KELUARAN 20:6 - Allah Wene Fano Wene Hupla Inane

⁶ A'nogo meneat he, afuni ekhe An nebe inendawirogo logolik, An nen komothinafirek wene yi hologo hilingiti logogun mene andi nek he, it inebe inom, nen, iren tagongge mene inombalak yi teng ti teng mondok hokhorogo ta'larik laga logogun mene inom, nendawirinafu mondok logogin aro.

KELUARAN 20:6 ပူးပေါင်းရင်းမြစ်များ

NEHEMIA 1:5

mel ikhi lagagi: ”Neisena TUHAN Allah, Hebe Pogoroba Lego Mondok welagen mene. Hat Allah hebe mondok hokho hagun hilingi'mo re, nit hat hebe ninailo logoligat hawe a'ma kogorek andi neisena. Hat hebe ninendawirogo logolik wene komotninafigin mene omanogo hologo higithogo hilingiti lago mene nek he, haren, hit An nagainafuri, iluk wene warogo wo'ninafigin mene andi hendawit ninapluk ninoba lombokhogo mondok welagendek andi, neisena.

MAZMUR 103:17

A'nogo meneat he, At Tuhan nen it afuni At oba inailorogo logolik, ”Yi'nogo hilinghinabigin,” iluk wene warisasikhe mene a'nogo, fisogo mondok logolik higithogo hilingitarek mene andi inebe hobuk ta'larik lagu kwelek, obabut fano a'nogoba, endawirinafu mondok welagarek.

KELUARAN 34:7

An nen he, afuni hobuk alep yi teng ti teng ta'larik laga logogun mene nendawirinafuat logolik, kwanirogo hilingiti logogun mene inom, weak hilingiti logogun mene inom, sagalogo legetfisikhi logogin o. A'nogo meneat he, it afuni andi ekhe kwanirogo hilingitarek mene andi unggum inoba figi'lek herakfisagain lego. We, unggum inoba fembik, iren taginabik laga logogun mene, huli henagan oba he a? enggaminogoba he a, it inagainafuri inom, it inagainafuri nen tagomangge mene inombawilak inom, it inombawi andi nen ta'lasugun mene inom, inomat, it ineisugwi weak hilingita andiba unggum inoba fugu mondok logogin o,” iluk yagatikhe.

AMSAL 3:1

Wene an nen yagaheti lagi mene andoma re honggorasu fugo, namlogo. An nen wene melalek yagaheti lagi mene andoma eberek mondok logogin halok he,

YEREMIA 32:18

Haren he ap inebe hokho pokhorogo inoba hendawi hundik hilinginafi lagen mene inugisikhi lagen, oba nen Harenat ogore afuni ineisugwi inagaisawi nen weak hilingituba unggum wogisikhi lagenat. Hat he Allah Mondok lego mene logolik esin mene welagen. Henu re Tuhan Homame Mondok Hokho mene andi, neisena.

DANIEL 9:4

A'nogo neisena Tuhan Allah ayonggo fikhi logolik he, afuni an ninom ninunggulenu misigat mene ninomen Allah ane sagalogo weak hilingitugu mene andi fakhogo fikhi logolik, mel yagati, ”Nineisena Allah henu hokho andi nen, nit Hat ninailorogo logolik fogethaforego, neisena. Hagainafuri nen, haren, Yi'nogo hilingiti logoino, ti'nogo hilingiti logoino, iluk komotninafigin wene andi higithogo hilingiti logolik, hebe inendawirogo welagaikharek mene andi, haren inebe hendawirinafu mondok logolik, wene warogo ninebe wo'ninafigin mene andi higithogoat ferinarek welagik, egendegaro, neisena. Meneat he, nit hat hawe a'ma lombokhogo logou ninabiren he, hane sagalogo weak hilingitik, kwanirogo hilingitik, ikhi logolik, Haren, Yi'nogo hilingiti logoino, ti'nogo hilingiti logoino, iluk komotninafigin wene andi, hane lisu palek oba louksek hilingiti'lek herakfisaluk, hunogo mene faget hilingitugu andi o, neisena.

