene aremnogo nen, he Rahab mel yagatukwa: ”Nit wene wathesuageluk kino yaganisegen hagat watheto andi, eberogoat hilingisugun aro.

YOSUA 9:20

Niren wene mondogat watoma re inebe pinggi inoasuok lek, andi nen wene wato mene andi taganet foumo Allah nen nit wene ninoba feinogo.