BILANGAN 14:18

’An hineisena Tuhan nobabut he, weak-weak na'makwe het-periluk wenagisigirek lego. Nen, hokhorogo nendawirinafik, herakfisigi'lek ferinarek mondok welagik, afuni weak hilingitarek mene inom, inaselei mene hangge hilingnafarek mene inom, sagalogo legetfisigik, igirego. It a'nogo hilingitu kwelek meneat he, it weak hilingiti logogun andiba, onggo re, iren tagongge mene attak ta'lagik, ombo'ne ta'lagik, hobuk ekhe ta'lagik, huli 4 oba ta'lasugun mene inomat inoba fagain o,’ iluk isigin anggigi.

YOHANES 14:15

At Yesus nen wene a'nogo warisasikhesik he, wene ekhe mel yagaisasikhe: ”Hit an hinendawinggen hundik halok he, an nen hit yi'nogo hilingiti logoino, ti'nogo hilingiti logoino, iluk yagahisikhi lagi mene andi hilingiti logogun o.

YOHANES 14:21

At sa nen, an nen, yi'nogo hilingiti logoin o, ti'nogo hilingiti logoin o, iluk yagahisigi mene andi, nane hologo hilingiterek halok, an nebe endawinggen hundik mene at andi aro. Nen, neisena nen at andi endawinggen hundigat. Nen, an nen at andi nendawinggen hundik logolik, nebe futnobagauwageluk yagasigin o,” iluk yagaisasikhemo,

KISAH PARA RASUL 2:39

At Allah nen, Nareagun wokhisagain, iluk wene watnisasikhe andi re, hit hinebe inom, hinagainafuri inom, it ekhe inaiba yatma mene andoma inom, hinebe nineisena Tuhan Allah nen, we'ni o, iluk wolhisili'logo mene halok, mondogat faget wene hirat wathisasikhe o,” iluk yagaisasikhe.

ULANGAN 4:37

Aren, hinombalak inebe endawinggen hundik welagarek andi nen, hit hinebe wenagaisogo hinobagaikhesik At omame hokho mene a'nogoba o Mesir en wokhinarek wulibi wagaikhe andi.

ULANGAN 5:29

It inom iren tagomangge mene inom mondok-mondok inoba fanorogo logouwagen, iren hobugen An legeisogo nobagagik, An nane hol fuluk higithogo hilingitik, hilingiti logogun oba nen a'nogo hilingiti logogun lek logou hak.

ULANGAN 7:9

Nineisena Tuhan Allah ebe amuat logolik, obabut wene wa'nisikherek higithogo hilingiterek andi oba eberek mondok logoino o. Afuni nineisena Tuhan ebe inendawinggen hundik logolik, Aren, Yi'nogo hilingiti logoino, ti'nogo hilingiti logoino, iluk komotninafikhe wene andi hologo hilingitunem, Aren inebe endawi nen leberisugu mondok were'ma, wene wa'nisasikhe mene andi ebe higithogo mondok hilinginafu kwelek inagainafuri 1.000 huli ta'larik laga logogun andi.

YAKOBUS 1:12

Hit ekhe Iblis nen hinendawimo kagaligeluk yi enggin ti enggin hinoba fugu kwelek, hinafe morogo logogun halok, hinendawimo hinagaiyekhogo logoguno. A'nogo hinafe morogo logogun halok, Allah nen he, ”An nebe hinendawi mene halok hineluk mondok logogun mene wokhisagain o,” iluk, abok yaganisasikhe a'nogo hit hinobabut palogo nenat wokhisagain o.

1 YOHANES 4:19

Attak Allah nen tak endawitninafikhe andi nen he, nit ogo re, nit-nit nendawi-hendawirogo logouwogo.

1 YOHANES 5:3

Nit Allah nen ta'ninafe mene halok ninebe lombogen he, ”Allah ane andi eberogoat,” iluk ninendawinggen at oba himbiret fogorek andiba, it afuni kweangma mene inobabut inetogat logolik weak hilingitarek mene andi mabenetfisaluk ninomame agorek andi. A'nogo mabenetfisaluk ninomame agorek andi nen, wene Allah nen komotninafikhe wene andi enggin fuk, serego. Andi nen he, niren, ”Allah ebe ninendawi welago,” iluk u hak he, aren wene komotninafikhe wene andi hologo higithogo hilingiti logouwogo.

2 YOHANES 1:6

Nit-nit nendawi-hendawirogo logogun andi ebe re, wene Allah nen komotninafikhe wene a'nogo higithogo hilingiti logogun andi aro. Wene komotninafikhe andi re, ebe yi: ”Hit-hit nendawi-hendawirogo hilingiti logoino,” iluk eroba nen komotninafikhemo holhugu andi hagat hilingiti logoguno.